DANIEL 5:21 - Ombibeli Iyapuki

²¹ Ndele ye okwa tewa mo mokati kovanhu, omutima waye owa kala ngaashi ou woifitukuti, ndele ye okwa kala mokati keefino, nokwa lya omwiidi ngaashi eengobe. Nomume yokeulu oya tutika olutu laye, fiyo okwa koneka, kutya Kalunga wOkombadambada oku neenghono okupangela oshilongo shovanhu noku shi yandja kwaau a hala.

DANIEL 5:21 ပူးပေါင်းရင်းမြစ်များ

JOB 39:5

“Okafino komofuka, olyelye e ka pitifa mokalilifa? Olyelye a mangulula oimangifo yongolo?

HESEKIEL 17:24

Ndele omiti adishe domomufitu otadi ka shiiva nokutya, Omwene ohandi ninipike omuti mule ndele handi nenepeke omuti munini. Omuti mutalala ohandi ke u kukutika nomuti mukukutu ohandi ke u hapifa. Aame, Omwene nde shi popya nonde shi ninga.”

DANIEL 4:14

Ndele ye okwa ingida mokule ndele ta ti ngaha: ‘Keni po omuti ou, teteni oitai yao, pweyeni ko omafo ao, nye mu ke lihanife oiimati yao. Oifitukuti nai tembuke momudile wao needila dokeulu moitai yao.

DANIEL 4:17

Oshinima eshi osha pangelwa momhangela yovaengeli nokondjovo yovayapuki, opo ovanamwenyo va shiive nokutya, ou wOkombadambada e kwete eenghonopangelo kombada yoilongo yovanhu, ndele te i yandje kwaau Ye a hala, nomufyoonelela Ye ote mu tula mepangelo.’

DANIEL 4:22

omuti ou oove, ohamba, wa ninga omunene nowa pama, efimano loye la hapupala nola twa fiyo okeulu nepangelo loye fiyo okexulilo ledu.

DANIEL 4:25

Ove to tewa mo mokati kovanhu, ndele to ka kala pamwe noifitukuti yomoixwa, oto ka pewa omwiidi ngaashi eengobe, oto ka kala wa tuta komume yokeulu; ndele osho ngaho ove to pitifa po omafimbo aheyali, fiyo to ka shiiva, ou wOkombadambada oha pangele oshilongo shovanhu ndele te shi pe ou Ye a hala.

DANIEL 4:26

Ndele eshi kwa tiwa, oshifidi shomuti nashi fyaale mo medu, otashi ti, ouhamba woye to u tuvikililwa, ndele to u peululwa, ngeenge wa shiiva, kutya eulu li neenghonopangelo.

DANIEL 4:34

“Ndele efimbo eli eshi la xula po, ame Nebukadnesar, onda yelula omesho ange keulu, ndele eendunge dange oda alukila nge, ndele nda pandula ou wOkombadambada, ndele nda hambelela nokufimaneka ou ta kala fiyo alushe, ou e nepangelo tali kala fiyo alushe, noshilongo shaye tashi kala fiyo okoludalo noludalo.

DANIEL 4:35

Noonakukala kombada yedu otava talwa ovo vongaho. Ngaashi Ye a hala osho ta ningile omatanga ovakwaita vomeulu noonakukala kombada yedu. Ndele kape na ou ta dulu okukelela eke laye noku mu lombwela: Oto ningi shike?

DANIEL 4:37

Aame Nebukadnesar, paife ohandi hambelele ndele handi tumbaleke ndele handi fimaneke Ohamba yomeulu! Oilonga yaye aishe oyo yoshili, neendjila daye oda yuka. Oye ta dulu okuxutula ava hava ende melinenepeko.”

DANIEL 5:18

Hano tatekulu ohamba! Kalunga ou wOkombadambada okwa pele xo Nebukadnesar ouhamba neenghono netumbalo nefimanopangelo.