DANIEL 3:19 - Ombibeli Iyapuki

¹⁹ Opo nee Nebukadnesar okwa handuka unene noshipala shaye sha didivalela Sadrak, Mesak naAbednego. Oye a yandja elombwelo ndele ta ti, ediko nali hanyekwe li kale la hanya oupyu u dule luheyali oupyu wonale.

DANIEL 3:19 ပူးပေါင်းရင်းမြစ်များ

GENESIS 31:2

Jakob okwa koneka yo kutya oshipala shaLaban kashi li vali ngaashi ongheleinya.

ESTER 3:5

Haman eshi a mona, nokutya Mordekai ite linyongamene ndele ita wile eombe koshipala shaye, Haman okwa yada ehandu.

ESTER 7:7

Nohamba mehandu layo ya fikama poikunwa yomaviinyu ndele tai i koshikunino shongulu yayo, fimbo Haman a fyaala po e liindilile omwenyo waye komumbada Ester. Osheshi a mona, nokutya ohamba ye mu tokolela omupya.

OMAPSALOME 76:10

Osheshi onyanya yovanhu otai ku shitukifile efimaneko, poxuuninwa eshi to lidike omitemo dehandu.

OMAYELETUMBULO 16:14

Oupyuhandu wohamba u li ngaashi ovatumwa vefyo, ndelenee omulumenhu omuyuki ote u lotifa.

OMAYELETUMBULO 21:24

Omulinenepeki nomulunduki ota ifanwa omusheki, shaashi ha kala e nokudina kaku shii kuyelekwa.

JESAJA 51:23

Ndelenee Ame onda hala ndi li yandje momake ovahepeki voye, ovo ve ku lombwela: nangala eombe, tu ende ko, ove nowa ninga ombuda yoye ngaashi edu nongaashi ondjila yokweendwa kovanhu.”

DANIEL 2:12

Omolwaashi ohamba oya handuka nokuhandukilila, ndele oya yandja elombwelo nokutya, ovanongo aveshe vomuBabilon nava dipawe.

DANIEL 3:13

Opo Nebukadnesar okwa handuka nomehandu la xwama okwa yandja ondaka, ve uye, ava Sadrak, Mesak naAbednego. Opo nee ovalumenhu ova etwa koshipala shohamba.

DANIEL 3:20

Ndele ye okwa lombwela ovalumenhu vamwe ovanaenghono vomovakwaita vaye, va ka mange Sadrak, Mesak naAbednego, va ekelwe mediko lomundilo.

DANIEL 5:6

Ndele oshipala shohamba osha shituka, nomadiladilo aye okwe mu halula, ndele eenho daye oda tyololoka neengolo daye oda kakama.

DANIEL 6:24

Ndele ohamba oya lombwela, ndele vo ova eta ovalumenhu ava va popya ko Daniel ndele va ekelwa mekololo leenghoshi, ovo vene novalikadi vavo. Ndele fimbo inava fika poshi mekololo, eenghoshi ode va yakela ndele tadi nyanyaula omakipa avo aeshe.

LEVITIKUS 26:18

“Ndele nye natango tuu ngeenge itamu pwilikine nge, opo Ame ohandi mu handukile luheyali molwomatimba eni.

LEVITIKUS 26:21

“Ndele nye ngeenge tamu lundukile nge ndele itamu pwilikine nge, Ame ohandi ka hapupalifa luheyali oiponga kombada yeni molwomatimba eni.

LEVITIKUS 26:24

naame yo ohandi ke mu anya yo noku mu denga luheyali omolwomatimba eni.

LEVITIKUS 26:28

Ame ohandi ke mu anya moupyuhandu ndele Ame ohandi ke mu handukila luheyali omolwomatimba eni.

OILONGA YOVAYAPOSTOLI 5:33

Ndele vo eshi ve di uda, oda lulumika eemwenyo davo, opo va hala oku va dipaa.

OILONGA YOVAYAPOSTOLI 7:54

Opo nee vo eshi ve di uda, oda lengula omitima davo, ve mu likweshela komayoo.