DANIEL 7:14 - Ombibeli Iyapuki

¹⁴ Ndele ye okwa pewa eenghono nefimano noshilongo. Noiwana aishe omaludi nomalaka tae mu longele. Eenghonopangelo daye odo eenghonopangelo daalushe, kadi na apa tadi xulu po. Ndele oshilongo shaye osho oshilongo itashi ka teywa po.

DANIEL 7:14 ပူးပေါင်းရင်းမြစ်များ

OMAPSALOME 102:22

oiwana yoilongo, ngeenge tai liongele aishe mumwe, noilongo i longele Omwene.

OMAPSALOME 103:19

Omwene meulu okwe li ningila mo olukalwa laye, nouhamba waye otau pangele akushe.

OMAPSALOME 145:13

Ouhamba woye ou li po tau kalelele fiyo alushe nepangelo loye fiyo okomapupi aeshe.

OMAPSALOME 146:10

Omwene Oye ohamba fiyo alushe, Sion oove, Oye Kalunga koye fiyo alushe. Halleluya!

OMAPSALOME 45:6

Olukalwapangelo loye, Kalunga, otali kala po fiyo alushe nodibo yoye youhamba oyo odibo youyuki.

OMAPSALOME 72:11

Heeno, oyo oi nokulinyongamenwa koshipala shaye, noiwana yovapaani i noku ke i longela.

OMAPSALOME 72:17

Edina layo nali kale po fiyo alushe, fimbo oku netango, edina layo nali twalwatwalwe, opo oiwana aishe i nangekwe noupuna muyo noku i pandula yo i nelao.

OMAPSALOME 8:6

Owe mu pa epangelo kombada yoilongwa yomake oye; ashishe owe shi tula koshi yeemhadi daye:

JESAJA 16:5

Ndele oshipundipangelo tashi pamekwa nefilonghenda nomusho, metwali laDavid, tamu ka kala omutumba omutokoli ta lalakanene ouyuki ndele ta diinine etokolo la yuka.

JESAJA 60:12

Osheshi keshe oshiwana nouhamba itau ke ku longela, otau xulu po, noiwana ei otai dimwa po sheke.

JESAJA 9:6

Osheshi okaana ke tu dalelwa, Omona omumati e tu yandjelwa, nepangelo oli li komapepe aye, ndele ta ifanwa: Omukumwifa-Omupukululi, Kalunga Omunaenghono, Tate yaalushe, Ohamba yombili.

JESAJA 9:7

Epangelo laye tali ningi linene, nombili itai xulu po okolukalwapangelo laDavid nomouhamba waye, opo Ye e u kanghameke noku u pameka netokolo nouyuki okefiku eli nofiyo alushe. Ouladi waKalunga, Omwene womatanga ovakwaita otau ke shi ninga.

DANIEL 2:35

Ndele mokafimbo tuu oko oivela nelova noshikushu, oshisiliveli noshingoldo osha nyanyaulwa, sha kala ngaashi olungu poshipale mokufu eli tali i omhepo, ndele inashi monika vali nande. Ndelenee emanya olo la denga oshihongwafano ola shituka omhunda inene, ndele oya mana ko edu alishe.

DANIEL 2:37

Oove ohamba, ohamba yeehamba, Kalunga komeulu okwe ku pa ouhamba neenghono nepangelo nefimano,

DANIEL 2:44

Ndelenee pomafiku eehamba dinya Kalunga ou komeulu ota ka dika ouhamba itau ka teka po fiyo alushe, nepangelo lao itali ka yandjwa koshiwana shimwe. Ndele wo otau ka nyanyaula notau ka teyaula omauhamba aeshe noku a xulifa po, ndelenee woovene tau ka kala fiyo alushe,

DANIEL 3:4

Ndele omwiingidi okwa ingida pombada ta ti: “Onye oiwana nomaludi nomalaka, tamu shiivifilwa:

DANIEL 4:3

Omadidiliko aye aa manene ngahelipi noikumwifa yaye i neenghono di fike peni? Ouhamba waye waalushe, nepangelo laye otali kala fiyo okoludalo noludalo.

DANIEL 6:26

Ame nda yandja ondaka nokutya, monhele aishe yomepangelo lange ovanhu ve nokutila nokukakama koshipala shaKalunga kaDaniel. Osheshi Oye Kalunga omunamwenyo, ndele ota kala fiyo alushe. Noshilongo shaye kashi shii okuhanaunwa po, nepangelo laye kali na apa tali xulu po.”

DANIEL 7:18

Ndele ovayapuki vaau wOkombadambada tava ka pewa oshilongo, ndele tava ka kala nasho fiyo alushe, heeno, fiyo alushelushe.’

DANIEL 7:27

Opo nee oshiwana shovayapuki vaau wOkombadambada tashi pewa ouhamba neenghonopangelo netumbalo loilongo aishe yokoshi yeulu alishe. Oshilongo shavo osho oshilongo shaalushe, ndele omapangelo aeshe otae va fimaneke, ndele taa dulika kuvo.’

OBADJA 1:21

Opo nee taku di ovaxupifi tave uya komhunda yaSion, va ka tokole eemhunda daEsau. Nouhamba otau ka ninga wOmwene.

MIKA 4:7

Opo nee oonakushongola ohandi ke va ninga oshixupe naava va halakanifilwa kokule, ohandi ke va ninga oshiwana shi neenghono. Ndele Omwene ota ka kala ohamba yavo komhunda yaSion paife nofiyo alushe.

MATEUS 11:27

Oinima aishe Ame nde i pewa kuTate, ndele kaku na ou ta shiiva Omona, Tate Oye tuu aeke, ndele kaku na ou ta shiiva Tate, Omona Oye tuu aeke, naau Omona a hala oku mu hololela.

MATEUS 28:18

Ndele Jesus okwe uya kuvo, okwe va lombwela ndele ta ti: “Ame onda pewa eenghono adishe meulu nokombada yedu.

LUKAS 1:33

ndele Ye ota ningi ohamba yeumbo laJakob fiyo alushe, nouhamba waye kau na apa tau xulu po.”

LUKAS 10:22

Aishe onde i pewa kuTate ndele kaku na ou ta shiiva Omona, Tate Oye tuu aeke, ndele kaku na ou ta shiiva Tate, Omona Oye tuu aeke, naau Omona a hala oku mu hololela.”

JOHANNES 12:34

Opo ongudu yovanhu ye mu nyamukula: “Fye otwe shi uda momhango kutya, Kristus ota ka kala alushe; Ove oto ti ngahelipi hano, Omona wOmunhu oku nokuyelulwa? Omona wOmunhu olyelye?”

JOHANNES 3:35

Xe e hole Omona, ndele okwa yandja aishe meke laye.

OVAHEBERI 12:28

Onghee hano eshi hatu pewa ouhamba itau kakama, tu kaleni nokupandula, nosho ngaha tu longeleni Kalunga noutile uyapuki noumbada, noku mu wapalela.

1 PETRUS 3:22

Oye ou ya meulu nokwa kala kolulyo laKalunga, nokwa pewa koshi yaye ovaengeli nomapangelo neenghono e di pangele.

EHOLOLO 1:6

nokwe tu ninga ouhamba novapristeli vaKalunga novaXe; efimano olaye neenghono odaye alushe fiyo alushe! Amen.

EHOLOLO 11:15

Nomweengeli omutiheyali okwa shika enghuma, ndele meulu omwa udika eendaka dinene, da tya: “Ouhamba wounyuni ou wa ninga wOmwene wetu naKristus waye, ndele ta ka pangela alushe fiyo alushe.”

EHOLOLO 17:14

Do otadi kala nokulwifa Odjona, ndele Odjona pamwe novashikuli vayo, ovaifanwa novahoololwa novadiinini, otai di findi, osheshi oyo Omwene wo vene nOhamba yeehamba.”

EHOLOLO 3:21

Ou ta findi, ohandi mu kaleke omutumba pamwe naame kolukalwapangelo lange, ngaashi Ame nda finda ndele ndi li omutumba pamwe naTate okolukalwapangelo laye.