DANIEL 4:1 - Ombibeli Iyapuki

¹ Ohamba Nebukadnesar ta lombwele ovakwaunyuni aveshe noiwana aishe nomalaka aeshe, e li kombada yedu alishe: “Ombili yeni nai kale inene!

DANIEL 4:1 ပူးပေါင်းရင်းမြစ်များ

1 OMAFIMBO 12:18

Opo nee Omhepo ya yada Amasai, omukulunhu womilongo nhatu, ndele ta ti: “Fye ovoye, David, ndele twa ama kwoove, omona waIsai! Ombili. Ombili nai kale naave, nombili nai kale naava tave ku yakula, osheshi Kalunga koye te ku kwafa!” Opo nee David e va tambula ndele e va tula va ninge ovakulunhu veengudu domatanga.

ESRA 4:17

Ohamba ya tuma enyamukulo eli: “Komupangeli Rehum nokomushangi Simsai nokwaava va ama kuvo, ovo ve li muSamaria nomeenhele dokouninginino waEufrat: Ombili tuu.

ESRA 5:7

Vo ove i tumina eshiivifilo, ndele mulo mwa shangelwa ngaha: “Kohamba Darius: Ombilielela!

ESTER 3:12

Opo nee ovashangi vohamba va ifanwa mefiku etimulongo netitatu mohani yotete, ndele va shanga ngaashi Haman e va lombwela, oshipango kovapangeli vohamba nokomalenga omoshitukulwalongo keshe nokeehamba doiwana adishe, koshitukulwalongo keshe panghedi yasho okushanga nokoshiwana keshe melaka lasho vene. Sha shangelwa medina lohamba Ahasveros ndele sha hakifwa nokalinga kohamba kokuhakifa.

ESTER 8:9

Opo nee mefimbo tuu olo ovashangi vohamba va ifanwa, mohani onhinhatu, nokutya mohani Sivan, mefiku etimilongo mbali netitatu lomuyo. Ndele va shanga ngaashi Mordekai e va lombwela kOvajuda nomalenga nokovapangeli voitukulwalongo yo i li po okudja kuIndia fiyo okuEtiopia, oitukulwalongo efele nomilongo mbali naiheyali, kukeshe oshitukulwalongo panghedi yasho okushanga nokukeshe oshiwana melaka lasho, nokOvajuda panghedi yavo okushanga nomelaka lavo.

DANIEL 3:29

Onghee hano keshe oshiwana noludi nelaka tali sheke Kalunga kaSadrak, kaMesak nokaAbednego, oye na timbaulwe oinhimbu, neumbo laye tali ka ninga oshuumbo. Osheshi kape na Kalunga kamwe e shii okuxupifa ngaashi ou.”

DANIEL 3:4

Ndele omwiingidi okwa ingida pombada ta ti: “Onye oiwana nomaludi nomalaka, tamu shiivifilwa:

DANIEL 6:25

Opo ohamba Darius ya shangela ovanhu aveshe noiwana aishe nomalaka aeshe kombada yedu alishe, tai ti: “Ombili yeni nai kale inene!

DANIEL 6:27

Oye ta xupifa ndele ta mangulula, Ye ta ningi omadidiliko noikumwifa meulu nokombada yedu. Oye ou a xupifa Daniel komakasha eenghoshi.

DANIEL 7:14

Ndele ye okwa pewa eenghono nefimano noshilongo. Noiwana aishe omaludi nomalaka tae mu longele. Eenghonopangelo daye odo eenghonopangelo daalushe, kadi na apa tadi xulu po. Ndele oshilongo shaye osho oshilongo itashi ka teywa po.

SAKARIA 8:23

Omwene womatanga ovakwaita ota ti: ‘Omafiku tuu enya ovalumenhu omulongo vomomalaka aeshe oiwana otava ka kwata koshikutu shomulumenhu Omujuda nokukanyatela ko, ndele tava ti: Ofye twa hala okweenda pamwe nanye, osheshi ofye twa uda, nokutya Kalunga e li pamwe nanye.’ ”

OILONGA YOVAYAPOSTOLI 2:6

Ndele oshihomo eshi, eshi sha udika, ongudu yovanhu oya ongala noya kumwa, osheshi keshe tuu ou okwe va uda tava popi elaka lambulavo.

OVAROMA 1:7

Kovaholike vaKalunga, ovaifanwa vayapuki muRoma. Efilonghenda kunye nombili yaKalunga Tate yetu noyOmwene Jesus Kristus.

OVAEFESO 1:2

Efilonghenda kunye nombili yaKalunga Tate yetu noyOmwene Jesus Kristus.

1 TIMOTEUS 1:2

okuTimoteus, omona wange shili meitavelo. Efilonghenda nonghenda nombili yaKalunga, Tate yetu nokuKristus Jesus, Omwene wetu!

1 PETRUS 1:2

ava va hoololelwa pashiivo laKalunga Xe, okudulika meyapulo lOmhepo kuJesus Kristus nokushaminwa ohonde yaye. Efilonghenda nombili nai mu hapupalele.