DANIEL 2:34 - Ombibeli Iyapuki

³⁴ Fimbo we shi tala, emanya inali kumwa komake omunhu ola natuka ko, ndele olo la denga oshihongwafano keemhadi dasho doshivela nodelova, ndele tali shi nyanyaula.

DANIEL 2:34 ပူးပေါင်းရင်းမြစ်များ

OMAPSALOME 118:22

Emanya olo ovatungi ve li ekelashi, olo la ninga omutwe wokolonela.

JESAJA 28:16

Onghee hano Omwene Kalunga ota ti ngaha: “Tala, Ame ohandi dikile muSion emanya lekanghameno, emanya la yelekwa, omutwe u nondilo womokolonela, wa dikwa wa pama; ou ta itavele, ita i onhapo.

JESAJA 60:12

Osheshi keshe oshiwana nouhamba itau ke ku longela, otau xulu po, noiwana ei otai dimwa po sheke.

JESAJA 8:9

Oiwana nye, handukeni nokundumbakana, ndele nye otamu ka hanaunwa po. Pwilikineni, onye eenhele adishe dokokule dedu! Lilongekideni, ndele otamu ka hanaunwa po, lilongekideni, ndele otamu ka hanaunwa po.

HESEKIEL 32:28

Naave yo oto ka teyaulilwa mokati kaava inava pita etanda, ndele ove u nokunangala povadipawa keongamukonda.

HESEKIEL 47:5

Ye okwa yeleka vali eyovi limwe, ekungulukomulonga, nda nyengwa okutauluka! Osheshi omeva a ninga male, omeva okukaama, ekungulukomulonga, itali taulukwa komunhu.

DANIEL 2:33

Omaulu asho oshivela, eemhadi kombinga oshivela kombinga elova.

DANIEL 7:27

Opo nee oshiwana shovayapuki vaau wOkombadambada tashi pewa ouhamba neenghonopangelo netumbalo loilongo aishe yokoshi yeulu alishe. Oshilongo shavo osho oshilongo shaalushe, ndele omapangelo aeshe otae va fimaneke, ndele taa dulika kuvo.’

DANIEL 8:25

Ndele omolweendunge daye ye ita ka nyengwa mokukengelela kwaye. Nomomutima waye ota dilonga oinima inene, ndele divadiva ta hanauna po vahapu, heeno, te linenepekele Omwene woovene, ndelenee ota ka teyaulwa, ndelenee hakeke lomunhu.

SAKARIA 12:3

Ndele mefiku tuu olo Jerusalem ohandi shi ningi emanya lidjuu lokuyeleka koiwana aishe. Keshe shimwe tashi li tumbu po, otashi toshoka. Noiwana aishe yokombada yedu otai ongala i shi lwife.

SAKARIA 4:6

Opo nee ye okwa nyamukula ndele ta ti kwaame: “Ondjovo yOmwene kuSerubbabel oyei, nokutya: Hakeenghono ile kefininiko, ndelenee okOmhepo yange, Omwene womatanga ovakwaita ota ti.

MATEUS 16:18

Naame yo ohandi ku lombwele: oove Petrus, nokemanya tuu eli handi tungile ko eongalo lange, ndele itali ka dulika koivelo yoshovafi.

JOHANNES 1:13

Ovo inava dalwa mohonde, ile mehalo lombelela, ile mehalo lomulumenhu, ndelenee omuKalunga.

OILONGA YOVAYAPOSTOLI 4:11

‘Oye emanya olo, nye ovatungi mwe li ekelashi, ndelenee olo la ninga omutwe wokolonela.’

2 OVAKORINTO 5:1

Osheshi otu shi shii, olutu letu, etwali eli lopedu, ngeenge tali hanaunwa po, fye otu netungaumbo kuKalunga, eumbo laalushe meulu, inali tungwa nomake.

OVAHEBERI 9:24

Osheshi Kristus ina ya mouyapuki wa tungwa nomake, oo efano longaho laawinya washili, ndelenee okwa ya meulu loovene, opo a ka holoke koshipala shaKalunga paife molwetu,

1 PETRUS 2:7

Hano kunye, ava mwa itavela, Oye e nondilo, ndelenee kwaavo va anya okwiitavela, “emanya olo la ekelwashi kovatungi, olo la ninga omutwe wokolonela,”

EHOLOLO 11:15

Nomweengeli omutiheyali okwa shika enghuma, ndele meulu omwa udika eendaka dinene, da tya: “Ouhamba wounyuni ou wa ninga wOmwene wetu naKristus waye, ndele ta ka pangela alushe fiyo alushe.”

EHOLOLO 17:14

Do otadi kala nokulwifa Odjona, ndele Odjona pamwe novashikuli vayo, ovaifanwa novahoololwa novadiinini, otai di findi, osheshi oyo Omwene wo vene nOhamba yeehamba.”