DANIEL 7:1 - Ombibeli Iyapuki

¹ Momudo wotete waBelsassar, ohamba yaBabilon, Daniel okwa mona emoniko mondjodi, omamoniko omomutwe waye, momutala waye. Opo nee ye a shanga ondjodi nokwa hepaulula efina layo.

DANIEL 7:1 ပူးပေါင်းရင်းမြစ်များ

GENESIS 15:1

Konima yoinima ei ondjovo yOmwene ye uya kuAbram memoniko ndele tai ti: “Ino tila Abram, Aame oshikelelifo shoye, nondjabi yoye oinene unene.”

GENESIS 46:2

Ndele Kalunga okwa lombwela Israel memoniko oufiku ndele ta ti: “Jakob, Jakob!” Ndele ye a nyamukula: “Aame ou!”

JOB 4:13

omadiladilo eshi tae linyenge momamoniko omoufiku, eemhofi didjuu eshi da wila ovanhu.

JESAJA 30:8

Inda mo paife ove u di shangele moshipelende moipafi yavo, ove u di shangele membo, opo di kale mo omafiku okomesho, alushe fiyo alushe.

JESAJA 8:1

Omwene okwa lombwela nge vali, ndele ta ti: “Kufa oshipelende shakula ove u shangele mo eshangelo la twa: Maher-Saalal-Has-Bas (tashi ti: Endelela-Nyeka-Hakana-Diva).

JEREMIA 23:28

Omuxunganeki ou a nangala ondjodi, na hepaulule ondjodi yaye, ndelenee ou e kwete ondjovo yange, na hepaulule ondjovo yange moshili. Oihati oi na shike noilya, Omwene osho ta ti.

JEREMIA 27:7

Noiwana aishe oi noku mu longela, oye mwene nomona waye nomutekulu waye fiyo efimbo loshilongo shaye tali uya yo, opo nee oilongo ihapu neehamba di neenghono otadi mu longifa yo.

JEREMIA 36:32

Opo nee Jeremia okwa kufa omushangwatonywa umwe ndele te u pe Baruk omushangi, omona waNeria. Ndele ye okwa shanga eendjovo adishe ngaashi edi domomushangwatonywa wa xwikwa po momundilo kuJehoiakim, ohamba yaJuda. Ndele mwa wedwa eendjovo dihapu da fa odo.

JEREMIA 36:4

Ndele Jeremia okwa ifana Baruk yaNeria. Ndele Baruk okwa shangela mo momushangwatonywa eendjovo adishe dOmwene da dja mokanya kaJeremia, e di mu lombwela.

HESEKIEL 1:1

Momudo omutimilongo nhatu mohani onhine, mefiku etitano kohani, fimbo nda li mokati kovapika pomulonga waKebar, eulu la yeuluka ndele ame nda mona omamoniko aKalunga.

HESEKIEL 40:2

Memoniko laKalunga Ye okwa twala nge moshilongo shaIsrael, ndele okwa kaleka nge komhunda ile unene, ndele oko kwa li ngaashi oshilando sha tungwa langhele lwokoumbuwanhu.

DANIEL 1:17

Ndele ovanyasha ovamati ava vane, Kalunga okwe va pa omayele okukoneka omishangwa adishe nounongo keshe. Daniel okwa li e neendunge dokushiiva omamoniko neendjodi.

DANIEL 2:1

Ndele momudo omutivali wepangelo laye Nebukadnesar okwa twa eendjodi, opo omhepo yaye ya tukuluka, neemhofi daye ode mu londoka.

DANIEL 2:26

Ohamba oya nyamukula ndele tai lombwele Daniel ou a ifanwa Beltesasar: “Ove to dulu tuu okutomonena nge ondjodi ei nda twile, nefatululo layo?”

DANIEL 4:13

“Ndele onda mona memoniko lomomutwe wange, eli nda li nda mona momutala wange, ndele tala, omweengeli muyapuki a dja meulu ndele ta kulukile poshi.

DANIEL 4:5

Onda twa ondjodi, ndele oya tilifa nge, nonda li ndi neendjodimoniko momutala wange, nomamoniko aa omomutwe wange a kanifa ombili yange.

DANIEL 5:1

Ohamba Belsassar okwa dungila omalenga aye eyovi limwe oitendele inene, ndele ta nu omaviinyu moipafi yomalenga aa eyovi.

DANIEL 5:22

Ndelenee oove, omona waye, Belsassar, ino lininipika nande komutima woye, nande ashishe eshi ou shi shii,

DANIEL 5:30

Oufiku tuu winya Belsassar, ohamba yOvakaldea, okwa dipawa,

DANIEL 7:13

Ame onda mona momamoniko oufiku, ndele tala, Umwe a fa omona womunhu e uya moilemo yokeulu, ndele ye okwe uya kOmuxungu ndele ve mu ehenifa koshipala shaye.

DANIEL 7:15

“Ame, Daniel, nda li ndi udite omhepo yange oya nyika oluhodi mwaame, nomamoniko nde a mona okwa halula nge.

DANIEL 7:7

Opo nda mona memoniko oufiku, ndele tala, okwa kala oshilyani oshitine, sha tilika, tashi pendula omaxwilili, ndele oshi neenghono dihapu sho sha li shi nomayoo manene oivela, ndele osho sha hakana nokunyanyaula, ndele eshi sha xupa, oshe shi lyata nomakasha asho. Sho osha li shi lili inashi fa ikwao inya ye shi tetekela, ndele osha li shi neembinga omulongo.

DANIEL 8:1

Omudo omutitatu wepangelo lohamba Belsassar ame Daniel, onda mona emoniko laayo nda mwene nale.

JOEL 2:28

Konima yoinima ei, Ame ohandi ka tilila Omhepo yange kombada yovanhu aveshe, novana veni ovamati noukadona otava ka xunganeka, ovakulunhu veni otava ka twa eendjodi, novanyasha veni otava ka mona omamoniko.

AMOS 3:7

Osheshi Omwene Kalunga ita ningi sha fimbo ina hololela ovapiya vaye ovaxunganeki omhangela yaye.

HABAKUK 2:2

Opo nee Omwene okwa nyamukula nge, ndele ta ti: “Emoniko li shanga, ove u li nyolele moipelende yelova, li shiive okuleshwa noupu,

NUMERI 12:6

Opo nee Ye ta ti: “Udeni eendjovo dange. Mokati keni ngeenge omu nomuxunganeki, Ame ohandi mu lihololele memoniko, nohandi popi naye mondjodi.

OVAROMA 15:4

Osheshi keshe eshi sha shangwa nale, osha shangelwa elongo letu, opo tu kale tu neteelelo hali di melididimiko nomehekeleko lomomishangwa.

2 OVAKORINTO 12:1

Ondi nokulitanga, nande itaku kwafa, ndele ohandi hovele okupopya omamoniko nomahololo Omwene.

EHOLOLO 1:19

Shanga hano ei wa mona, naashi shi li po, naashi tashi ke uya komesho.

EHOLOLO 10:4

Ndele eshi omangungumo oo aheyali a popya, hanga ame onda shanga; ndelenee onda uda ondaka ya dja meulu tai ti: “Tula oshipatifo kwaadi da popiwa komangungumo oo aheyali ndele ino a shanga.”