DANIEL 5:20 - Ombibeli Iyapuki

²⁰ Ndelenee omutima waye eshi we linenepeka nomhepo yaye eshi ye litumba mokulikukutika, oye okwa tewa mouhamba ndele a kufwa yo efimano laye.

DANIEL 5:20 ပူးပေါင်းရင်းမြစ်များ

2 EEHAMBA 17:14

Ndelenee inava pwilikina ndele va kukutika eefingo davo, ngaashi eefingo dooxe ovo inave lineekela Omwene Kalunga kavo.

2 OMAFIMBO 32:25

Ndelenee ouwa ye e u pewa, Hiskia ine u alulila ouwa, osheshi omutima waye we linenepeka. Onghee hano ehandu la kala kombada yaye nokombada yaJerusalem.

2 OMAFIMBO 36:13

Ye okwe liteeka yo ohamba Nebukadnesar, nande yo oye mu anifa puKalunga. Ndelenee ye okwa li e nofingo ikukutu nokwa kukutika omutima waye, onghee hano ina ama kOmwene Kalunga kaIsrael.

EXODUS 18:11

Paife ondi shi shii nokutya, Omwene omunene e dule oikalunga aishe. Eshi Ovaegipiti ve linenepeka.”

EXODUS 9:17

Natango ove ho linenepekele oshiwana shange nokwaanya shiha dje mo.

EXODUS 9:7

NaFarao okwa tuma ko a ka shiive, ndele tala, moimuna yOvaisraeli inamu fya nande oshimwe. Ndelenee omutima waFarao wa li mukukutu ye ina lekela ovanhu va dje mo.

OMAYELETUMBULO 16:18

Ounhwa tau tetekele ehanauno, nelinenepeko tali tetekele epunduko.

OMAYELETUMBULO 16:5

Keshe ou e nomutima we linenepeka, ye oixuna koshipala shOmwene. Oshili, ye ita ka kala ita handukilwa.

JESAJA 47:1

Londoloka, u kale omutumba mondwi yedu, oove okakadona, omona okakadona Babilon. Kala omutumba pedu longaho, uhe na olukalwapangelo, oove omona okakadona kaKaldea, osheshi ito ifanwa vali omundebauki nomupu.

JEREMIA 13:18

Tya kohamba nokomumbada: Kaleni omutumba poshi, poshielela, osheshi oshishani shetumbalo leni osha wa ko komitwe deni.

JEREMIA 19:15

Omwene womatanga ovakwaita, Kalunga kaIsrael ota ti ngaha: Tala, Ame ohandi etele kombada yoshilando eshi nokombada yoilando ikwao aishe ei i li mepangelo lasho oshiponga, nde shi shi xunganekela, osheshi ova kukutika eefingo davo, ndele inava pwilikina eendjovo dange.

JEREMIA 48:18

Londoloka ko koule wefimbo loye, oove onakukalamo, oove omona okakadona Dibon, ove u kale omutumba medu li nonghange! Osheshi omuhanauni waMoab ote uya oku ku lwifa, ye ta hanauna po eehotengulu doye da pama.

HESEKIEL 30:6

Omwene ta ti ngaha: “Heeno, vo ava hava yambidida Egipiti tava ka wila po, nepangelonghono lasho lelinenepeko tali ka xutulwa. Okudja kuMigdol fiyo okuSiene vo otava ka wila po musho keongamukonda, Omwene Kalunga osho ta ti.

HESEKIEL 31:10

“Onghee hano, Omwene Kalunga ta ti ngaha: Shaashi oo wa kula unene, nowa twala oxulo yao koilemo ndele we linenepekela oule wao.

DANIEL 11:36

Ndele ohamba otai ka longa eshi ya hala, ndele yo otai ke linenepeka, tai liningi inene kombada yoikalunga aishe, ndele tai ka tuka Kalunga kookalunga neendjovo doixuna. Ndele tai ka kala i nelao fiyo oupyuhandu wa wanifwa. Osheshi osho sha tokolwa, oshi nokuwanifwa.

DANIEL 4:26

Ndele eshi kwa tiwa, oshifidi shomuti nashi fyaale mo medu, otashi ti, ouhamba woye to u tuvikililwa, ndele to u peululwa, ngeenge wa shiiva, kutya eulu li neenghonopangelo.

DANIEL 4:28

Oinima aishe ei oya shakeneka ohamba Nebukadnesar:

DANIEL 4:37

Aame Nebukadnesar, paife ohandi hambelele ndele handi tumbaleke ndele handi fimaneke Ohamba yomeulu! Oilonga yaye aishe oyo yoshili, neendjila daye oda yuka. Oye ta dulu okuxutula ava hava ende melinenepeko.”

DANIEL 8:8

Ndele eenghono doshikombo da ninga dinene unene. Ndelenee eshi sha ninga eenghono, oluvinga eli linene ola teka, ndele ponhele yalo opa pita eembinga nhee dinene tadi ulike keemhepo nhee dounyuni.

LUKAS 18:14

Ohandi mu lombwele: ou a shuna keumbo omuyuki, e dule winya, osheshi ou te linenepeke ota ninipikwa, ndele ou te lininipike ota nenepekwa.”

OVAHEBERI 3:13

Ndelenee kumaidafaneni keshe efiku manga tapa tiwa “nena,” paha kale nande oumwe womunye ta kukutikwa kekotokelo loulunde.

1 SAMUEL 6:6

Omolwashike hano tamu ka kukutika omitima deni ngaashi Ovaegipiti naFarao va kukutika omitima davo? Venya inave va efa hamba, Ye eshi e va monifila eenghono daye?