DANIEL 6:8 - Ombibeli Iyapuki

⁸ Paife eshi, tatekulu ohamba, pameka ondaka yekelelo, ove u shangife oshipango shihe shii kulundululwa konghedi yomhango yOvamedia noyOvapersia ya pamenena.

DANIEL 6:8 ပူးပေါင်းရင်းမြစ်များ

ESTER 1:19

Ngeenge tashi wapalele ohamba, nai yandje oshipango shi shangelwe meemhango dihe shii kulundululwa, dOvapersia nodOvamedia, nokutya Vasti aha holoke vali koshipala shohamba Ahasveros. Nohamba nai yandje omumbada waye kuumwe ou e mu dule.

ESTER 3:12

Opo nee ovashangi vohamba va ifanwa mefiku etimulongo netitatu mohani yotete, ndele va shanga ngaashi Haman e va lombwela, oshipango kovapangeli vohamba nokomalenga omoshitukulwalongo keshe nokeehamba doiwana adishe, koshitukulwalongo keshe panghedi yasho okushanga nokoshiwana keshe melaka lasho vene. Sha shangelwa medina lohamba Ahasveros ndele sha hakifwa nokalinga kohamba kokuhakifa.

ESTER 8:10

Nokwa shanga medina lohamba Ahasveros nokwe li hakifa nokalinga kohamba kokuhakifa. Nokwa tuma eenhumwafo novalondi veenghambe da dja moyuunda yeenghambe da deulwa dokufiyafana po;

ESTER 8:3

Ndele Ester okwa popya vali koshipala shohamba ndele a wila eombe keemhadi dayo ndele ta lili noku i indila, nokutya a alule owii waHaman, Omuagag, nomhangela e i pangelele okuhanauna po Ovajuda,

ESTER 8:8

Ndelenee shangeni medina lohamba oshipango tashi popile Ovajuda, ngaashi mwe shi tala tashi mu wapalele, ndele shi hakifeni nokalinga kohamba. Osheshi eshango olo la shangwa medina lohamba ndele la hakifwa nokalinga kohamba, itali lundululwa.”

OMAPSALOME 94:21

Ove lipaka kumwe okunangela omwenyo womuyuki, nohonde ei ihe netimba, otave i tokolele okufya.

JESAJA 10:1

Woo ava, hava ningi eemhango inadi yuka, novashangi hava shange omatokolo mai,

DANIEL 5:28

Peres, otashi ti: oshilongo shoye osha tetaulwa ndele sha yandjwa kOvamedia nOvapersia.”

DANIEL 6:12

Ndele vo ova ya kohamba ndele tave i dimbulukifa ondaka yohamba yekelelo, tava ti: “Tatekulu, hamba ino yandja oshipango tashi ti: ‘Pomafiku omilongo nhatu shamha ou ta ilikana kalunga kamwe ile omunhu mukwao, shapu oove auke, ohamba, ye na ekelwe mekololo leenghoshi?’ Ohamba oya nyamukula ndele tai ti: Oshipango osha pama, konghedi yomhango yOvamedia noyOvapersia, itashi dulu okulundululwa.”

DANIEL 6:15

Opo ovalumenhu venya va endelela ve uya kohamba, ndele tave i lombwele: “Tatekulu ohamba, kala u shi shii, omhango yOvamedia noyOvapersia tai ti, kutya ondaka yekelelo ile oshipango shimwe, sha yandjwa kohamba, itashi lundululwa vali.”

MATEUS 24:35

Eulu nedu otali xulu po, ndele eendjovo dange kadi na apa tadi xulu po.