DANIEL 7:27 - Ombibeli Iyapuki

²⁷ Opo nee oshiwana shovayapuki vaau wOkombadambada tashi pewa ouhamba neenghonopangelo netumbalo loilongo aishe yokoshi yeulu alishe. Oshilongo shavo osho oshilongo shaalushe, ndele omapangelo aeshe otae va fimaneke, ndele taa dulika kuvo.’

DANIEL 7:27 ပူးပေါင်းရင်းမြစ်များ

OMAPSALOME 145:13

Ouhamba woye ou li po tau kalelele fiyo alushe nepangelo loye fiyo okomapupi aeshe.

OMAPSALOME 22:27

Fiyo okominghulo dounyuni otave ke shi shipulula, ve lialulukile kOmwene, noiwana aishe yovapaani otai ke linyongamena koshipala shoye,

OMAPSALOME 72:11

Heeno, oyo oi nokulinyongamenwa koshipala shaye, noiwana yovapaani i noku ke i longela.

OMAPSALOME 86:9

Oiwana aishe yovapaani, ngaashi we i shita, otai ke uya i linyongamene koshipala shoye, Omwene, nai fimaneke edina loye;

JESAJA 14:2

Ndele oiwana otai va kufa ndele tai va twala monhele yokukala navo, neumbo laIsrael otali va kwata medu lOmwene, ndele tava ka ninga ovapikalumenhu novapikakainhu vavo, ndele tava ka kwata ovakwati vavo, ndele tava ka pangela ovapangeli vavo.

JESAJA 54:3

Osheshi ove to ke litwalatwala kolulyo nokolumosho, noludalo loye otali ka nangala oilongo yoiwana, noilando yomaputu otai ka nangekwa.

JESAJA 9:7

Epangelo laye tali ningi linene, nombili itai xulu po okolukalwapangelo laDavid nomouhamba waye, opo Ye e u kanghameke noku u pameka netokolo nouyuki okefiku eli nofiyo alushe. Ouladi waKalunga, Omwene womatanga ovakwaita otau ke shi ninga.

DANIEL 2:44

Ndelenee pomafiku eehamba dinya Kalunga ou komeulu ota ka dika ouhamba itau ka teka po fiyo alushe, nepangelo lao itali ka yandjwa koshiwana shimwe. Ndele wo otau ka nyanyaula notau ka teyaula omauhamba aeshe noku a xulifa po, ndelenee woovene tau ka kala fiyo alushe,

DANIEL 4:34

“Ndele efimbo eli eshi la xula po, ame Nebukadnesar, onda yelula omesho ange keulu, ndele eendunge dange oda alukila nge, ndele nda pandula ou wOkombadambada, ndele nda hambelela nokufimaneka ou ta kala fiyo alushe, ou e nepangelo tali kala fiyo alushe, noshilongo shaye tashi kala fiyo okoludalo noludalo.

DANIEL 6:26

Ame nda yandja ondaka nokutya, monhele aishe yomepangelo lange ovanhu ve nokutila nokukakama koshipala shaKalunga kaDaniel. Osheshi Oye Kalunga omunamwenyo, ndele ota kala fiyo alushe. Noshilongo shaye kashi shii okuhanaunwa po, nepangelo laye kali na apa tali xulu po.”

DANIEL 7:14

Ndele ye okwa pewa eenghono nefimano noshilongo. Noiwana aishe omaludi nomalaka tae mu longele. Eenghonopangelo daye odo eenghonopangelo daalushe, kadi na apa tadi xulu po. Ndele oshilongo shaye osho oshilongo itashi ka teywa po.

DANIEL 7:18

Ndele ovayapuki vaau wOkombadambada tava ka pewa oshilongo, ndele tava ka kala nasho fiyo alushe, heeno, fiyo alushelushe.’

DANIEL 7:22

fiyo Omuxungu e uya ndele a yukifila ovayapuki vaau wOkombadambada fiyo efimbo la fika ovayapuki va pewa oshilongo.

OBADJA 1:21

Opo nee taku di ovaxupifi tave uya komhunda yaSion, va ka tokole eemhunda daEsau. Nouhamba otau ka ninga wOmwene.

SAKARIA 14:9

Ndele Omwene ta ka kala ohamba kombada yedu alishe. Mefiku tuu olo Omwene ota ka kala umwe, nedina laye limwe.

LUKAS 1:33

ndele Ye ota ningi ohamba yeumbo laJakob fiyo alushe, nouhamba waye kau na apa tau xulu po.”

JOHANNES 12:34

Opo ongudu yovanhu ye mu nyamukula: “Fye otwe shi uda momhango kutya, Kristus ota ka kala alushe; Ove oto ti ngahelipi hano, Omona wOmunhu oku nokuyelulwa? Omona wOmunhu olyelye?”

1 OVAKORINTO 15:24

Opo nee exulilo tali uya, fimbo ta yandje ouhamba kuKalunga Xe, eshi a hanauna po elelo alishe nepangelo neenghono adishe.

EHOLOLO 11:1

Ndele onda pewa olumbungu la fa onhaili, ndele tapa tiwa: “Fikama, ove u yeleke otembeli yaKalunga noaltari, naava ve li mo, tava ilikana nokulinyongamena.

EHOLOLO 11:15

Nomweengeli omutiheyali okwa shika enghuma, ndele meulu omwa udika eendaka dinene, da tya: “Ouhamba wounyuni ou wa ninga wOmwene wetu naKristus waye, ndele ta ka pangela alushe fiyo alushe.”

EHOLOLO 17:14

Do otadi kala nokulwifa Odjona, ndele Odjona pamwe novashikuli vayo, ovaifanwa novahoololwa novadiinini, otai di findi, osheshi oyo Omwene wo vene nOhamba yeehamba.”

EHOLOLO 19:16

Ndele moshikutu shaye ponho yaye opa shangwa edina laye: “Ohamba yeehamba nOmwene wo vene.”

EHOLOLO 20:4

Ndele nda mona omalukalwapangelo, ovo va kala ko omutumba, voo ova pewa okutokola; ndele nda mona eemwenyo daavenya va tetwa omitwe molwehepaululo laJesus nomolwondjovo yaKalunga naava inave linyongamena koshilyani nokoshiyelekela shasho, ndele inava tambula edidiliko moipala nokombada yomake avo; ovo va ninga omwenyo ndele va pangela pamwe naKristus omido eyovi.

EHOLOLO 22:5

Ndele itamu kala oufiku, ngaashi itava pumbwa ouyelele wolamba ile wetango, osheshi Omwene Kalunga ote va minikile; ndele otava ka pangela ngaashi eehamba alushe fiyo alushe.