DANIEL 7:9 - Ombibeli Iyapuki

⁹ Ndele fimbo handi shi tale, okwa dikwa omalukalwapangelo, ndele Omuxungu ta kala omutumba. Oikutu yaye oitoka ya fa eemhawe, neexwiki dokomutwe waye oditoka ngaashi olududi leedi li yela. Olukalwapangelo laye la li omalaka omundilo, ndele omaulu alo a fomundilo wa tema;

DANIEL 7:9 ပူးပေါင်းရင်းမြစ်များ

1 EEHAMBA 22:19

Mikaia ta ti vali: “Pwilikina ondjovo yOmwene: Ame nda mona Omwene e li omutumba kolukalwapangelo laye meulu, novaengeli aveshe va kala ofika puye.

2 OMAFIMBO 18:18

Mikaia ta ti vali: “Pwilikina ondjovo yOmwene, eshi ta ti: Ame nda mona Omwene e li omutumba kolukalwapangelo laye meulu, novaengeli aveshe va kala ofika puye.

OMAPSALOME 45:8

Omudjalo woye aushe ou nedimba liwa lomirha naaloe naakassia; neshiko lokaxumbafeta otali ku hafifa meengulu da tungifwa ekipa leendjaba.

OMAPSALOME 90:2

Manga ino shita eemhunda nomanga ino holola po ounyuni, Ove Kalunga kaalushe oko wa li, noto ka kala alushe fiyo alushe.

OMAPSALOME 93:2

Olukalwa loye ola kala lapama nale noshito, Ove wa dja nale alushe.

JESAJA 6:1

Omudo ohamba Ussia ya fya, onda mona Omwene, a kala omutumba kolukalwapangelo lakula nola yeluka oloshinge, noshikutu shaye osha yadifa otembeli.

JESAJA 9:6

Osheshi okaana ke tu dalelwa, Omona omumati e tu yandjelwa, nepangelo oli li komapepe aye, ndele ta ifanwa: Omukumwifa-Omupukululi, Kalunga Omunaenghono, Tate yaalushe, Ohamba yombili.

JEREMIA 49:38

Ndele olukalwapangelo lange ohandi ke li dikila muElam. Ndele handi ka mana mo musho ohamba noidale ovakulunhu, Omwene osho ta ti.

HESEKIEL 1:26

Ndele kombinga ei yokombada yevalelwa oyo ya li kombada yomitwe dayo, pa kala sha sha fa emanya lasafir, molupe lolukalwapangelo. Nomolupe lolukalwapangelo nda mona olupe lwa fa omunhu.

DANIEL 7:13

Ame onda mona momamoniko oufiku, ndele tala, Umwe a fa omona womunhu e uya moilemo yokeulu, ndele ye okwe uya kOmuxungu ndele ve mu ehenifa koshipala shaye.

DANIEL 7:22

fiyo Omuxungu e uya ndele a yukifila ovayapuki vaau wOkombadambada fiyo efimbo la fika ovayapuki va pewa oshilongo.

MIKA 5:2

Ndele oove Betlehem Efrata, oove munini mokati komapata aJuda, mwoove tamu ka dja ou, ta ka ninga Omupangeli muIsrael. Nehovelo laye oloshitonale, heeno, olomoukwaalushe.

HABAKUK 1:12

Hamba haave Omwene, Kalunga kange omuyapuki okudja omafimbo onalenale? Fye itatu ka fya. Omwene, owe va ninga etokolo. Oove emanya, we va ninga oshihanyenifo.

MATEUS 17:2

Ndele okwa shituka moipafi yavo, noshipala shaye sha vema ngaashi etango, noikutu yaye oya yela ya fouyelele.

MATEUS 28:3

Ndele okufa kwaye okwa li kwa fa oluvadi noikutu yaye itoka too, ya fa eemhawe.

MARKUS 9:3

Ndele oikutu yaye ya ninga itoka tootoo ya vilima, nokape na omuyelifi kombada yedu ta shiiva okutokifa ngaha.

OILONGA YOVAYAPOSTOLI 2:30

Ndele oye eshi a li omuxunganeki, okwa li e shi shii Kalunga e mu anenene eano nokutya, umwe womoludalo laye e nokukala omutumba kolukalwa laye louhamba.

OILONGA YOVAYAPOSTOLI 2:33

Hano eshi a kala kolulyo laKalunga, a yelulilwa ko, okwa pewa kuXe Omhepo Iyapuki, ou a udanekelwa, Ye okwe mu tilila, Oye ou mwe mu mona nomwe mu uda.

OVAFILIPPI 3:9

ndele ndi monike ndi li muye, ndihe nouyuki wange mwene womomhango, ndelenee oyou womeitavelo laKristus, ouyuki tuu ou hau di muKalunga molweitavelo;

1 TIMOTEUS 6:16

ou aeke ita fi noha kala mouyelelelela omu itamu shiiva okwiiwa, Oye ina monika nande okomunhu, Ye ita dulu okutalwa. Efimano olaye neenghono daalushe odaye. Amen.

1 JOHANNES 1:5

Hano ondaka twe i uda kuye ndele hatu i mu udifile oyo ei: Kalunga Oye ouyelele, omulaulu kau mo muye.

EHOLOLO 1:14

Omutwe waye neexwiki oda li ditoka to, ngaashi olududi litoka, nongaashi omongwa utoka to nomesho aye ongaashi omalaka omundilo,

EHOLOLO 19:18

nye mu lye ombelela yeehamba, nombelela yovaneyovi, nombelela yovanaenghono, nombelela yeenghambe noyovalondi vado, nombelela yovadalwa noyovapika yaava vanini noyaava vakula.”

EHOLOLO 20:4

Ndele nda mona omalukalwapangelo, ovo va kala ko omutumba, voo ova pewa okutokola; ndele nda mona eemwenyo daavenya va tetwa omitwe molwehepaululo laJesus nomolwondjovo yaKalunga naava inave linyongamena koshilyani nokoshiyelekela shasho, ndele inava tambula edidiliko moipala nokombada yomake avo; ovo va ninga omwenyo ndele va pangela pamwe naKristus omido eyovi.

EHOLOLO 4:2

Divadiva onda li mOmhepo, ndele tala, meulu omwa kala olukalwapangelo nokolukalwapangelo okwa kala umwe omutumba.