DANIEL 6:22 - Ombibeli Iyapuki

²² Kalunga kange okwa tuma omweengeli waye, ndele ta kwata omilungu deenghoshi diha kume nge, osheshi onda monika koshipala shaye ndihe netimba, nokoshipala shoye yo, ohamba, inandi nyona sha.”

DANIEL 6:22 ပူးပေါင်းရင်းမြစ်များ

GENESIS 40:15

Osheshi ame nda vakwa po, heeno, nda vakwa medu lOvaheberi ndele apa yo inandi ninga sha ndele vo ova idilila nge modolongo.”

2 SAMUEL 22:7

“Moudjuu wange nda ifana Omwene, nda kuwila Kalunga kange onghuwo. Ye okwa uda ondaka yange motembeli yaye, nonghuwo yange ya fika momatwi aye.

1 EEHAMBA 13:28

Opo nee ye a ya nokwa mona oshimhu sha nangala mondjila, fimbo ondongi nonghoshi ya li ofika poshimhu. Onghoshi inai lya oshimhu noinai nyanyaula ondongi.

2 OMAFIMBO 32:21

Omwene okwa tuma omweengeli, ndele a dipaa ovaladi aveshe novakulunhu vomatanga novaneyovi vomonhanda yohamba yaAsiria, onghee yo ya li i nokushuna nokufya ohoni koshilongo shayo. Ndele yo eshi ye uya mongulu yakalunga kayo, ovo va dja molutu layo vene, ve i dipaa neongamukonda.

OMAPSALOME 118:28

Oove Kalunga kange, onda hala ndi ku pandule. Kalunga kange, nda hala ndi ku fimaneke.

OMAPSALOME 26:6

Omake ange ohandi a kosho ehe na mbudi, nonda hala okudingilila oaltari yoye, Omwene,

OMAPSALOME 31:14

Ndelenee ame ohandi ku lineekele, Omwene, ndele handi ti: Oove ngaho Kalunga kange.

OMAPSALOME 34:7

Omweengeli wOmwene ota ongo nokudingilila onhanda yaava have mu tila, ndele te va xupifa.

OMAPSALOME 38:21

Ino efa nge, Omwene! Kalunga kange, ino kala kokule naame!

OMAPSALOME 84:11

Osheshi Kalunga Omwene, Oye etango noshikelelifo; Omwene oha yandje ouwanghenda nefimano; ava tava ende moshili, ite va kelele nande osha shiwa.

JESAJA 3:10

Tongeni omuyuki nokutya, oye ota ka kala nawa, shaashi vo otava ka lya oiimati yoilonga yavo.

JESAJA 63:9

Momaluhepo avo aeshe okwe va nyikila oluhodi nomweengeli wokoshipala shaye okwe va xupifa. Okwe va kulila molwohole yaye nomolwolukeno laye. Ndele okwe va toola nokwe va humbata momafiku enya aeshe onale.

JEREMIA 37:18

Jeremia okwa tya vali kohamba Sedekia ndele ta ti: “Ame onda nyona shike kwoove nokovapiya voye nokovanhu ava, eshi mwa idilila nge modolongo?

DANIEL 3:28

Opo nee Nebukadnesar a popya, ta ti: “Kalunga kaSadrak, kaMesak nokaAbednego na hambelelwe, ou a tuma omweengeli waye ndele a xupifa ovapiya vaye, ve mu lineekela, vo va tauluka oshipango shohamba, ndelenee vo ove liyandja omalutu avo vaha fimaneke ile vaha ilikane kalunga kamwe, ndelenee Kalunga kavo aeke.

DANIEL 6:20

Ndele yo eshi ya ehena kekololo, oya ifana Daniel nondaka youfiye. Ohamba oya popifa Daniel tai ti: “Daniel, omupiya waKalunga omunamwenyo. Kalunga koye ho mu longele alushe, okwa shiiva tuu oku ku xupifa keenghoshi?”

DANIEL 6:23

Opo ohamba oya hafa unene, ndele tai yandje elombwelo, Daniel a shilwe mo mekololo. Osho ngaha Daniel okwa shilwa mo mekololo ndele kuye inaku monika nande oshipute. Osheshi a li e lineekela Kalunga kaye.

DANIEL 6:4

Opo nee omalenga makwao aa akula nomalenga ova kongela Daniel etimba loku mu popya omolwouteku woshilongo. Ndelenee vo ova nyengwa okumona sha eshi tashi mu kaulifa onyanga ile shimwe inashi yuka, osheshi ye okwa li omudiinini, ndele muye inamu monika oshileda ile oshilonga inashi yuka.

DANIEL 6:7

Omalenga aeshe makulu omoshilongo, noongoloneya nookansela novapanguli neekomanda novanambelewa aveshe noovene vomikunda, otwa udafana kutya ohamba oi nokuyandja oshipango nokupameka ondaka yekelelo nokutya, pomafiku omilongo nhatu, ngeenge pe nomunhu ta indile sha kukalunga kamwe ile komunhu mukwao, shapu kwoove akuke ohamba, ye na ekelwe mekololo leenghoshi.”

MIKA 7:7

Ndelenee ame ohandi lyaamene omesho ange kOmwene, handi teelele Kalunga kexupifo lange. Kalunga kange ota ka uda nge!

NUMERI 20:16

Opo nee fye twa kuwila Omwene ekwafo, ndele Ye okwa uda ondaka yetu. Ye okwe tu tumina omweengeli waye ndele okwe tu pitifa mo muEgipiti. Fye otu li paife muKades, oshilando shopongaba yoshilongo shoye.

MATEUS 27:46

Ndele potundi onhimugoi Jesus okwa ingida mokule ndele ta ti: “Eeli, Eeli, lama sabaktani?” Nokutya: Kalunga kange, Kalunga kange, oshike wa ekela nge shi?

OILONGA YOVAYAPOSTOLI 12:11

Opo nee Petrus eshi a pukuluka okwa tya: “Paife onde shi shiiva shili, Omwene okwa tumina nge omweengeli waye, nokwa xupifa nge meke laHerodes nokwaaishe ei oshiwana shOvajuda she i teelela.”

OILONGA YOVAYAPOSTOLI 24:16

Onghee naame yo ohandi kondjo shili ndi kale alushe ndi neliudo lihe noshipo puKalunga nopovanhu.

OILONGA YOVAYAPOSTOLI 27:23

Osheshi oufiku wonena pwaame opa li omweengeli waKalunga ou e kwete nge, naau handi mu kalele yo,

2 OVAKORINTO 1:12

Osheshi elitango letu oleli: Ehepaululo leliudo letu oleli kutya, fye otwa enda mounyuni naunene mokati keni, mouyapuki nomoukoshoki waKalunga, hamounongo wopambelela, ndele mefilonghenda laKalunga.

2 TIMOTEUS 4:17

Ndelenee Omwene okwa kala pamwe naame, nokwa pameka nge, eudifo levaengeli opo li wanifwe kwaame novapaani aveshe ve li ude; ndele ame onda xupifwa mokanya konghoshi.

OVAHEBERI 1:14

Ovo aveshe kave fi eemhepo dokuyakula, va tuminwa eyakulo laavo tava ka fyuulula exupifo?

OVAHEBERI 11:33

ava va teya po oilongo okeitavelo, nova diinina ouyuki, va mona omaudaneko a wanifwa, nova fitika po omakanya eenghoshi,

1 SAMUEL 17:37

David ta ti vali: Omwene ou a xupifa nge meenyala donghoshi nomeenyala demwangha, Ye ota ka xupifa nge yo meke lOmufilisti ou.” Opo nee Saul ta ti kuDavid: “Inda, Omwene na kale naave!”

1 SAMUEL 26:18

Ye ta ti vali: “Omolwashike omwene wange ta taataa omupiya waye? Ame onda ninga shike? Ile owii washike ngeno u li mwaame?