DANIEL 4:17 - Ombibeli Iyapuki

¹⁷ Oshinima eshi osha pangelwa momhangela yovaengeli nokondjovo yovayapuki, opo ovanamwenyo va shiive nokutya, ou wOkombadambada e kwete eenghonopangelo kombada yoilongo yovanhu, ndele te i yandje kwaau Ye a hala, nomufyoonelela Ye ote mu tula mepangelo.’

DANIEL 4:17 ပူးပေါင်းရင်းမြစ်များ

1 EEHAMBA 21:25

Oshili, inapa kala nande umwe ngaashi Ahab, ou e lilandifa po okuninga osho inashi yuka momesho Omwene, Osheshi omwalikadi waye Isabel e mu hongaula.

2 OMAFIMBO 28:22

Nomefimbo tuu olo, eshi va fininika unene ohamba Ahas, yo ya nyona unene kOmwene,

OMAPSALOME 103:19

Omwene meulu okwe li ningila mo olukalwa laye, nouhamba waye otau pangele akushe.

OMAPSALOME 12:8

nande ovalunde nava shishimane shi fike peni, molwaashi oulunde tau hovele okutana mokati kovanhu.

OMAPSALOME 9:16

Omwene okwe lishiivifa, nehandutokolo laye okwe li mana, omulunde e likwatifa koilonga yomake aye mwene. Sela

EXODUS 9:16

ndelenee Ame nde ku efa u kale po, opo ndi shiive okumonifa eenghono dange mwoove, edina lange opo li udifwe kombada yedu alishe.

JESAJA 6:3

Ndele vo ova lalekidafana mokule, ndele tava ti: “Omuyapuki, Omuyapuki, Omuyapuki, Omwene, Kalunga komatanga ovakwaita! Oshinge shaye osha yadifa edu alishe!”

JESAJA 6:8

Opo nee nda uda ondaka yOmwene tai ti: “Olyelye handi mu tumu? Nolyelye te tu ile ko?” Ame onda tya: “Aame ou, tume nge!”

HESEKIEL 25:17

Ndele Ame ohandi ke va shunifila ehandu lange linene nomahandukilo a hanya. Ndele vo otava ka shiiva nokutya, Aame Omwene, ngeenge handi va etele ehandu lange.”

HESEKIEL 7:24

Onghee hano ohandi eta oiwana ii i dule aishe mowii, ei tai nangala omaumbo avo, ndele Ame handi xulifa elinenepeko lovanaenghono, notembeli yavo tai ka shekifwa.

DANIEL 11:21

Opo nee ponhele yaye tape uya umwe omukolokoshi, ou vo itave mu pe efimano lohamba. Ndelenee oye te ke uya mefaukilo, noshilongo ote shi laipike nelungi.

DANIEL 2:21

Oye ta lundulula omafimbo neetundi, ndele Ye ota xutula eehamba noha nangeke eehamba, ndele Oye ha yandje ounongo kovanongo nomayele kovanamayele.

DANIEL 4:2

Osha wapalela nge ndi shiivife omadidiliko noikumwifa ei Kalunga wOkombadambada e i ningila nge.

DANIEL 4:25

Ove to tewa mo mokati kovanhu, ndele to ka kala pamwe noifitukuti yomoixwa, oto ka pewa omwiidi ngaashi eengobe, oto ka kala wa tuta komume yokeulu; ndele osho ngaho ove to pitifa po omafimbo aheyali, fiyo to ka shiiva, ou wOkombadambada oha pangele oshilongo shovanhu ndele te shi pe ou Ye a hala.

DANIEL 7:25

Ndele yo otai sheke ou wOkombadambada ndele yo tai hanauna po ovayapuki vaau wOkombadambada. Ndele yo otai kendabala okulundulula omafimbo nomhango, ndele vo otava ka yandjwa momake ayo efimbo nomafimbo avali netatakati lefimbo.

OVAROMA 13:1

Omunhu keshe na dulike kovapangeli ava have mu pangele. Osheshi kape na nande epangelo inali dja kuKalunga; ovapangeli ava ve li po, ova tulwa po kuKalunga.

1 OVAKORINTO 1:28

naashi shihe nedina mounyuni nosha dinika Kalunga okwe shi hoolola, osho shihe fi oshinima, opo a xutule po osho shi li po,

1 TIMOTEUS 5:21

Ohandi ku anifa koshipala shaKalunga noshaKristus Jesus noshovaengeli ovahoololwa, ove u diinine oinima ei uhe na etokolo lasha, la tetekela oshinima ndele uha tongole ovanhu.

EHOLOLO 4:8

Noinamwenyo ei ine, keshe shimwe, osha li shi nomavava ahamano nokombada nomeni oi yadi omesho; nomutenya noufiku ihai mwena, ohai ti: “Omuyapuki, Omuyapuki, Omuyapuki, Omwene Kalunga Omunaenghono adishe, ou a li ko noku li ko ndele te uya.”

1 SAMUEL 2:8

Mondwi Ye ota yambula omufyoona ndele ta lenge omukwanaluhepo moshala shomute, vo va kale omutumba peehamba, va fyuulule olukalwa lado lefimano. “Osheshi eengudi dedu odo dOmwene, ndele kombada yado Ye okwa dika ounyuni.