DANIEL 5:23 - Ombibeli Iyapuki

²³ ndelenee ove we linenepeka nokutwila Omwene weulu ondubo. Ndele oikwatelwa yongulu yaye oya etwa koshipala shoye. Ndele ove nomalenga oye novambada voye noikumbu yoye omwa nwina mo omaviinyu. Noikalunga yoshingoldo noyoshisiliveli noyoshikushu noyoivela noyoshiti noyomamanya owe i litangela, oyo tuu ihai mono ko, ihai udu ko, yo ihe shii sha, ndelenee Kalunga ou e kwete meke laye omufudo woye neendjila doye adishe di li koshipala shaye, Oye tuu ou ove ino mu fimaneka.

DANIEL 5:23 ပူးပေါင်းရင်းမြစ်များ

GENESIS 14:19

ndele ye okwe mu nangeka noupuna ndele ta ti: “Abram omunangekwa noupuna waKalunga wOkombadambada, Omushiti weulu nedu,

GENESIS 2:7

Ndele Omwene Kalunga okwa ma omunhu nondwi yedu ndele te mu fudile meyulu laye omufudo womwenyo. Osho ngaha omulumenhu a ninga omwenyo u na omwenyo.

2 EEHAMBA 14:10

Amasia, eshi wa finda Ovaedom, osho nee to linenepekele! Ame ohandi ku kunghilile u kale wa mwena meumbo. Omolwashike wa hala okweeta oudjuu, ove u kokele ovanhu naave mwene momupya?”

JOB 12:10

Oye ou ta diinine meenghono daye oinamwenyo aishe nomhepo yomunhu keshe?

JOB 31:4

Ye ita tale mbela eendjila dange adishe ndele ita vale mbela eenghatu dange adishe?

OMAPSALOME 104:29

Ove to holeke oshipala shoye, oyo otai haluka; Ove to kufa mo omuku wayo, opo otai shuna vali mondwi yedu, omu ya dja.

OMAPSALOME 115:16

Eulu olo olOmwene, ndelenee edu okwe li pa ovana vovanhu.

OMAPSALOME 139:3

nande ohandi ende, ile nda nangala, ou shi wete; neendjila dange adishe ou di shii;

OMAPSALOME 146:4

Omuku ngeenge wa pwa mo muvo, otava shunwa medu nefiku tuu olo, omadiladilo avo kae po vali.

OMAYELETUMBULO 20:24

Eenghatu domulumenhu tadi endifwa kOmwene; omunhu ta dulu ngahelipi okuuda eendjila daye?

JESAJA 13:11

Ndele onda hala okuhandukila ounyuni molwowii wao nokukongolola oulunde wovadinikalunga; nounhwa woonakuholounhwa ohandi u mane po, ndele ohandi ninipike elinenepeko lovakolokoshi.

JESAJA 14:13

Ndele ove we lidilonga momutima woye, wa tya: ‘Ame onda hala okulonda meulu nohandi lidikile oshipundipangelo shange kombada yeenyofi daKalunga, nohandi ka kala omutumba komhunda yeongalo nondi kale komaxulilo okoumbangalanhu.

JESAJA 2:12

Osheshi efiku lOmwene womatanga ovakwaita tali uya kombada yaashishe eshi shi nounhwa nosha fulalala, nokombada yaashishe she litumba pombada, opo shi findilwe poshi,

JESAJA 33:10

Omwene ota ti: “Paife onda hala okufikama, paife onda hala okukala ofika, paife onda hala okuyeluka.

JESAJA 37:19

ndele va ekela oikalunga yayo momundilo, osheshi ova li vehe fi oikalunga, ndelenee ova hongwa nomake ovanhu, ovo oiti nomamanya, onghee va dula oku va hanauna po.

JESAJA 37:23

Olyelye ou ove we mu dina nowe mu tuka, nondaka yoye owe i yelulila lyelye? Omesho oye owe a dakamena melituleko kOmuyapuki waIsrael.

JESAJA 42:5

Omwene Kalunga, ou a shita omaulu noe a nyanununa, ou a ninga ongonga yedu naashi tashi mene mo, ou a yandja koshiwana shokombada yalo omufudo, naava hava ende kombada yalo okwe va pa omhepo, Ye osho ta ti:

JEREMIA 10:23

Akutu, Omwene, ondi shi shii nokutya, ondjila yomunhu ihai kala mepangelo laye mwene, ile mepangelo lomulumenhu, nhumbi ta ende, nhumbi ta yukifa eenghatu daye.

JEREMIA 48:26

Mu kolwifeni, ye a kolwe, osheshi ye okwe linenepekela Omwene, opo Moab a alangatele meenghungo daye mwene, naye yo a ninge oiyolifa.

JEREMIA 50:28

Pwilikina, ovainhapo noonakufaduka po tava di moshilongo shaBabilon, tave uya kuSion va shiivifile onghone yOmwene, Kalunga ketu, heeno, onghone omolwotembeli yaye.

JEREMIA 50:29

Shivileni Babilon, ovaumbi, ava va lukila omauta. Ongeni eenhanda mu shi dingilile, nande aha mone omhito okuya onhapo. Shi handukileni nehandu li fike pokunyona kwasho. Ngaashi sha ninga, osho shi ningileni yo, osheshi sho osha twa ondubo nOmwene, Omuyapuki waIsrael.

HESEKIEL 28:17

Omutima woye we linenepekela ewapalo loye. Ove wa nyonauna po ounongo woye molwetumbalo loye. Ame nde ku denga poshi, nde ku efela eehamba, omesho avo e ku hafele.

HESEKIEL 28:2

“Kaana komunhu, lombwela omupangeli waTirus u tye: Omwene Kalunga ota ti ngaha: Omutima woye eshi we linenepeka ndele wa tile: Aame kalunga, ame ohandi kala omutumba kolukalwa lookalunga mokati kefuta; nande ove omunhu, ku fi kalunga, ndele omutima woye we u ninga ngaashi omutima wakalunga.

HESEKIEL 28:5

Molwounene wounongo woye mokukumaanafana kwoye ove wa hapupalifa oupuna woye, ndele omutima woye we linenepekela oupuna woye.

HESEKIEL 31:10

“Onghee hano, Omwene Kalunga ta ti ngaha: Shaashi oo wa kula unene, nowa twala oxulo yao koilemo ndele we linenepekela oule wao.

DANIEL 11:12

Engafifi eshi la hanaunwa po, ye ote linenepeke, ndele ta ka denga omayovi omilongo, ndelenee ye mwene ita kala neenghono.

DANIEL 4:37

Aame Nebukadnesar, paife ohandi hambelele ndele handi tumbaleke ndele handi fimaneke Ohamba yomeulu! Oilonga yaye aishe oyo yoshili, neendjila daye oda yuka. Oye ta dulu okuxutula ava hava ende melinenepeko.”

DANIEL 8:11

Ndele lo ole linenepekela Mwene wetanga opo eyambo lefiku keshe ola kufwa po, ndele onhele yotembeli yaye ya hanaunwa po.

HABAKUK 2:4

“Tala, omwenyo waye we linenepeka noinau yuka. Ndelenee omuyuki ta ka kala e nomwenyo keitavelo laye.

OILONGA YOVAYAPOSTOLI 17:25

Ngaashi iha yakulwa komake ovanhu, ongao ou a pumbwa sha ngeno, oye ha yandjele ovanhu aveshe omwenyo nomufudo noinima aishe.

1 OVAKORINTO 8:4

Mokupopya hano okulya kwombelela yeyambo, fye otu shi shii, mounyuni kamu na nande oikalunga, ndele ngaashi kaku na Kalunga umwe e lili, Oye tuu ou umwe aeke.

1 TIMOTEUS 3:6

Hapo e lidilulula, opo ehe linenepeke ndele ta wile metokolo laSatana.

OVAHEBERI 4:13

Ndele kape na nande oshishitwa shimwe sha holekwa moipafi yaye, ndelenee aishe oya kala ngaho poluhaela momesho aye, kwaau tu noku mu lihepaululila.

EHOLOLO 9:20

Nooluxupe lovanhu ava inava dipawa po komahepeko aa, inave lidilulula va efe oilonga yomake avo, vaha fimaneke vali ondiaboli noikalunga yoshingoldo noyoshisiliveli noyoshikushu, noyomamanya noyoiti, ei ihe wete ko, ihai udu ko, yo ihai ende.

OVATOKOLIPANGELI 16:23

Novakulunhu vOvafilisti va ongala va ka yambele kalunga kavo Dagon, eyambo linene nokuhafa; ndele tava ti: Kalunga ketu e tu pa omutondadi wetu Simson momake etu.

1 SAMUEL 17:26

Opo nee David a pula ovalumenhu ava va kala ofika puye ndee ta ti: “Omulumenhu ou ta dipaa Omufilisti ou, ndee ta kombo po ohoni muIsrael, ota ka pewa shike? Osheshi Omufilisti ou ina pita etanda, omushike ngeno, eshi ta sheke omatanga ovakwaita vaKalunga omunamwenyo?”

1 SAMUEL 17:36

Omupiya woye a dipaa onghoshi nemwangha, nOmufilisti ou ina pita etanda ta ka ningwa naanaa ngaashi imwe yomwaadinya, shaashi ye a sheka omatanga ovakwaita vaKalunga.