DANIEL 8:13 - Ombibeli Iyapuki

¹³ Opo nee nda uda omuyapuki umwe ta popi, nomuyapuki mukwao okwa lombwela winya ta popi, ndele ta ti: “Emoniko eli tali ka hanga efimbo li fike peni, nokutya emoniko eli tali tongo eyambo lefiku keshe nowii woukolokoshi, otembeli netanga eshi tai yandjelwa okulyataulwa?”

DANIEL 8:13 ပူးပေါင်းရင်းမြစ်များ

OMAPSALOME 74:10

Akutu Kalunga, fiyo onaini hano to efa omunafundo e tu sheke, nomutondi a kale ta sheke edina loye?

OMAPSALOME 74:9

Oiulikilifo yetu iyapuki itatu i mono vali; kape na vali omuxunganeki, ndele mufye kamu na umwe ta shiiva nokutya, fiyo onaini.

OMAPSALOME 79:5

Omwene, fiyo onaini hano to kala wa handuka? Nonya yoye fiyo onaini tai kala ya xwama ngaashi omundilo?

JESAJA 28:18

Ndele ehangano leni nefyo otali ka teka po, nomhangela yeni noshovafi itai ka kala po; omupya ngeenge tau tondokele po ngaashi efundja, otamu ka lyataulwa kuwo.

JESAJA 6:11

Opo nda tya: “Fiyo onaini Omwene?” Ye okwa nyamukula, ndele ta ti: “Fiyo oilando tai ningi omaputu muhe na ovanhu, nomaumbo muhe novanhu, nedu tali ka ninga ofuka;

JESAJA 63:18

Okafimbo okaxupi kongaho oshiwana shoye sha hoololwa sha nangala edu lasho, novatondadi vetu ova lyataula ouyapuki woye.

JESAJA 9:6

Osheshi okaana ke tu dalelwa, Omona omumati e tu yandjelwa, nepangelo oli li komapepe aye, ndele ta ifanwa: Omukumwifa-Omupukululi, Kalunga Omunaenghono, Tate yaalushe, Ohamba yombili.

JEREMIA 12:10

Ovafita vahapu ova hanauna po oshikokola shange shomiviinyu, nepya lange la wapala ove li lyataula, la ninga eputu longaho.

DANIEL 11:31

Ndele omatanga ovakwaita otaa ka shivwa kuye, taa ka fikama nokuyapululula otembeli nohotengulu, ndele vo otava ka xulifa eyambo lomafiku aeshe, ndele tava dikile po oixuna yehanauno.

DANIEL 12:11

Okudja kefimbo tuu olo eyambo lomafiku aeshe tali kukifwa, noixuna yehanauno tai dikilwa ko, otapa kala omafiku eyovi nomafele avali nomilongo omugoi.

DANIEL 12:8

Ndele ame onde shi uda, ndelenee nghi shi udite ko, onghee nda tya: “Omwene wange! Exulilo loinima ei otali kala la tya ngahelipi?”

DANIEL 4:10

Ndele omamoniko omomutwe wange nda li nda mona momutala wange, oyaa: Onda mona, ndele tala, omuti wa mena pokati kounyuni ndele wo wa li mulemule.

DANIEL 4:13

“Ndele onda mona memoniko lomomutwe wange, eli nda li nda mona momutala wange, ndele tala, omweengeli muyapuki a dja meulu ndele ta kulukile poshi.

DANIEL 4:23

Ndele ohamba, eshi ya mona omweengeli muyapuki, a dja meulu nokwa kulukila poshi neendjovo edi: ‘Keni po omuti ou, nye mu u nyone po, ndelenee oshifidi shao nomidi dasho nadi fyaale medu, shi kale momwiidi womoixwa, sha mangwa omalyenge oivela ilaula noitwima, nashi tutikwe komume yokeulu nomwiidi womoixwa nau ninge eendja daye, ngaashi oimuna fiyo omafimbo aheyali nae mu xulile po,’

DANIEL 7:16

Ndele ame onda ehena popepi naumwe wa venya va kala ofika penya, ndele nde mu pula ndi shiive oshili yoinima aishe ei. Ndele ye okwe i lombwela nge ndele a tomonena nge oinima inya.

DANIEL 7:23

Ndele ye okwa tya ngaha: ‘Oshilyani oshitine osho oshilongo oshitine, tashi ka kala kombada yedu, oshi lili, itashi fe oilongo ikwao. Osho tashi ka hakana po edu alishe, ndele tashi ke li lyataula ndele tashi ke li nyanyaula.

DANIEL 9:27

Ndele ye ota ka ninga eudafano la pama navahapu, li kale oule woshivike shimwe, ndele pokati koshivike ye ota ka xulifa etomenoyambo neendjayambo. Ndele omuhanauni ote ke uya nomavava oixuna. Eshi itashi xulu po fimbo etokolo la nunwa tali tililwa kombada yomuhanauni.”

SAKARIA 1:19

Opo nee nda tya komweengeli, ou a popifa nge: “Odo otadi ti shike?” Ndele ye okwa nyamukula nge: “Eembinga odo tuu odo de lihanifa Juda naIsrael naJerusalem.”

SAKARIA 14:5

Ndele onye tamu ka ya onhapo mefilu lopokati keemhunda dange, osheshi efilu lopokati keemhunda tali ka hanga fiyo okuAsal. Ndele onye tamu ka ya onhapo ngaashi mwa dja onhapo ekakamo ledu pomafiku aUssia, ohamba yaJuda. Opo tuu Omwene Kalunga kange ota holoka novayapuki aveshe pamwe naye.

MATEUS 11:27

Oinima aishe Ame nde i pewa kuTate, ndele kaku na ou ta shiiva Omona, Tate Oye tuu aeke, ndele kaku na ou ta shiiva Tate, Omona Oye tuu aeke, naau Omona a hala oku mu hololela.

MATEUS 24:15

“Hano ngeenge tamu mono oixuna yehanauno, ya popiwa komuxunganeki Daniel, i li ofika ponhele iyapuki (omuleshi ne shi didilike)

MARKUS 13:14

“Ndele eshi tamu mono oixuna yehanauno tai kala poima inai fewa po (omuleshi ne shi didilike), opo nee ava tava hangika muJudea, nava fadukile keemhunda,

LUKAS 10:22

Aishe onde i pewa kuTate ndele kaku na ou ta shiiva Omona, Tate Oye tuu aeke, ndele kaku na ou ta shiiva Tate, Omona Oye tuu aeke, naau Omona a hala oku mu hololela.”

LUKAS 21:20

“Ndele ngeenge tamu mono Jerusalem sha kondekwa komatanga ovakwaita, opo nee shiiveni ehanauno laJerusalem ola fika popepi;

LUKAS 21:24

ndele vo ove nokufya keememo deongamukonda, notava twalwa moupika koiwana aishe, ndele Jerusalem tashi ka lyataulwa kovapaani fiyo omafimbo ovapaani taa wana.

JOHANNES 1:18

Kape na ou a mona Kalunga nande; Ewifa olo la kala mekolo laXe, olo le mu holola.

DEUTERONOMION 33:2

Ndele ye okwa tile: Omwene okwe uya, a dja kuSinai, ndele okwe va pitila ngetango muSeir. Ye okwe va holokela mouyelele woshinge keemhunda daParan nokwa dja mengafifi lovayapuki omayovi omulongo. Kolulyo laye kwa monika omhango ya xwama omundilo moipafi yavo.

1 OVATESSALONIKI 3:13

opo Ye a pameke omitima deni, di hangike dihe noshipo omouyapuki koshipala shaKalunga ketu, Tate yetu, omokwaaluka kwOmwene wetu Jesus Kristus, pamwe novayapuki vaye aveshe.

OVAHEBERI 10:29

hano otamu ti ngahelipi ehandu olo tali kala li fike peni kwaau ta lyata nomhadi Omona waKalunga nota dini ohonde yehangano, omo a yapulilwa mo ndele ta sheke Omhepo yefilonghenda?

1 PETRUS 1:12

Nashaashi inave liyakula voovene, ndelenee ove tu yakula, ova hololelwa osho mwe shi shiivifilwa paife kwaava ve mu udifila evaengeli omOmhepo Iyapuki a tumwa a dja meulu, nomo tuu omo novaengeli hava djuulukwa okuvandamena mo.

JUDAS 1:14

Naave yo Henok, omutiheyali kokudja kuAdam okwe va xunganeka, a tya: “Tala, Omwene ote uya novayapuki vaye omayovi omilongo,

EHOLOLO 11:2

Ndele olupale lopondje yotembeli nali kale, ino li yeleka, osheshi lo ola efelwa oiwana, ndele yo otai ka lyataula oshilando eshi shiyapuki oule weehani omilongo nhee nambali.

EHOLOLO 6:10

Ndele vo ova ingida nondaka inene tava ti: “Omwene Oove omuyapuki nomunashili, fiyo onaini ito tokola, Ove u handukilile ohonde yetu ovakali kombada yedu?”

OVATOKOLIPANGELI 13:18

Nomweengeli wOmwene ta ti kuye: “Omolwashike to pulile nge edina lange, osheshi lo olikumwifa?”