DANIEL 7:6 - Ombibeli Iyapuki

⁶ Konima onda mona, ndele tala, okwa li vali shimwe sha fongwe, sha li shi nomavava ane odila kombuda yasho. Oshilyani eshi osha li yo nomitwe nhee, ndele osha pewa eenghonopangelo.

DANIEL 7:6 ပူးပေါင်းရင်းမြစ်များ

HESEKIEL 17:3

Omwene Kalunga ta ti ngaha: Onhwa yakula nomavava manene, nomenya male noidudilo ihapuihapu, i noutotone vahapu, ye uya kuLibanon, ndele ya kufa oxulo yomuti womusederi.

DANIEL 10:20

Opo Ye ta ti: “Ou shi shii tuu ove, omolwashike nde uya kwoove? Ohandi shuna paife, ndi ka lwife omweengeli omukulunhu waPersia. Ndelenee ngeenge nda efiwa kuye, otaku uya omweengeli omukulunhu waGreka.

DANIEL 2:39

Ndele ove to ka shikulwa kouhamba umwe u dulike kwaau woye, ndele tau shikulwa kouhamba omutitatu woshikushu notau ka pangela edu alishe.

DANIEL 7:4

Ndele shotete osha li sha fonghoshi ya li i nomavava onhwa. Fimbo ame handi shi tale, omavava asho okwa dudwa mo, ndele osha kufwa pedu, ndele sha kalekwa ofika komaulu avali ngaashi omunhu, ndele osha pewa omutima womunhu.

DANIEL 7:5

Ndele tala, okwa li oshilyani shimwe oshitivali, osha li sha fa emwangha, ndele sha kalekwa ofika kolupati lasho, shi kwete eemhati nhatu mokanya kasho pokati komayoo asho. Ndele osha lombwelwa: ‘Fikama, lya ombelela ihapu!’

HOSEA 13:7

Opo nee Ame nda ninga kuvo ngaashi onghoshi, onde va nangela pomunghulo wondjila ngaashi ongwe.

EHOLOLO 13:2

Noshilyani osho nde shi mona, osha li ngaashi ongwe, nomakasha asho okwa fa aa emwangha, nokanya kasho oka fa okanya konghoshi; ndele ongadu oye shi pa eenghono dayo nolukalwapangelo layo nepangelonghono linene.