DANIEL 5:2 - Ombibeli Iyapuki

² Ndele Belsassar eshi a shambukwa komaviinyu, okwa lombwela ndele ta ti: oiyuma inya yoshingoldo noyoshisiliveli ya kufwa kuxe Nebukadnesar motembeli yomuJerusalem, nai ka talwe, opo ohamba nomalenga aye novambada noikumbu yaye va nwine mo moiyuma ei.

DANIEL 5:2 ပူးပေါင်းရင်းမြစ်များ

2 SAMUEL 9:7

Ndele David ta ti kuye: “Ino tila, osheshi oshili ame ohandi ke ku fila onghenda omolwaxo Jonatan, ndele ame ohandi ke ku alulila omapya aeshe axokulu Saul. Ndele ove mwene oto ka lya alushe poshililo shange.”

2 EEHAMBA 24:13

Ndele yo oya kufa mo omamona aeshe omotembeli yOmwene nomamona omongulu yohamba. Ndele ya teta oingoldo yomoinima ya ningwa kuSalomo, ohamba yaIsrael, motembeli yOmwene, ngaashi Omwene a tongele.

2 EEHAMBA 25:15

Nosho omukulunhu wovanangeli a kufa oikwatelwa yomakala nomaholo aa a ningwa oshingoldoelela noshisilivelielela.

2 OMAFIMBO 11:20

Ndele konima yaasho okwa hombola Maaka, omona waAbsalom, ndele ye okwe mu dalela Abia naAttai naSisa naSelomit.

2 OMAFIMBO 15:16

Heeno, ohamba Asa ya kufa ina Maaka ouhamba, osheshi ye okwa dikila Asera oshitondifa. Ndele Asa okwa ka po oshitondifa, nokwe shi xwandaula nokwe shi xwika po mefilu laKidron.

2 OMAFIMBO 36:10

Pexulilo lomudo ohamba Nebukadnesar ya tuma ko ndele ve mu twala kuBabilon pamwe noinima i nondilo yomongulu yOmwene. Nomumwaina Sedekia okwa ninga ohamba yaJuda noyaJerusalem.

2 OMAFIMBO 36:18

Noinima aishe yongulu yaKalunga, inene noinini, nomamona omongulu yOmwene nomamona ohamba, naa omalenga, aishe yo ye i twala kuBabilon.

ESRA 5:14

Noinima oingoldo noisiliveli yongulu yaKalunga, oyo ya kufilwe kuNebukadnesar motembeli yomuJerusalem, nokwe e i twalele kotembeli yomuBabilon, oyo ya kufifwa kohamba Kores motembeli yomuBabilon, ndele ya yandjwa kuumwe e nedina Sesbassar, ou a tulwa po omupangeli.

JEREMIA 27:7

Noiwana aishe oi noku mu longela, oye mwene nomona waye nomutekulu waye fiyo efimbo loshilongo shaye tali uya yo, opo nee oilongo ihapu neehamba di neenghono otadi mu longifa yo.

JEREMIA 50:35

Eongamukonda, totela Ovakaldea, Omwene osho ta ti, noonakukalamo muBabilon, oidale novanongo vasho.

JEREMIA 52:19

Noiyaxa noikwatelwa yomakala neembiya noixwekelwashela noitwiminifo nomakopi oo a li oshingoldoelela noyoshisilivelilela, elenga lovanangeli ole i kufa po.

DANIEL 1:2

Ndele Omwene okwa yandja Jehoiakim, ohamba yaJuda, momake aye pamwe nombinga imwe yomoiyuma yomotembeli yaKalunga, ndele ye okwe i twala kedu laSinear motembeli yakalunga kaye, noiyuma okwe i tuvikila melimba lemona lakalunga kaye.

DANIEL 5:11

Moshilongo shoye omu nomulumenhu e nomhepo yookalunga vayapuki. Pomafiku axo ye okwa monika e nomayele neendunge nounongo, ngaashi ounongo wookalunga. Onghee hano xo, Nebukadnesar okwe mu ninga elenga lakula lovanongo vomishangwa, leendudu, lOvakaldea nolovakoneki veenyofi; ohamba xo, osho ya ninga,

DANIEL 5:13

Opo nee Daniel okwa etwa koshipala shohamba. Ohamba oya lombwela Daniel ndele tai ti: “Oove tuu Daniel, umwe womovapika Ovajuda, ohamba tate, e va kwata muJuda nokwe va eta oku?

DANIEL 5:18

Hano tatekulu ohamba! Kalunga ou wOkombadambada okwa pele xo Nebukadnesar ouhamba neenghono netumbalo nefimanopangelo.

DANIEL 5:23

ndelenee ove we linenepeka nokutwila Omwene weulu ondubo. Ndele oikwatelwa yongulu yaye oya etwa koshipala shoye. Ndele ove nomalenga oye novambada voye noikumbu yoye omwa nwina mo omaviinyu. Noikalunga yoshingoldo noyoshisiliveli noyoshikushu noyoivela noyoshiti noyomamanya owe i litangela, oyo tuu ihai mono ko, ihai udu ko, yo ihe shii sha, ndelenee Kalunga ou e kwete meke laye omufudo woye neendjila doye adishe di li koshipala shaye, Oye tuu ou ove ino mu fimaneka.

DANIEL 5:3

Opo nee oiyuma inya ya kufwa motembeli, mongulu yaKalunga muJerusalem, oya etwa nee. Nohamba nomalenga aye novambada vaye noikumbu yaye ova nwina mo,

DANIEL 5:30

Oufiku tuu winya Belsassar, ohamba yOvakaldea, okwa dipawa,

DANIEL 5:4

ndele ova nwa omaviinyu nokutanga nokuhambelela oikalunga yoshingoldo noyoshisiliveli noyoshikushu noyoshivela noyoiti noyomamanya.

NUMERI 7:79

Eyambo laye oleli: oshiyaxa shoshisiliveli, ondjele yasho eesekeli efele nomilongo nhatu. Neholo loshisiliveli, ondjele yalo eesekeli omilongo heyali pasekeli yetwali liyapuki. Aishe ivali i yadi oufila wa nakwa wa pilulilwa omaadi eendjayambo.