DANIEL 5:16 - Ombibeli Iyapuki

¹⁶ Ndelenee ame onde ku uda, nokutya ove oho dulu okuyandja omafatululo, ndele to holola oinima ya futikwa. Ndele paife, ngeenge to dulu okulesha eshangelo eli nokutomonena nge eendunge dalo, ove oto ka dikwa oshikutu shitilyana nelyenge loshingoldo mofingo yoye, ndele to lengwa elenga etitatu moshilongo.”

DANIEL 5:16 ပူးပေါင်းရင်းမြစ်များ

GENESIS 40:8

Ndele vo ove mu nyamukula tava ti: “Fye otwa twa ondjodi, ndele kape na ou a shiiva oku i fatulula.” Ndele Josef okwe va pula ta ti: “Efatululo olo oshinima shaKalunga ndishi? Ngeno omu di hepaululile nge.”

GENESIS 41:15

Opo nee Farao okwa tya kuJosef: “Ame onda twa ondjodi, ndele kape na ou a shiiva oku i fatulula, ndelenee onde ku uda nokutya, shamha tuu ove wa udu ondjodi oto shiiva oku i fatulula.”

GENESIS 41:42

Opo nee Farao okwa kufa oshihakolinga meke laye ndele te shi tula meke laJosef. Ndele ye okwe mu djaleka oikutu iwa yoliina nokwe mu dika elyenge loshingoldo mofingo yaye.

DANIEL 2:48

Opo ohamba oya lenga Daniel, ndele ye mu pa omilongelo dinene dihapu, ndele ye mu tula omupangeli wombinga imwe yoshilongo shaBabilon nomukulunhu a kula kombada yovanongo aveshe vomuBabilon.

DANIEL 2:6

Ndele ngeenge tamu hepaulile nge ondjodi yoovene eshi tai ti, ohandi ke mu pa eeshali nomilongelo netumbaleko linene. Hano tomoneneni nge ondjodi yoovene eshi tai ti.”

DANIEL 5:29

Opo Belsassar a lombwela, ndele ova dika Daniel oshikutu shitilyana nelyenge loshingoldo mofingo yaye, ndele omolwaye naku ingidwe, oye elenga lakula etitatu okupangela moshilongo.

DANIEL 5:7

Ndele ohamba oya ingida mokule, eendudu nOvakaldea veenyofi va etwe mo. Opo nee ohamba oya lombwela ovanongo vomuBabilon ndele tai ti: “Keshe ou ta dulu okulesha eshangelo eli ndele te li tomonene nge, oye ta ka dikwa oshikutu shiwa shitilyana nelyenge loshingoldo mofingo yaye, ndele ta lengwa elenga etitatu moshilongo.”

DANIEL 6:2

Ndele okwe va pangelififa komalenga akula atatu, limwe lomuvo oDaniel. Omalenga ova li ve noku a valela evalulo, ohamba iha mone oshiponga.

OILONGA YOVAYAPOSTOLI 8:18

Ndele Simon eshi a mona keshe ou a tenhekwa omake kovayapostoli a pewa Omhepo Iyapuki, okwe va etela oimaliwa,