DANIEL 7:22 - Ombibeli Iyapuki

²² fiyo Omuxungu e uya ndele a yukifila ovayapuki vaau wOkombadambada fiyo efimbo la fika ovayapuki va pewa oshilongo.

DANIEL 7:22 ပူးပေါင်းရင်းမြစ်များ

OMAPSALOME 149:5

Ovakoshoki nava tanhe nouladi, nomomitala davo nava nyakukwe,

JESAJA 63:4

Osheshi efiku longhone ola kala momutima wange, nomudo wovakulilwa vange owa fika.

DANIEL 7:18

Ndele ovayapuki vaau wOkombadambada tava ka pewa oshilongo, ndele tava ka kala nasho fiyo alushe, heeno, fiyo alushelushe.’

DANIEL 7:23

Ndele ye okwa tya ngaha: ‘Oshilyani oshitine osho oshilongo oshitine, tashi ka kala kombada yedu, oshi lili, itashi fe oilongo ikwao. Osho tashi ka hakana po edu alishe, ndele tashi ke li lyataula ndele tashi ke li nyanyaula.

MATEUS 19:28

Jesus ta ti kuvo: “Oshili handi mu lombwele: medalululo olo Omona wOmunhu eshi ta ka kala omutumba kolukalwapangelo loshinge shaye, nanye yo ava mwa shikula nge, tamu ka kala omutumba komalukalwa omulongo naavali, ndele tamu ka tokola omapata aIsrael omulongo naavali.

2 OVATESSALONIKI 2:8

Ndele opo nee omudinimhango ota holoka, oye ou Omwene Jesus ote ke mu dipaa po nomufudo womokanya kaye note mu hanauna po neholoko lealuko laye,

EHOLOLO 1:6

nokwe tu ninga ouhamba novapristeli vaKalunga novaXe; efimano olaye neenghono odaye alushe fiyo alushe! Amen.

EHOLOLO 20:4

Ndele nda mona omalukalwapangelo, ovo va kala ko omutumba, voo ova pewa okutokola; ndele nda mona eemwenyo daavenya va tetwa omitwe molwehepaululo laJesus nomolwondjovo yaKalunga naava inave linyongamena koshilyani nokoshiyelekela shasho, ndele inava tambula edidiliko moipala nokombada yomake avo; ovo va ninga omwenyo ndele va pangela pamwe naKristus omido eyovi.

EHOLOLO 3:21

Ou ta findi, ohandi mu kaleke omutumba pamwe naame kolukalwapangelo lange, ngaashi Ame nda finda ndele ndi li omutumba pamwe naTate okolukalwapangelo laye.

EHOLOLO 5:10

ndele we va ningila Kalunga ketu ouhamba novapristeli, ndele tava ka kala nokupangela kombada yedu.”