DANIEL 7:8 - Ombibeli Iyapuki

⁸ Fimbo ame handi tale nawa eembinga odo, tala, pokati kado pa mbaduka oluvinga linini, neembinga nhatu domudikwao oda dudwa mo. Ndele tala, moluvinga eli omwa li mu nomesho, a fomesho omunhu, nokanya taka popi oinima inene.

DANIEL 7:8 ပူးပေါင်းရင်းမြစ်များ

OMAPSALOME 12:3

Omwene, ngeno na tete po omilungu adishe di nomufenhu nakeshe tuu elaka tali litangele ounangane,

DANIEL 11:36

Ndele ohamba otai ka longa eshi ya hala, ndele yo otai ke linenepeka, tai liningi inene kombada yoikalunga aishe, ndele tai ka tuka Kalunga kookalunga neendjovo doixuna. Ndele tai ka kala i nelao fiyo oupyuhandu wa wanifwa. Osheshi osho sha tokolwa, oshi nokuwanifwa.

DANIEL 7:19

“Opo ame nda li nda hala okushiiva shili oshilyani eshi oshitine, sha li shi lili, inashi fa ikwao, ndele osha tilika unene shili, sha li shi nomayoo oivela neenyala doshikushu, tashi hakana nokunyanyaula, ndele eshi sha xupa po, oshe shi lyata nomakasha asho.

2 OVATESSALONIKI 2:4

omunandubo ou te litula pombada yaashishe hashi ifanwa Kalunga nouyapuki, opo nee ye te ke litula motembeli yaKalunga ndele te liluku Kalunga.

2 TIMOTEUS 3:2

osheshi ovanhu otava kala nokulihola voovene, ovanalwisho voimaliwa, ovalitangi, novalinenepeki novasheki, vehe neduliko kovakulunhu, vehe shii kupandula, vehe neitavelo,

2 PETRUS 2:18

Osheshi ohava popi eendjovo da nyika elinenepeko noushima mokukala mouhalu wombelela ohava hongaula noilonga yoihole, vo ova dja konyala onhapo va pume mondjila,

JUDAS 1:16

Ovo tuu ava ovanaenyamukudi alushe nohava ngongotele oipewa yavo ei ve i na, ndele tava kala nokushikula omauhalu avo, nomakanya avo taa popi eendjovo dounhwa ndele tava heke ovanhu nokukonga shavo vene.

EHOLOLO 13:1

Ndele onda mona mefuta mwa djuuka oshilyani shi neembinga omulongo nomitwe heyali nokeembinga dasho oikoloni omulongo, nokomitwe dasho oku nomadina okusheka.

EHOLOLO 9:7

Ndelenee olupe lwoshipaxu osho la li la fa leenghambe da longekidilwa oita, ndele komitwe dasho okwa li ngaashi oishani ya fa oshingoldo, noipala yasho oya fa oipala yovanhu,

1 SAMUEL 2:3

Inamu kala nokulitanga unene alushe. Inamu pitifa mo mokanya keni eendjovo doukolokoshi. Osheshi Omwene Oye Kalunga omushiivi waaishe. Ye ota yeleke oilonga.