DANIEL 5:29 - Ombibeli Iyapuki

²⁹ Opo Belsassar a lombwela, ndele ova dika Daniel oshikutu shitilyana nelyenge loshingoldo mofingo yaye, ndele omolwaye naku ingidwe, oye elenga lakula etitatu okupangela moshilongo.

DANIEL 5:29 ပူးပေါင်းရင်းမြစ်များ

GENESIS 41:42

Opo nee Farao okwa kufa oshihakolinga meke laye ndele te shi tula meke laJosef. Ndele ye okwe mu djaleka oikutu iwa yoliina nokwe mu dika elyenge loshingoldo mofingo yaye.

ESTER 10:3

Osheshi Mordekai okwa li omutivali moulenga mepangelo lohamba Ahasveros. Nokwa li omunene mokati kOvajuda nomuholike mokati kavakwao vahapu, shaashi a konga exupifo loshiwana shaye nokwa popila epata laye alishe.

OMAYELETUMBULO 1:9

Osheshi lo oshidingo sha wapala komutwe woye noulyenge va wapala mofingo yoye.

DANIEL 2:48

Opo ohamba oya lenga Daniel, ndele ye mu pa omilongelo dinene dihapu, ndele ye mu tula omupangeli wombinga imwe yoshilongo shaBabilon nomukulunhu a kula kombada yovanongo aveshe vomuBabilon.

DANIEL 5:16

Ndelenee ame onde ku uda, nokutya ove oho dulu okuyandja omafatululo, ndele to holola oinima ya futikwa. Ndele paife, ngeenge to dulu okulesha eshangelo eli nokutomonena nge eendunge dalo, ove oto ka dikwa oshikutu shitilyana nelyenge loshingoldo mofingo yoye, ndele to lengwa elenga etitatu moshilongo.”

DANIEL 5:7

Ndele ohamba oya ingida mokule, eendudu nOvakaldea veenyofi va etwe mo. Opo nee ohamba oya lombwela ovanongo vomuBabilon ndele tai ti: “Keshe ou ta dulu okulesha eshangelo eli ndele te li tomonene nge, oye ta ka dikwa oshikutu shiwa shitilyana nelyenge loshingoldo mofingo yaye, ndele ta lengwa elenga etitatu moshilongo.”

DANIEL 6:2

Ndele okwe va pangelififa komalenga akula atatu, limwe lomuvo oDaniel. Omalenga ova li ve noku a valela evalulo, ohamba iha mone oshiponga.