DANIEL 8:11 - Ombibeli Iyapuki

¹¹ Ndele lo ole linenepekela Mwene wetanga opo eyambo lefiku keshe ola kufwa po, ndele onhele yotembeli yaye ya hanaunwa po.

DANIEL 8:11 ပူးပေါင်းရင်းမြစ်များ

JESAJA 37:23

Olyelye ou ove we mu dina nowe mu tuka, nondaka yoye owe i yelulila lyelye? Omesho oye owe a dakamena melituleko kOmuyapuki waIsrael.

JESAJA 37:29

Osheshi ove wa tukulukila nge, nokuhola ounhwa kwoye okwa fika momatwi ange, hano onda hala ndi xwekele ondjolo meyulu loye, noshitomo mokanya koye nohandi ku shunifile nondjila ei we uyile nayo.’

JEREMIA 48:26

Mu kolwifeni, ye a kolwe, osheshi ye okwe linenepekela Omwene, opo Moab a alangatele meenghungo daye mwene, naye yo a ninge oiyolifa.

JEREMIA 48:42

Ndele Moab otashi ka kombwa po, shiha kale vali oshiwana, osheshi she linenepeka nokutwa ondubo nOmwene.

HESEKIEL 46:14

Nongula keshe mu nokulongekida vali kulo ngaashi eendjayambo eekilograma mbali doufila, nolita imwe omaadi okushashamina oufila utoka. Oyo eendjayambo kOmwene; eenghedimhango daalushe fiyo okondongolondongo.

DANIEL 11:22

Ndele omatanga aa tae uya nokukungulukila mo, otaa ka kombwa po nokuteywa po moipafi yaye, nosho yo omukulunhu wehangano.

DANIEL 11:31

Ndele omatanga ovakwaita otaa ka shivwa kuye, taa ka fikama nokuyapululula otembeli nohotengulu, ndele vo otava ka xulifa eyambo lomafiku aeshe, ndele tava dikile po oixuna yehanauno.

DANIEL 12:11

Okudja kefimbo tuu olo eyambo lomafiku aeshe tali kukifwa, noixuna yehanauno tai dikilwa ko, otapa kala omafiku eyovi nomafele avali nomilongo omugoi.

DANIEL 5:23

ndelenee ove we linenepeka nokutwila Omwene weulu ondubo. Ndele oikwatelwa yongulu yaye oya etwa koshipala shoye. Ndele ove nomalenga oye novambada voye noikumbu yoye omwa nwina mo omaviinyu. Noikalunga yoshingoldo noyoshisiliveli noyoshikushu noyoivela noyoshiti noyomamanya owe i litangela, oyo tuu ihai mono ko, ihai udu ko, yo ihe shii sha, ndelenee Kalunga ou e kwete meke laye omufudo woye neendjila doye adishe di li koshipala shaye, Oye tuu ou ove ino mu fimaneka.

DANIEL 7:25

Ndele yo otai sheke ou wOkombadambada ndele yo tai hanauna po ovayapuki vaau wOkombadambada. Ndele yo otai kendabala okulundulula omafimbo nomhango, ndele vo otava ka yandjwa momake ayo efimbo nomafimbo avali netatakati lefimbo.

DANIEL 8:12

Ndele etanga yo ola yandjwa moukolokoshi koluvinga, ngaashi eyambo lefiku keshe, li hanaunwe po. Ndele olo la nata po oshili, ndele la li li nelao moilonga yalo.

DANIEL 8:24

Ndelenee eenghono daye otadi ka ninga dinene, ndelenee hakeenghono daye mwene. Ndele ta ka hanauna po nai tashi kumwifa. Mwaashi te shi longo ta kala e nelao, ndele ta ka nyonauna po ovanaenghono, nosho yo oshiwana shovayapuki.

DANIEL 8:25

Ndele omolweendunge daye ye ita ka nyengwa mokukengelela kwaye. Nomomutima waye ota dilonga oinima inene, ndele divadiva ta hanauna po vahapu, heeno, te linenepekele Omwene woovene, ndelenee ota ka teyaulwa, ndelenee hakeke lomunhu.

DANIEL 9:25

Hano paife, kala u shi shii, ove u ude: kokudja kondaka oyo, kutya Jerusalem oshi nokuwapekwa nokutungululwa, fiyo okOmwene Omuvaekwa oku na oivike iheyali. Ndele oivike omilongo hamano naivali ngeenge ya pita, otashi ka wapekwa nokutungululwa neendabo dasho nohotekuma yasho, ndelenee omomafimbo madjuu.

NUMERI 28:3

“Ndele u noku va lombwela: Omundiloyambo mu noku u etela Omwene oyou: Oudjona vavali vomudo umwe vehe noshipo, efiku keshe exwikiloyambo lomafiku aeshe.

LUKAS 21:24

ndele vo ove nokufya keememo deongamukonda, notava twalwa moupika koiwana aishe, ndele Jerusalem tashi ka lyataulwa kovapaani fiyo omafimbo ovapaani taa wana.

2 OVATESSALONIKI 2:4

omunandubo ou te litula pombada yaashishe hashi ifanwa Kalunga nouyapuki, opo nee ye te ke litula motembeli yaKalunga ndele te liluku Kalunga.

OVAHEBERI 2:10

Osheshi sha wapalela ou, aishe i li omolwaye naaishe ya dja muye, mOmwene wexupifo lavo, e mu lenge mouyehame, a kale a wana nokutwala ovana vahapu moshinge.

EHOLOLO 17:14

Do otadi kala nokulwifa Odjona, ndele Odjona pamwe novashikuli vayo, ovaifanwa novahoololwa novadiinini, otai di findi, osheshi oyo Omwene wo vene nOhamba yeehamba.”