DANIEL 3:27 - Ombibeli Iyapuki

²⁷ Opo nee omalenga novakulunhu vovakwaita novapangeli voilongo novapukululi vohamba ova ongala, ndele va mona omundilo eshi wa nyengwa okuxwika omalutu ovalumenhu ava, noinau vava eexwiki dokomitwe davo, ndele inau lungwinifa omalwakani avo; navo vene inava nyika nande omuvavu.

DANIEL 3:27 ပူးပေါင်းရင်းမြစ်များ

1 EEHAMBA 13:28

Opo nee ye a ya nokwa mona oshimhu sha nangala mondjila, fimbo ondongi nonghoshi ya li ofika poshimhu. Onghoshi inai lya oshimhu noinai nyanyaula ondongi.

2 EEHAMBA 19:19

Tu xupifa, Omwene Kalunga ketu, momake ayo, opo oilongo aishe yokombada yedu i shiive nokutya, Oove Omwene auke Kalunga kashili.”

OMAPSALOME 83:18

Vo va kale, ve shi koneka, nokutya Oove ou to ifanwa Omwene, Ove auke u li po Okombadambada medu alishe.

JESAJA 26:11

Omwene, eke loye ola yeluka, vo kave li wete. Ndelenee ouladi woye molwoshiwana nave ke u mone nokufifwa ohoni, nomundilo wa xwamena ovatondi voye nau ke va lafe po yo.

JESAJA 43:2

Ngeenge to pitile momeva, Ame ondi li pwoove; ngeenge pe nomilonga domeva itadi ku yelula; ngeenge to pitile momundilo, itau ku lungwinifa, nelaka lomundilo itali ku xwike.

DANIEL 3:21

Opo nee ovalumenhu ava va mangwa, ova li va djala oikutu ile neembaikifa nomambale noikutu yavo imwe, ndele tava ekelwa mediko lomundilo.

DANIEL 6:23

Opo ohamba oya hafa unene, ndele tai yandje elombwelo, Daniel a shilwe mo mekololo. Osho ngaha Daniel okwa shilwa mo mekololo ndele kuye inaku monika nande oshipute. Osheshi a li e lineekela Kalunga kaye.

DANIEL 6:7

Omalenga aeshe makulu omoshilongo, noongoloneya nookansela novapanguli neekomanda novanambelewa aveshe noovene vomikunda, otwa udafana kutya ohamba oi nokuyandja oshipango nokupameka ondaka yekelelo nokutya, pomafiku omilongo nhatu, ngeenge pe nomunhu ta indile sha kukalunga kamwe ile komunhu mukwao, shapu kwoove akuke ohamba, ye na ekelwe mekololo leenghoshi.”

MATEUS 10:30

Ndele osho eexwiki deni adishe dokomutwe oda valwa yo.

OILONGA YOVAYAPOSTOLI 26:26

Ndele ohamba oi shii ei aishe, onghee hano handi mu lombwele yo nokuliameka kuye nouladi, osheshi ondi shi shii nawa, kaku na nande oshinima shomwaai aishe, osho inashi shiivika kuye, ei ngaashi inai ningilwa mekololo lapenipeni.

OILONGA YOVAYAPOSTOLI 27:34

Onghee hano ohandi mu kumaida mu lye oikulya, osheshi otai mu kwafa mu xupe, osheshi nande oluxwiki limwe lokomitwe deni itali ka kana.”

OVAHEBERI 11:34

va dima po eenghono domundilo, va ya onhapo eememo domaongamukonda, va ninga ovanaenghono moungone wavo, novaladi molwoodi, va taataa po eengudu dovakwaita dovanailongo.