DANIEL 5:19 - Ombibeli Iyapuki

¹⁹ Ndele molweenghono odo, Ye e di mu pele, oiwana aishe nomapata aeshe nomalaka aeshe okwa kakama nokwa tila koshipala shaye. Ndele ye okwa dipaa ou a hala, nokwa xupifa ou a hala, ndele okwa lenga ou a hala nokwa xutula ou a hala.

DANIEL 5:19 ပူးပေါင်းရင်းမြစ်များ

2 EEHAMBA 25:28

Nokwe mu popifa nombili nokwe mu kaleka omutumba koshipundi shi dule oipundi yeehamba dikwao, odo da li puye muBabilon.

OMAYELETUMBULO 16:14

Oupyuhandu wohamba u li ngaashi ovatumwa vefyo, ndelenee omulumenhu omuyuki ote u lotifa.

OMUUDIFI 8:3

Ino endelela okuliteeka kuyo. Ino ama koshinima shii, osheshi yo tai ningi eshi ye shi hala.

HESEKIEL 31:11

Ame ohandi ke u yandja momake ovanaenghono vomoiwana. Oshili vo otave u ningile eshi tave u ningi. Molwouhenakalunga waye, Ame nde mu taataa mo.

DANIEL 11:12

Engafifi eshi la hanaunwa po, ye ote linenepeke, ndele ta ka denga omayovi omilongo, ndelenee ye mwene ita kala neenghono.

DANIEL 11:16

Ndele ou, te shi lwifa ta di koumbangalanhu ota ningi eshi a hala, ndele kape na ou ta dulu okulipopila kuye. Oye ta ka tula mo mOshilongo sha wapala, nehanauno tali uya momake aye.

DANIEL 11:3

Opo nee otaku uya ohamba i nonyati, oyo tai kala neenghonopangelo dinene, ndele otai ka ninga ngaashi ya hala.

DANIEL 11:36

Ndele ohamba otai ka longa eshi ya hala, ndele yo otai ke linenepeka, tai liningi inene kombada yoikalunga aishe, ndele tai ka tuka Kalunga kookalunga neendjovo doixuna. Ndele tai ka kala i nelao fiyo oupyuhandu wa wanifwa. Osheshi osho sha tokolwa, oshi nokuwanifwa.

DANIEL 3:29

Onghee hano keshe oshiwana noludi nelaka tali sheke Kalunga kaSadrak, kaMesak nokaAbednego, oye na timbaulwe oinhimbu, neumbo laye tali ka ninga oshuumbo. Osheshi kape na Kalunga kamwe e shii okuxupifa ngaashi ou.”

DANIEL 3:4

Ndele omwiingidi okwa ingida pombada ta ti: “Onye oiwana nomaludi nomalaka, tamu shiivifilwa:

DANIEL 3:6

Ndele ou ite linyongamene poshi ndele ita ilikana, opo tuu ta ka ekelwa mediko lomundilo.”

DANIEL 4:17

Oshinima eshi osha pangelwa momhangela yovaengeli nokondjovo yovayapuki, opo ovanamwenyo va shiive nokutya, ou wOkombadambada e kwete eenghonopangelo kombada yoilongo yovanhu, ndele te i yandje kwaau Ye a hala, nomufyoonelela Ye ote mu tula mepangelo.’

DANIEL 4:19

Opo nee Daniel, ou a ifanwa Beltesasar, okwa li a haluka okafimbo, omadiladilo aye okwe mu tilifa. Ndele ohamba oya popya tai ti: “Beltesasar, ondjodi netomono layo inali ku tilifa.” Beltesasar okwa nyamukula ndele ta ti: “Omwene wange, ondjodi nai uye kombada yovatondadi voye netomono layo nali uye kombada yovanaita naave.

DANIEL 4:22

omuti ou oove, ohamba, wa ninga omunene nowa pama, efimano loye la hapupala nola twa fiyo okeulu nepangelo loye fiyo okexulilo ledu.

HABAKUK 2:5

Navali: Omaviinyu hae mu kengelele. Omulumenhu omulinenepeki ita kala po. Oye ou ha makula okanya kaye ngaashi oshovafi, nongaashi efyo itali kuta, osho ye e li. Ye ote liongelele oiwana aishe, novanhu aveshe ote ve lishilile.”

JOHANNES 19:11

Jesus okwa nyamukula: “Eenghono dokutokola nge ngeno ku di pelwe da dja kombada, ngeno ku di kwete. Onghee hano ou a yandja nge kwoove, oye e netimba li dule loye.”

OVAROMA 13:1

Omunhu keshe na dulike kovapangeli ava have mu pangele. Osheshi kape na nande epangelo inali dja kuKalunga; ovapangeli ava ve li po, ova tulwa po kuKalunga.

EHOLOLO 5:9

Ndele tava imbi eimbilo lipe, tava ti: “Ove owa wana okutambula omushangwatonywa ou, nokumatula oipatifo yao, osheshi Ove owa dipawa, ndele we va kulilila Kalunga nohonde yoye mukeshe oludi nelaka novanhu noiwana,