DANIEL 8:23 - Ombibeli Iyapuki

²³ “Ndelenee pexulilo lomapangelo ado, ovaliteeki eshi va wanifa owii wavo, opo ohamba imwe tai ka holoka, omwiidi omunaendunge mokukengelelwa.

DANIEL 8:23 ပူးပေါင်းရင်းမြစ်များ

GENESIS 15:16

Ndele epupi etine otali ka alukila apa, osheshi oulunde wOvaamori inau wana natango.”

OMAYELETUMBULO 1:6

opo a shiive eyeletumbulo neendjovo dekumbiko, eendjovo dovalumenhu ovanongo noitevo yavo.

HESEKIEL 38:16

Ndele ove oto ka totela oshiwana shange Israel ngaashi oshilemo okuuvika oshilongo. Pexulilo lomafimbo tashi ka ningwa. Ame ohandi ke ku efela u lotokele oshilongo shange, oiwana opo i shiive nge, Ame ngeenge handi liholola ouyapuki wange mwoove Gog, moipafi yayo.”

HESEKIEL 38:8

Omafimbo mahapu ngeenge a pita ove to hangika kelombwelo. Pomaxulilo omido ove oto ka totela moshilongo osho sha li sha mbuwalekwa koita, omo mwa ongelwa oiwana ihapu, keemhunda daIsrael, sha kala efimbo lile omakulukuma, heeno, sho osha kufwa moiwana, vo aveshe ohava kala ve nombili.

DANIEL 10:14

Ame onde uya ndi ku shiivifile oshiwana shoye eshi tashi ka ningwa momafiku axuuninwa, osheshi emoniko yo eli tali xunganeke efimbo li li komesho kokule.”

DANIEL 11:21

Opo nee ponhele yaye tape uya umwe omukolokoshi, ou vo itave mu pe efimano lohamba. Ndelenee oye te ke uya mefaukilo, noshilongo ote shi laipike nelungi.

DANIEL 11:24

Mokuvakela ote uya momikunda diwa doshishipo domoshilongo, ndele ye ota ka ninga osho inashi ningwa nale kooxe nokooxekulu. Oitinhwa noixuulwa noupuna ye ota ka tukulila ovanhu vaye, ndele e nomadiladilo okutotela eehotengulu, ndelenee fiyo okefimbo eli la tokolwa.

DANIEL 7:11

“Ndele ame onda kala nokutala ndele fimbo handi tale, opo oshilyani osho sha dipawa molweendjovo desheko da popiwa koluvinga linya, noshimhu shasho sha nyanyaulwa nosha ekelwa momundilo wa tema, shi pile mo.

DANIEL 7:20

Ndele nda hala okushiiva eembinga edi omulongo da kala komutwe washo, noluvinga linya likwao la mbaduka mo nomoitanaisho eembinga nhatu da wa mo, nokutya oluvinga linya la li li nomesho nokanya ka popya oinima inene ndele olo la li linene li dule dikwao.

DANIEL 7:25

Ndele yo otai sheke ou wOkombadambada ndele yo tai hanauna po ovayapuki vaau wOkombadambada. Ndele yo otai kendabala okulundulula omafimbo nomhango, ndele vo otava ka yandjwa momake ayo efimbo nomafimbo avali netatakati lefimbo.

DANIEL 7:8

Fimbo ame handi tale nawa eembinga odo, tala, pokati kado pa mbaduka oluvinga linini, neembinga nhatu domudikwao oda dudwa mo. Ndele tala, moluvinga eli omwa li mu nomesho, a fomesho omunhu, nokanya taka popi oinima inene.

DANIEL 8:22

Ndele linya eshi la teka po noponhele yalo opa pita eembinga nhee, nokutya oilongo ine tai ka holoka moshiwana shayo, ndelenee hameenghono dayo.

DANIEL 8:24

Ndelenee eenghono daye otadi ka ninga dinene, ndelenee hakeenghono daye mwene. Ndele ta ka hanauna po nai tashi kumwifa. Mwaashi te shi longo ta kala e nelao, ndele ta ka nyonauna po ovanaenghono, nosho yo oshiwana shovayapuki.

DANIEL 8:25

Ndele omolweendunge daye ye ita ka nyengwa mokukengelela kwaye. Nomomutima waye ota dilonga oinima inene, ndele divadiva ta hanauna po vahapu, heeno, te linenepekele Omwene woovene, ndelenee ota ka teyaulwa, ndelenee hakeke lomunhu.

NUMERI 24:24

Eeskepa tadi uya langhele lwokombinga yOvakittim, vo otava ka xutula Asiria, ndele tava ka xutula Eber. Ndele nasho yo sha yandjelwa ehanauno.”

MATEUS 23:32

Wanifeni hano nokufikifa oulunde wooxekulu.

DEUTERONOMION 28:50

oshiwana shi noshipala shikukutu, ou ita kenukile eenghwakutoka ndele ita file omunyasha onghenda,

1 OVATESSALONIKI 2:16

eshi have tu kelele okuudifila ovapaani, opo va xupifwe; osho ngaha tava yadifa alushe oulunde wavo. Ndelenee ehandu ole uya nokuli kombada yavo.

1 TIMOTEUS 4:1

Ndelenee Omhepo otai popi eendjovo di uditike nawa nokutya, momafiku axuuninwa vamwe otave liteeka po eitavelo, ndele tava ka shikula eemhepo dipukifi nomalongo eendemoni,

EHOLOLO 19:20

Noshilyani osha kwatwa pamwe nomuxunganeki omunaipupulu, ou kwa li ha ningi omadidiliko moipafi yasho, nokwa hongaula nao venya va tambula edidiliko loshilyani ndele ve linyongamena koshiyelekela shasho, vo vavali ova ekelwa ve nomwenyo mombwili yomundilo wa ehelifwa osulfuri.