DANIEL 4:9 - Ombibeli Iyapuki

⁹ Oove Beltesasar, omukulunhu wovanongo ame ondi ku shii, nokutya mwoove mu nomhepo yookalunga vayapuki, ndele kape noshinima sha holekwa, tashi ku nyenge oku shi holola. Hepaululile nge hano omamoniko ondjodi yange nefatululo lao li tonga.

DANIEL 4:9 ပူးပေါင်းရင်းမြစ်များ

GENESIS 41:38

Opo nee Farao okwa tya kovapiya vaye: “Ohatu ka mona tuu omunhu umwe ngaashi omulumenhu ou e na Omhepo yaKalunga?”

JESAJA 33:18

Omutima woye otau kala nokudiladila omafiku oixuna wa pita mo, ndele tau ti. Omufininiki wefendelo oku li peni? Omuyelekeli oku li peni? Openi e li ou, ha shange eeshungongulu?

JESAJA 54:14

Ove oto ka kala wa pama molwouyuki; to ka kala kokule nefininiko, osheshi ove ku nokutila sha; ndele to ka kala kokule nehalukifo, osheshi itali ke uya kwoove.

HESEKIEL 17:23

Komhunda ile yaIsrael Ame ohandi ke ka twika, ndele taka piti oitai nokwiima oiimati ndele taka ka ninga omusederi wa wapala, opo eedila adishe doutotone ve lili nove lili di shiive okukala muwo, do otadi ka kala momudile woitai yao.

HESEKIEL 28:3

Tala, ove u dule Daniel mounongo, ashishe eshi sha holekwa, inashi ku holekwa!

DANIEL 1:20

Ndele ohamba oye va pula moinima aishe yeendunge noyounongo nokwa koneka, ovo ovanaendunge, ve dule lwomulongo ovanongo neemhule adishe da li mouhamba waye aushe.

DANIEL 2:47

Ohamba oya nyamukula Daniel ndele tai ti: “Oshili, Kalunga keni Oye Kalunga koikalunga, ndele Oye Omwene weehamba nOmuhololi woiholekwa, onghee ove ino nyengwa okuholola oshiholekwa eshi.”

DANIEL 2:48

Opo ohamba oya lenga Daniel, ndele ye mu pa omilongelo dinene dihapu, ndele ye mu tula omupangeli wombinga imwe yoshilongo shaBabilon nomukulunhu a kula kombada yovanongo aveshe vomuBabilon.

DANIEL 4:18

Emonikondjodi olo tuu olo, ame, ohamba Nebukadnesar, nde li mona. Ndele ove, Beltesasar, shiivifile nge etomono, osheshi ovanongo aveshe vomouhamba wange ova nyengwa oku li tomona. Ndelenee ove ito nyengwa, osheshi mwoove omu nomhepo yookalunga vayapuki.”

DANIEL 4:5

Onda twa ondjodi, ndele oya tilifa nge, nonda li ndi neendjodimoniko momutala wange, nomamoniko aa omomutwe wange a kanifa ombili yange.

DANIEL 4:8

Opo nee hauxuuninwa Daniel e uya koshipala shange, oye tuu ou a lukilwa kalunga kange Beltesasar, ndele muye omu nomhepo yookalunga vayapuki. Ndele ame onde mu hepaululila ondjodi:

DANIEL 5:11

Moshilongo shoye omu nomulumenhu e nomhepo yookalunga vayapuki. Pomafiku axo ye okwa monika e nomayele neendunge nounongo, ngaashi ounongo wookalunga. Onghee hano xo, Nebukadnesar okwe mu ninga elenga lakula lovanongo vomishangwa, leendudu, lOvakaldea nolovakoneki veenyofi; ohamba xo, osho ya ninga,

1 SAMUEL 4:8

Woo fye! Olyelye te ke tu xupifa momake oikalunga ei oinaenghono? Oikalunga oyo tuu oyo ya hepeka Ovaegipiti mombuwa noiponga i lili nai lili.