DANIEL 2:47 - Ombibeli Iyapuki

⁴⁷ Ohamba oya nyamukula Daniel ndele tai ti: “Oshili, Kalunga keni Oye Kalunga koikalunga, ndele Oye Omwene weehamba nOmuhololi woiholekwa, onghee ove ino nyengwa okuholola oshiholekwa eshi.”

DANIEL 2:47 ပူးပေါင်းရင်းမြစ်များ

GENESIS 41:39

Ndele Farao okwa tya kuJosef: “Kalunga eshi e ku hololela ashishe eshi, ope na tuu nande umwe e na eendunge nomayele ngaashi ove.

2 EEHAMBA 5:15

Opo nee ye naaveshe ava ve mu shikula, ova piluka va ya komulumenhu waKalunga, nokwa ya mo ndele ta kala ofika koshipala shaye ndele ta ti: “Tala, paife ndi shi shii nokutya, kombada yedu alishe kape na Kalunga kamwe, omuIsrael amuke. Tambula hano oshali komupiya woye.”

JOB 12:19

Ovapristeli te va twala koilongo, va tikishwa, naava ve neenghono te va shundula.

OMAPSALOME 136:2

Panduleni Kalunga kookalunga, osheshi alushe ouwanghenda waye tau kala po.

OMAPSALOME 136:3

Panduleni Omwene woovene, osheshi alushe ouwanghenda waye tau kala po.

OMAPSALOME 72:11

Heeno, oyo oi nokulinyongamenwa koshipala shaye, noiwana yovapaani i noku ke i longela.

OMAPSALOME 82:1

Kalunga oku li ofika moshiongalele shookalunga, e li mokati kookalunga ta tokola:

OMAPSALOME 96:4

Osheshi Omwene omunene, noku nokufimanekwa pombada, oha tilika komesho yookalunga aveshe;

HESEKIEL 26:7

Osheshi Omwene Kalunga ta ti ngaha: “Tala, Ame ohandi ka undilila Tirus, Nebukadnesar, ohamba yaBabilon, ohamba yeehamba, ta di koumbangalanhu pamwe neenghambe nomatemba oita novalondi veenghambe nomatanga ovakwaita novanhu vahapu.

DANIEL 11:36

Ndele ohamba otai ka longa eshi ya hala, ndele yo otai ke linenepeka, tai liningi inene kombada yoikalunga aishe, ndele tai ka tuka Kalunga kookalunga neendjovo doixuna. Ndele tai ka kala i nelao fiyo oupyuhandu wa wanifwa. Osheshi osho sha tokolwa, oshi nokuwanifwa.

DANIEL 2:19

Opo nee Daniel okwa hololelwa memoniko oufiku oshiholekwa eshi. Opo Daniel ta hambelele Kalunga komeulu.

DANIEL 2:22

Oye ta holola oinyengandunge noinima ya holekwa. Oye a shiiva eshi shi li momilaulu nouyelele u li puye.

DANIEL 2:28

Ndelenee ope na Kalunga komeulu, ou ha holola oiholekwa, ndele Oye a hololela ohamba Nebukadnesar eshi tashi ka ningwa pomafiku axuuninwa. Ondjodi yoye nomamoniko omomutwe woye momutala woye aa:

DANIEL 2:29

Ove, ohamba eshi wa li momutala woye owa diladila eshi tashi ka ningwa komesho; ndele oye tuu ou, e shii kuholola eshi sha holekwa, oye e ku hololela eshi tashi ka ningwa.

DANIEL 2:30

Ndele oshiholekwa eshi sha hololelwa nge hakeenghono dounongo ou wange, ndi u kwete ngeno, ndi dule ovanamwenyo aveshe, ndelenee osha hololwa opo efatululo li shiivifilwe ohamba, naave yo u koneke omadiladilo omomutima woye.

DANIEL 2:37

Oove ohamba, ohamba yeehamba, Kalunga komeulu okwe ku pa ouhamba neenghono nepangelo nefimano,

DANIEL 3:15

Paife eshi, ngeenge tamu udu ondaka yomanghuma noyeenyalilo noyouyaayaa noyoushandja noyouxumbafeta noyoumbulumbubwa nondaka youxumba ve lili nove lili, kaleni mwe lilongekidila okulinyongamena poshi nokwiilikana oshitelekwafano eshi nde shi ninga, opo nawa. Ndelenee ngeenge itamu ilikana, opo tuu opo tamu ekelwa mediko lomundilo. Ndele Kalunga ou te mu xupifa momake ange, olyelye?”

DANIEL 3:28

Opo nee Nebukadnesar a popya, ta ti: “Kalunga kaSadrak, kaMesak nokaAbednego na hambelelwe, ou a tuma omweengeli waye ndele a xupifa ovapiya vaye, ve mu lineekela, vo va tauluka oshipango shohamba, ndelenee vo ove liyandja omalutu avo vaha fimaneke ile vaha ilikane kalunga kamwe, ndelenee Kalunga kavo aeke.

DANIEL 3:29

Onghee hano keshe oshiwana noludi nelaka tali sheke Kalunga kaSadrak, kaMesak nokaAbednego, oye na timbaulwe oinhimbu, neumbo laye tali ka ninga oshuumbo. Osheshi kape na Kalunga kamwe e shii okuxupifa ngaashi ou.”

DANIEL 4:17

Oshinima eshi osha pangelwa momhangela yovaengeli nokondjovo yovayapuki, opo ovanamwenyo va shiive nokutya, ou wOkombadambada e kwete eenghonopangelo kombada yoilongo yovanhu, ndele te i yandje kwaau Ye a hala, nomufyoonelela Ye ote mu tula mepangelo.’

DANIEL 4:25

Ove to tewa mo mokati kovanhu, ndele to ka kala pamwe noifitukuti yomoixwa, oto ka pewa omwiidi ngaashi eengobe, oto ka kala wa tuta komume yokeulu; ndele osho ngaho ove to pitifa po omafimbo aheyali, fiyo to ka shiiva, ou wOkombadambada oha pangele oshilongo shovanhu ndele te shi pe ou Ye a hala.

DANIEL 4:32

Ndele to tewatewa mokati kovanhu, ndele to ka kala pamwe noifitukuti yomoixwa, to ka lya omwiidi ngaashi eengobe, ndele ove oto ka pitifa po omafimbo aheyali, fiyo oto ka shiiva nokutya, ou wOkombadambada oku neenghono okupangela oshilongo shovanhu noku shi pa ou Ye a hala.”

DANIEL 5:11

Moshilongo shoye omu nomulumenhu e nomhepo yookalunga vayapuki. Pomafiku axo ye okwa monika e nomayele neendunge nounongo, ngaashi ounongo wookalunga. Onghee hano xo, Nebukadnesar okwe mu ninga elenga lakula lovanongo vomishangwa, leendudu, lOvakaldea nolovakoneki veenyofi; ohamba xo, osho ya ninga,

AMOS 3:7

Osheshi Omwene Kalunga ita ningi sha fimbo ina hololela ovapiya vaye ovaxunganeki omhangela yaye.

1 OVAKORINTO 14:25

nosho oiholekwa yomutima waye tai hololwa, ndele ote lipwipwike oshipala shaye nomokwiilikana Kalunga ota hepaulula nokutya: “Kalunga oku li shili mokati keni.”

DEUTERONOMION 10:17

Osheshi Omwene Kalunga keni, Oye Kalunga koikalunga nOmwene woovene. Kalunga omunene omunaenghono nomutilifi, ou iha tale oshipala shomunhu ndele ita tambula ombubo,

1 TIMOTEUS 6:15

ou ta ka hololwa pefimbo laye kOmupangeli omunelao, ou Omupangeli aeke, Ohamba yeehamba adishe nOmwene woovene,

JOSUA 22:22

“Kalunga koikalunga, Omwene, heeno, Kalunga koikalunga, Omwene, Ye e shi shii! NaIsrael yo na kale e shi shii! Fye ngeenge twa twa ondubo ile twe liteeka Omwene, Omwene ino tu kwafa nena eli,

EHOLOLO 1:5

nokuJesus Kristus, omuhepaululi omudiinini, Shiveli shomovafi nOmupangeli weehamba dedu. Ou okwa li e tu hole nokwe tu mangulula momatimba etu nohonde yaye,

EHOLOLO 17:14

Do otadi kala nokulwifa Odjona, ndele Odjona pamwe novashikuli vayo, ovaifanwa novahoololwa novadiinini, otai di findi, osheshi oyo Omwene wo vene nOhamba yeehamba.”

EHOLOLO 19:16

Ndele moshikutu shaye ponho yaye opa shangwa edina laye: “Ohamba yeehamba nOmwene wo vene.”