DANIEL 4:34 - Ombibeli Iyapuki

³⁴ “Ndele efimbo eli eshi la xula po, ame Nebukadnesar, onda yelula omesho ange keulu, ndele eendunge dange oda alukila nge, ndele nda pandula ou wOkombadambada, ndele nda hambelela nokufimaneka ou ta kala fiyo alushe, ou e nepangelo tali kala fiyo alushe, noshilongo shaye tashi kala fiyo okoludalo noludalo.

DANIEL 4:34 ပူးပေါင်းရင်းမြစ်များ

2 SAMUEL 22:31

Oilonga yaKalunga ya wanenena! Eendjovo daye oda yela. Ye oshikelelifo shaaveshe ava hava kongo eameno muye.

1 OMAFIMBO 29:10

Ndele David okwa hambelela Omwene moipafi yoshiongalele ashishe, ndele David ta ti: “Oove Omwene Kalunga katate Israel, u hambelelwe alushe fiyo alushe!

1 OMAFIMBO 29:13

Ndele paife, Kalunga ketu, hatu ku hambelele ndele hatu fimaneke edina loye noshinge shalo.

JOB 1:21

ndele ta ti: “Hamunghele nda dja medimo lameme, hamunghele ohandi ka shuna ko. Omwene okwa pele nge, nOmwene okwa kufa nge. Edina lOmwene nali hambelelwe!”

OMAPSALOME 10:16

Omwene, Ove ohamba fiyo alushe; mouhamba woye ovapaani ova pwa mo.

OMAPSALOME 102:24

Kalunga kange, ohandi ti: “Ino vakula nge po poshakati shomafiku ange, Oove ou, u nomido hadi kala komaludalo aeshe.”

OMAPSALOME 107:15

vo nava pandulile Omwene ouwanghenda waye noikumwifa yaye, ei ha longele ovana vovanhu,

OMAPSALOME 107:22

vo nava ete omayambo olupandu nokuudifa oinenelonga yaye nenyaku.

OMAPSALOME 107:31

ovo nava pandulile Omwene ouwanghenda waye noikumwifa yaye, ei ha longele ovana vovanhu;

OMAPSALOME 107:8

ovo nava pandulile Omwene ouwanghenda waye noikumwifa yaye, ei ha longele ovana vovanhu,

OMAPSALOME 111:7

Oilonga yomake aye, oyo oudiinini nouyuki, omapangelo aye aeshe oku shii kulineekelwa,

OMAPSALOME 121:1

Omesho ange ohandi a yelulile keemhunda. Ekwafo mbela otali dile nge peni?

OMAPSALOME 123:1

Omesho ange ohandi a yelulile kwoove, ou omukalimutumba meulu.

OMAPSALOME 145:13

Ouhamba woye ou li po tau kalelele fiyo alushe nepangelo loye fiyo okomapupi aeshe.

OMAPSALOME 146:10

Omwene Oye ohamba fiyo alushe, Sion oove, Oye Kalunga koye fiyo alushe. Halleluya!

OMAPSALOME 50:14

Hano etela Kalunga olupandu, olo tuu eyambo loye, ou wOkombadambada u mu wanifile omaudaneko oye;

OMAPSALOME 66:7

Meenghono daye ota pangele fiyo alushe; omesho aye otaa pashukile oiwana yoilongo: ovalundakani ite va efa va kulukute nande. Sela

OMAPSALOME 7:17

Onda hala okupandulila Omwene ouyuki waye nokwiimba edina lOmwene ou wOkombadambada.

OMAPSALOME 9:2

Nda hala okuhafela nokunyakukilwa mwoove, nda hala okwiimbila etumbalo ledina loye, Ove ou wOkombadambada.

OMAPSALOME 92:1

Osha wapala unene okupandula Omwene, nokwiimbila edina loye ehambelelo, Ove ou wOkombadambada;

JESAJA 13:11

Ndele onda hala okuhandukila ounyuni molwowii wao nokukongolola oulunde wovadinikalunga; nounhwa woonakuholounhwa ohandi u mane po, ndele ohandi ninipike elinenepeko lovakolokoshi.

JESAJA 2:11

Omesho ovanhu ve hole ounhwa taa ka ninipikwa, nelitumbo lomulumenhu otali ka xutulwa; Omwene Oye aeke ta ka kala mefiku olo munene a fimana.

JESAJA 24:15

Onghee hano, onye vokoushilo, fimanekeni Omwene nanye ovanailongo vokominghulo defuta, edina lOmwene Kalunga kaIsrael!

JEREMIA 10:10

Ndelenee Omwene Oye Kalunga kashili, Oye Kalunga omunamwenyo, ohamba yaalushe. Edu ohali kakama kehandu laye, noiwana itai dulu oupyuhandu waye.

OMAIMBILOKEMO 3:38

Owii nouwa itau di mo mokanya kaau wOkombadambada?

DANIEL 12:7

Opo nda uda omulumenhu ou, a djala oshikutu sholiina ndele ta kala ofika kombada yomeva omulonga, ndele a yelula eke laye lokolulyo neke laye lokolumosho keulu ndele ta anene ou e nomwenyo fiyo alushe, nokutya: “Ope nefimbo limwe nomafimbo avali nefimbo letatakati. Nehanauno loshitukulwa shimwe shoshiwana shiyapuki ngeenge la xula po, opo oinima ei aishe otai ka wanifwa.”

DANIEL 2:44

Ndelenee pomafiku eehamba dinya Kalunga ou komeulu ota ka dika ouhamba itau ka teka po fiyo alushe, nepangelo lao itali ka yandjwa koshiwana shimwe. Ndele wo otau ka nyanyaula notau ka teyaula omauhamba aeshe noku a xulifa po, ndelenee woovene tau ka kala fiyo alushe,

DANIEL 4:2

Osha wapalela nge ndi shiivife omadidiliko noikumwifa ei Kalunga wOkombadambada e i ningila nge.

DANIEL 4:26

Ndele eshi kwa tiwa, oshifidi shomuti nashi fyaale mo medu, otashi ti, ouhamba woye to u tuvikililwa, ndele to u peululwa, ngeenge wa shiiva, kutya eulu li neenghonopangelo.

DANIEL 4:3

Omadidiliko aye aa manene ngahelipi noikumwifa yaye i neenghono di fike peni? Ouhamba waye waalushe, nepangelo laye otali kala fiyo okoludalo noludalo.

DANIEL 4:32

Ndele to tewatewa mokati kovanhu, ndele to ka kala pamwe noifitukuti yomoixwa, to ka lya omwiidi ngaashi eengobe, ndele ove oto ka pitifa po omafimbo aheyali, fiyo oto ka shiiva nokutya, ou wOkombadambada oku neenghono okupangela oshilongo shovanhu noku shi pa ou Ye a hala.”

DANIEL 4:36

Mefimbo tuu linya onda alulilwa eendunge neenghonopangelo dange nefimano lange ola alulilwa nge okefimano loshilongo shange. Nomalenga ange novakulunhu ova ila nge ndele ame nda nangekululwa moshilongo shange. Neenghonopangelo dange oda hapupala unene neenghono.

DANIEL 5:18

Hano tatekulu ohamba! Kalunga ou wOkombadambada okwa pele xo Nebukadnesar ouhamba neenghono netumbalo nefimanopangelo.

DANIEL 5:21

Ndele ye okwa tewa mo mokati kovanhu, omutima waye owa kala ngaashi ou woifitukuti, ndele ye okwa kala mokati keefino, nokwa lya omwiidi ngaashi eengobe. Nomume yokeulu oya tutika olutu laye, fiyo okwa koneka, kutya Kalunga wOkombadambada oku neenghono okupangela oshilongo shovanhu noku shi yandja kwaau a hala.

DANIEL 6:26

Ame nda yandja ondaka nokutya, monhele aishe yomepangelo lange ovanhu ve nokutila nokukakama koshipala shaKalunga kaDaniel. Osheshi Oye Kalunga omunamwenyo, ndele ota kala fiyo alushe. Noshilongo shaye kashi shii okuhanaunwa po, nepangelo laye kali na apa tali xulu po.”

DANIEL 7:14

Ndele ye okwa pewa eenghono nefimano noshilongo. Noiwana aishe omaludi nomalaka tae mu longele. Eenghonopangelo daye odo eenghonopangelo daalushe, kadi na apa tadi xulu po. Ndele oshilongo shaye osho oshilongo itashi ka teywa po.

DANIEL 7:27

Opo nee oshiwana shovayapuki vaau wOkombadambada tashi pewa ouhamba neenghonopangelo netumbalo loilongo aishe yokoshi yeulu alishe. Oshilongo shavo osho oshilongo shaalushe, ndele omapangelo aeshe otae va fimaneke, ndele taa dulika kuvo.’

DANIEL 9:14

Osho nee Omwene okwa pashukila omupya opo Ye e tu undulile, osheshi Omwene Kalunga ketu, Ye omuyuki moilonga yaye aishe, he i longo, ndelenee fye inatu pwilikina ondaka yaye.

JONA 1:14

Opo nee va kuwa kOmwene tava ti: “Akutu, Omwene, ino tu efela enyonauko molwomwenyo womulumenhu ou, Ove ino tu valela ohonde ei ihe netimba. Osheshi Omwene, Ove wa ninga, ngaashi she ku wapalela.”

MIKA 4:7

Opo nee oonakushongola ohandi ke va ninga oshixupe naava va halakanifilwa kokule, ohandi ke va ninga oshiwana shi neenghono. Ndele Omwene ota ka kala ohamba yavo komhunda yaSion paife nofiyo alushe.

LUKAS 1:33

ndele Ye ota ningi ohamba yeumbo laJakob fiyo alushe, nouhamba waye kau na apa tau xulu po.”

LUKAS 18:13

Ndele omufendelifi okwa kala ofika kokule, ye ina hala okuyelula omesho keulu, okwe lidenga ponhulo yaye ndele ta ti: ‘Kalunga, file nge onghenda, aame omulunde.’

JOHANNES 5:26

Osheshi ngaashi Xe e nomwenyo muye mwene, osho tuu okwe u pa Omona, Ye a kale yo e nomwenyo muye mwene.

DEUTERONOMION 32:4

“Ye emanya; oilonga yaye oya wana ya pwa. Osheshi eendjila daye adishe do omatokolo. Oye Kalunga koudiinini, ndele ehe nowadi. Ye omuyuki nomunashili.

1 TIMOTEUS 1:17

Ndele Ohamba yomafimbo ounyuni, ei ihe nexulilo noihe wetike, oyo Kalunga omunandunge aeke, na hambelelwe, Ye na fimanekwe alushe fiyo alushe! Amen.

1 TIMOTEUS 6:16

ou aeke ita fi noha kala mouyelelelela omu itamu shiiva okwiiwa, Oye ina monika nande okomunhu, Ye ita dulu okutalwa. Efimano olaye neenghono daalushe odaye. Amen.

EHOLOLO 10:6

nokwa ana kwaau ta kala e nomwenyo alushe fiyo alushe, ou a shita eulu nedu nakeshe eshi sha kala mo, nefuta naashi shi li mo, nokutya: “Itapa ka kala vali efimbo nande;

EHOLOLO 11:15

Nomweengeli omutiheyali okwa shika enghuma, ndele meulu omwa udika eendaka dinene, da tya: “Ouhamba wounyuni ou wa ninga wOmwene wetu naKristus waye, ndele ta ka pangela alushe fiyo alushe.”

EHOLOLO 4:10

opo ovakulunhu ovo omilongo mbali navane otave linyongamene poshi koshipala shaau e li omutumba kolukalwapangelo, ndele tava fimaneke ou Omunamwenyo alushe fiyo alushe, ndele tava ekele poshi oikoroni yavo komesho yolukalwapangelo ndele tava ti:

EHOLOLO 4:9

Ndele fiku tuu oinamwenyo tai yandje efimano nefimaneko nepandulo kwaau e li omutumba kolukalwapangelo ndele ta kala e nomwenyo alushelushe,