DANIEL 4:7 - Ombibeli Iyapuki

⁷ Ndele ovanongo, eendudu, Ovakaldea novakoneki veenyofi ve uya, ndele ame onde va hepaululila ondjodi ei, ndelenee vo ova nyengwa oku i tomonena nge.

DANIEL 4:7 ပူးပေါင်းရင်းမြစ်များ

GENESIS 41:24

Ndele omitwe heyali doilya da feta oda pona po omitwe dinya heyali diwa. Ndele ame nda shiivifila ovamonikokule, ndele inapa monika nande umwe a shiiva okupa nge efatululo.”

GENESIS 41:8

Ongula omwenyo waye owa li uhe na ombili ndele okwa tuma ko nokwa ifana ovamonikokule aveshe novanongo vomishangwa, vaye aveshe vomuEgipiti. Ndele Farao okwe va hepaululila ondjodi yaye, ndele kapa li nande umwe a shiiva oku i fatululila Farao.

OMAPSALOME 37:35

Onda mona omuhenakalunga a fulakata, te litandavelifa ngaashi omuti mutalala, tau litwala ko mwene.

JESAJA 44:25

Ou, handi hanauna po omadidiliko ovaxunganeki voipupulu, ndele handi shimike eemhulile, handi shunifa ovanamayele konima, ndele handi shitukifa ounongo wavo oulai.

HESEKIEL 31:3

Tala, Asiria sha li omuti omusederi komhunda yaLibanon u noitai i nomafo mawa, u nomudile muwa nowa li mule mokukula, noxulo yao ya twa koilemo.

DANIEL 1:4

ovanyasha ovamati ava vehe noshipo shasha komalutu, ndelenee vawa okutala novanaendunge mounongo aushe, ndele ve neshiivo nomayele nomitwe dipu okutambula omalongo naava va wana okulonga mouhamba wohamba, ndele ye okwa li e noku va longa okushanga nokupopya elaka lOvakaldea.

DANIEL 2:10

Ovakaldea ova nyamukula koshipala shohamba tava ti: “Kombada yedu kaku nomunhu ta dulu okushiiva oshinima eshi sha tongwa kohamba. Onghee hano kaku na nokuli ohamba inene i neenghono tai pula omukoneki nondudu ile Omukaldea oshinima shi li ngaha.

DANIEL 2:27

Daniel okwa nyamukula koshipala shohamba, ta ti: “Oshiholekwa eshi tashi pulwa kohamba sha nyenga ovanongo, eendudu, ovatei voipo novakoneki veenyofi oku shi fatululila ohamba.

DANIEL 2:7

Ovo aveshe va nyamukula lutivali, tava ti: “Ohamba nai hepaululile ovapiya vayo ondjodi yayo, opo nee ohatu ke mu tomonena.”

DANIEL 3:8

Opo tuu opo pe uya ovalumenhu vamwe Ovakaldea okupopya ko Ovajuda.

DANIEL 4:18

Emonikondjodi olo tuu olo, ame, ohamba Nebukadnesar, nde li mona. Ndele ove, Beltesasar, shiivifile nge etomono, osheshi ovanongo aveshe vomouhamba wange ova nyengwa oku li tomona. Ndelenee ove ito nyengwa, osheshi mwoove omu nomhepo yookalunga vayapuki.”

DANIEL 5:7

Ndele ohamba oya ingida mokule, eendudu nOvakaldea veenyofi va etwe mo. Opo nee ohamba oya lombwela ovanongo vomuBabilon ndele tai ti: “Keshe ou ta dulu okulesha eshangelo eli ndele te li tomonene nge, oye ta ka dikwa oshikutu shiwa shitilyana nelyenge loshingoldo mofingo yaye, ndele ta lengwa elenga etitatu moshilongo.”

DANIEL 5:8

Opo nee ovanongo aveshe vohamba ove uya mo, ndelenee vo ova nyengwa okulesha eshangelo linya noku li tomonena ohamba.