DANIEL 3:29 - Ombibeli Iyapuki

²⁹ Onghee hano keshe oshiwana noludi nelaka tali sheke Kalunga kaSadrak, kaMesak nokaAbednego, oye na timbaulwe oinhimbu, neumbo laye tali ka ninga oshuumbo. Osheshi kape na Kalunga kamwe e shii okuxupifa ngaashi ou.”

DANIEL 3:29 ပူးပေါင်းရင်းမြစ်များ

2 EEHAMBA 10:27

nongudi yemanya ve i tataula, notembeli yaBaal ve i ngumauna po, ndele ve i ninga oungulu vokwiila mepya fiyo onena eli.

ESRA 6:11

Ndele pashipango shange, keshe umwe, te shi tauluka, omuti nau kandulwe mo mongulu yaye, ndele ye e nokweendjelelifwa muwo ndele ta ka valelwa mo, neumbo laye nali ninge oshala.

OMAPSALOME 3:8

Exupifo oli li mOmwene. Enangeko noupuna loye nali kale kombada yoshiwana shoye. Sela

OMAPSALOME 76:10

Osheshi onyanya yovanhu otai ku shitukifile efimaneko, poxuuninwa eshi to lidike omitemo dehandu.

DANIEL 1:19

Ndele ohamba ya popya navo, ndele mokati kavo aveshe inamu monika nande umwe ngaashi Daniel, Hanania, Mishael naAsaria. Osho ngaha va kala nokuyakula koshipala shohamba.

DANIEL 1:7

Ndelenee omukulunhu womalenga okwe va lukulula: Daniel okwe mu luka Beltesasar, Hanania okwe mu luka Sadrak, naMishael Mesak, naAsaria okwe mu luka Abednego.

DANIEL 2:17

Opo Daniel a ya keumbo laye, ndele ta hepaululile vakwao Hanania, Mishael naAsaria oshinima eshi,

DANIEL 2:47

Ohamba oya nyamukula Daniel ndele tai ti: “Oshili, Kalunga keni Oye Kalunga koikalunga, ndele Oye Omwene weehamba nOmuhololi woiholekwa, onghee ove ino nyengwa okuholola oshiholekwa eshi.”

DANIEL 2:49

Ndele paindilo laDaniel, ohamba oya tula Sadrak, Mesak naAbednego moulenga, va ninge ovakulunhu veenghundafana vombinga imwe yoshilongo shaBabilon. Ndelenee Daniel okwa kala mouhamba.

DANIEL 2:5

Ohamba oya nyamukula Ovakaldea ndele tai ti: “Eendjovo dange edi dihe shii okulundululwa: ngeenge inamu tomonena nge ondjodi ei nefatululo layo, ohandi ke mu tetaula oinhimbu nomaumbo eni otaa ka ninga oyuumbo.

DANIEL 3:12

Ndele oku na ovalumenhu Ovajuda ava wa lenga va kale ovakulunhu voshilongo shaBabilon, Sadrak, Mesak naAbednego. Ovalumenhu ava kave na ko na sha noshipango shoye, ohamba. Oikalunga yoye itave i fimaneke noshitelekwafano oshingoldo, we shi dika, itave shi ilikana nokulinyongamena.”

DANIEL 3:15

Paife eshi, ngeenge tamu udu ondaka yomanghuma noyeenyalilo noyouyaayaa noyoushandja noyouxumbafeta noyoumbulumbubwa nondaka youxumba ve lili nove lili, kaleni mwe lilongekidila okulinyongamena poshi nokwiilikana oshitelekwafano eshi nde shi ninga, opo nawa. Ndelenee ngeenge itamu ilikana, opo tuu opo tamu ekelwa mediko lomundilo. Ndele Kalunga ou te mu xupifa momake ange, olyelye?”

DANIEL 3:17

Ngaashi Kalunga ketu ou hatu mu longele, ta dulu oku tu xupifa. Oye te ke tu xupifa mo mediko lomundilo nomomake oye, ohamba,

DANIEL 3:28

Opo nee Nebukadnesar a popya, ta ti: “Kalunga kaSadrak, kaMesak nokaAbednego na hambelelwe, ou a tuma omweengeli waye ndele a xupifa ovapiya vaye, ve mu lineekela, vo va tauluka oshipango shohamba, ndelenee vo ove liyandja omalutu avo vaha fimaneke ile vaha ilikane kalunga kamwe, ndelenee Kalunga kavo aeke.

DANIEL 6:28

Ndele Daniel ou a kala e nefimano mounyuni waDarius nomounyuni waKores Omupersia.

DEUTERONOMION 32:31

Osheshi emanya lavo kali li ngaashi emanya letu, heeno, ovatondadi vetu vene, vo ovatokoli.