DANIEL 4:27 - Ombibeli Iyapuki

²⁷ Onghee hano, ohamba, epukululo lange nali ku wapalele: liteeka oulunde woye nokudiinina ouyuki; liteeka owii woye nokufila eehepele onghenda. Okukala kwoye kwombili pamwe taku ku kalelele.”

DANIEL 4:27 ပူးပေါင်းရင်းမြစ်များ

GENESIS 11:4

Ndele vo va tya: “Ileni, fye tu litungileni oshilando noshungo ile, onhele yayo i twe keulu, tu liningileni edina, tuhe lihanene nounyuni aushe.”

1 EEHAMBA 21:29

“Ove wa mona tuu nhumbi Ahab e lininipika koshipala shange? Ye eshi e lininipika koshipala shange, itandi tumu omupya pomafiku aye. Pomafiku omona waye Ame ohandi ka etela eumbo laye omupya.”

OMAPSALOME 119:46

Ndele nda hala okuvilikilila eehamba omahepaululo oye, itandi fi ohoni;

OMAYELETUMBULO 11:2

Apa tape uya ounhwa, otape uya yo okufifa ohoni, ndelenee ounongo tau kala pwaava ve lininipika.

OMAYELETUMBULO 16:6

Okunyona taku yavelelwa nohole noudiinini, nomokutila Omwene omunhu ta kukuma owii.

OMAYELETUMBULO 28:13

Ou ta holeke omatauluko aye, ita ka mona elao. Ndelenee ou te a hepaulula ndele te a efa, ota ka filwa onghenda.

JESAJA 10:13

Osheshi ye ota popi, ta ti: “Onde shi ninga keenghono domake ange mwene, nokeendunge dange mwene, osheshi ame ondi nomayele. Neengaba dopokati koilongo noilongo ame onde di lundulula, noituvikilwa yavo onde i tinha; novakali omutumba komalukalwapangelo onde va tuwa ko ngaashi omhedi.

JESAJA 47:10

Owa kala wa pamenena mowii woye, ove owa tile: Kape na ou ta mono nge. Eendunge doye nomayele oye okwe ku pukifa, nongaashi wa diladila komutima woye: “Aame andike, kape na vali umwe.”

JESAJA 47:8

Hano paife pwilikina, ove ou u hole mouwa, wa kala omutumba kolukalwapangelo, uhe na oshisho wa diladila komutima woye: aame andike, kape na vali umwe. Ame itandi ka ninga omufiyekadi ile ndi kale ongadji.

JEREMIA 29:7

Ndele oshilando osho nde mu twala eenghwate, shi haleleni ouwa nye mu shi ilikanene kOmwene, osheshi ombili yasho oyo ombili yeni yo.

JEREMIA 38:20

Ndelenee Jeremia okwa nyamukula ta ti: “Ahowe, ito yandjwa momake avo. Pwilikina ashike odo handi di ku lombwele pandjovo yOmwene, ndele to ka kala nawa, ndele oto ka kala u nomwenyo.

HESEKIEL 18:7

ndele ita fininike nande umwe. Nombabyona ye e i kwatelele oikolo, ote i shunifa; ita nyeka, ta pe ou e nondjala omungome waye, naau e li hamunghele, ote mu uvike noshikutu;

HESEKIEL 29:3

Popya u tye: Omwene Kalunga ta ti ngaha: ‘Tala, Farao, ohamba yaEgipiti, tala, Ame ohandi ku vele eembedi, oove ongadu inene to nangala momilonga doye, ove to ti: “Nil, omulonga wange, ame nde u li ningila.”

HESEKIEL 29:9

Ndele oshilongo shaEgipiti tashi ka ninga ofuka nonduba yomakulukuma, ndele vo otava ka shiiva nokutya, Aame Omwene. Ove shaashi to ti: Nil owange, ame nde u ninga,

JOEL 2:14

Kashiimba Ye ote lialuka natango, ndele ta fii po enangeko noupuna, nokutya eendjayambo noikunwayambo yokuyambela Omwene Kalunga keni.

AMOS 6:13

Onye ava hamu hafele muLodebar oinima yongaho, hamu ti: “Inatu likwatela Karnaim keenghono detu vene.”

JONA 3:9

Kashiimba Kalunga ota ka efa ehandu laye nokulidilulula, opo Ye te lialuluka kexwamo lehandu laye ndele fye itatu nyonauka.”

HABAKUK 1:11

Opo tava endelele ngaashi okafudaela nokweehena komesho, ndelenee tava pewa etimba, vo, eenghono davo da ninga oshikalunga shavo.

SEFANIA 2:15

Hano eshi osho oshilando shehafo, eshi sha kala shihe noshisho, eshi she lipopila momutima washo: Aame ou! Kape na nande umwe! Osho sha ninga ngahelipi hano ofuka, onghalelo yoifitukuti! Aveshe ava hava ende po tava sheke noku shi nipila okwooko.

MATEUS 3:8

Imeni hano oiimati ya wapalela elidilululo,

LUKAS 11:41

Eshi shomeni shi yandjeni oikwafa yeehepele, aishe notai mu koshokele.

OILONGA YOVAYAPOSTOLI 24:25

Ndele Paulus eshi a popya ouyuki nelidiliko netokolo olo li nokuuya, Feliks okwa tila ndele ta ti: “Inda manga, ndele ngeenge nda mono efimbo la wapalela nge, ohandi ku ifana natango.”

OILONGA YOVAYAPOSTOLI 26:20

ndele tete onda udifila Ovadamaskus nOvajerusalem, nokonima onde shi ninga medu alishe laJudea nomovapaani yo, nda tya: Ovo ve nokulidilulula nokwaalukila kuKalunga, va longe oilonga ei ya wapalela elidilululo.

OILONGA YOVAYAPOSTOLI 8:22

Hano lidilulula, u dje mo mowii ou woye, ove u indile Omwene pamwe to diminwa po omadiladilo aa okomutima woye.

2 OVAKORINTO 5:11

Hano etilo lOmwene eshi tu li shii, ohatu kendabala okwiitavelifa ovanhu, ndelenee kuKalunga otwa shiivika nawa; ndele ondi neteelelo nokutya, nanye yo omu tu shii momaliudo eni.

OVAGALATI 5:13

Ovamwatate, omwa ifanenwa emanguluko, ndelenee inamu efa ombelela yeni i pwidukifwe kemanguluko, ndele yakulafaneni mohole.

OVAGALATI 5:22

Ndelenee oiimati yOmhepo oyo ei: ohole, ehafo, ombili, onheni, oukaume, ouwa, oudiinini, engungumano, elididimiko.

OVAGALATI 5:6

Osheshi muKristus Jesus nande epitotanda ile okuhapita etanda kaku nekwafo, ndelenee eitavelo hali longo mohole.

OVAEFESO 4:28

Omulunga aha vake vali, ndelenee na longe nokulongifa omake aye ouwa, opo a kale e na sha okuyandjela eehepele.

DEUTERONOMION 24:13

Ove u noku mu alulila ombabyona fimbo etango inali ningina, opo a shiive okunangala moshikutu shaye, ndele te ku nangeke noupuna; ndele sho otashi ku valulilwa ouyuki koshipala shOmwene Kalunga koye.

DEUTERONOMION 32:27

Ame ngeno inandi angala okuhandukifwa komutondadi, ovatondadi vavo ngeno va pilikile eendjovo va tye: Eke letu la yeluka nOmwene ina ninga sha mwaashishe eshi.’

DEUTERONOMION 8:17

ndele ove ho diladila momwenyo woye: Eenghono dange mwene neenghono deke lange ode likolifila nge oupuna ou.

1 PETRUS 4:8

Komesho yaaishe ohole yeni yokuholafana nai kale ya xwama, osheshi ohole ohai fufile onduba yomatimba.