DANIEL 2:29 - Ombibeli Iyapuki

²⁹ Ove, ohamba eshi wa li momutala woye owa diladila eshi tashi ka ningwa komesho; ndele oye tuu ou, e shii kuholola eshi sha holekwa, oye e ku hololela eshi tashi ka ningwa.

DANIEL 2:29 ပူးပေါင်းရင်းမြစ်များ

GENESIS 41:25

Opo nee Josef okwa tya kuFarao: “Eendjodi daFarao ode lifa. Kalunga okwa shiivifila Farao, eshi Ye a hala okuninga.

HESEKIEL 38:10

Omwene Kalunga ota ti ngaha: “Mefiku tuu olo omadiladilo taa ka penduka momutima woye, ndele to ka uka euko lii,

DANIEL 2:22

Oye ta holola oinyengandunge noinima ya holekwa. Oye a shiiva eshi shi li momilaulu nouyelele u li puye.

DANIEL 2:23

Oove Kalunga kootatekulu, ame ohandi ku hambelele nohandi ku fimaneke, osheshi Ove wa pa nge omayele neenghono ndele paife wa shiivifila nge eshi twe shi ku indila, osheshi oshinima shohamba owe shi tu hololela.”

DANIEL 2:28

Ndelenee ope na Kalunga komeulu, ou ha holola oiholekwa, ndele Oye a hololela ohamba Nebukadnesar eshi tashi ka ningwa pomafiku axuuninwa. Ondjodi yoye nomamoniko omomutwe woye momutala woye aa:

DANIEL 2:45

ngaashi wa mona emanya la natuka ko komhunda, inali kumwa nande komake omunhu, ndele la nyanyaula oshivela noshikushu nedu lelova noshisiliveli noshingoldo. Kalunga munene Oye okwa hololela ohamba, eshi tashi ka ningwa komesho. Ndele ondjodi ei oyoshili nefatululo layo oli shii kulineekelwa.”

DANIEL 2:47

Ohamba oya nyamukula Daniel ndele tai ti: “Oshili, Kalunga keni Oye Kalunga koikalunga, ndele Oye Omwene weehamba nOmuhololi woiholekwa, onghee ove ino nyengwa okuholola oshiholekwa eshi.”

AMOS 4:13

Osheshi tala, Ye, ou ta me eemhunda, ndele ta shiti omhepo, ndele ta hololele omunhu omadiladilo aye, ou ta lundulula eluwa li ninge omulaulu, ou ta ende kombada yeemhunda dedu, edina laye Omwene, Kalunga komatanga ovakwaita!