DANIEL 6:5 - Ombibeli Iyapuki

⁵ Opo ovalumenhu venya va kundafana tava ti: “Daniel ou itatu mu monene sha shoku mu kaulifa onyanga, ngeenge itatu mu monene sha showii mokulongela Kalunga kwaye.

DANIEL 6:5 ပူးပေါင်းရင်းမြစ်များ

ESTER 3:8

Opo nee Haman ta ti kohamba Ahasveros: “Moitukulwalongo aishe yomoshilongo shoye omu noshiwana shimwe she lihana ndele tashi likalele mokati koiwana, neemhango dasho odi lili hangaashi eemhango doiwana ikwao aishe. Ndele ihava diinine yo eemhango dohamba, onghee itashi dulika ohamba tai va efa va kale po.

OMAPSALOME 37:32

Omuhenakalunga ota nangele omuyuki, ndele ta kongo oku mu dipaa.

JEREMIA 29:7

Ndele oshilando osho nde mu twala eenghwate, shi haleleni ouwa nye mu shi ilikanene kOmwene, osheshi ombili yasho oyo ombili yeni yo.

1 SAMUEL 24:17

Ndele ta ti kuDavid: “Ove u dule nge ouyuki, osheshi ove wa ningila nge ouwa, fimbo nde ku ninga nai.

1 SAMUEL 29:3

ovakulunhu vOvafilisti va popya, tava ti: “Ovaheberi ovo otava kongo shike apa?” Akis okwa nyamukula ovakulunhu vOvafilisti ndele ta ti: “Ha ou oDavid, omupiya waSaul, ohamba yOvaisraeli, ou a kala pwaame efimbo li dule omudo umwe, ndele inandi mona sha muye okudja kefiku linya ye e uya kwaame fiyo onena eli.”