DANIEL 2:23 - Ombibeli Iyapuki

²³ Oove Kalunga kootatekulu, ame ohandi ku hambelele nohandi ku fimaneke, osheshi Ove wa pa nge omayele neenghono ndele paife wa shiivifila nge eshi twe shi ku indila, osheshi oshinima shohamba owe shi tu hololela.”

DANIEL 2:23 ပူးပေါင်းရင်းမြစ်များ

GENESIS 18:17

Opo nee Omwene ta ti: “Ohandi dulu tuu okuholeka Abraham eshi handi ka ninga?

GENESIS 31:42

Ngeno Kalunga katate, Kalunga kaAbraham netilo laIsak ina kala kombinga yange, heeno, ngeno owa lekela nge hamakasha. Kalunga okwa mona oluhepo lange noshilonga shange shidjuu shomake ange, Ye okwa tokola oshinima oufiku wonena.”

1 EEHAMBA 18:36

Ndele otundi eshi ya fika, eendjayambo da li di nokuyambwa, omuxunganeki Elia okwa ehena ko ndele ta ti: “Omwene, Kalunga kaAbraham, Isak naJakob, nena eli liholola kutya oove Kalunga wa kala muIsrael, naame omupiya woye ndele oinima aishe ei nde i ninga pandjovo yoye.

1 EEHAMBA 8:57

Omwene, Kalunga ketu na kale pamwe nafye ngaashi a kala pamwe nootate. Ye ehe tu efe nande ile e tu ekeleshi, ahowe,

1 OMAFIMBO 29:10

Ndele David okwa hambelela Omwene moipafi yoshiongalele ashishe, ndele David ta ti: “Oove Omwene Kalunga katate Israel, u hambelelwe alushe fiyo alushe!

1 OMAFIMBO 29:13

Ndele paife, Kalunga ketu, hatu ku hambelele ndele hatu fimaneke edina loye noshinge shalo.

2 OMAFIMBO 20:6

ndele ta ti: “Omwene Kalunga kootate, Oove Kalunga komeulu, ndele Oove omupangeli woilongo aishe yoiwana. Heeno, meke loye omu neenghono nouladi, onghee hano kape na ou ta dulu oku ku kondjifa.

OMAPSALOME 21:2

Omahalelo omutima woye Ove we i pa, naashi omilungu dayo da indila, ino shi i shilika. Sela

OMAPSALOME 21:4

Oyo ye ku indila okukalamwenyo; Ove nowe i pa omido dihapu, itadi xulu po fiyo alushe.

OMAPSALOME 25:14

Eendafano lOmwene oli li naava have mu tila; ndele te va shiivifa ehangano laye.

OMAPSALOME 50:14

Hano etela Kalunga olupandu, olo tuu eyambo loye, ou wOkombadambada u mu wanifile omaudaneko oye;

EXODUS 3:15

Opo nee Kalunga okwa lombwela vali Moses ta ti: “Odo u noku di shiivifila Ovaisraeli: ‘Omwene Kalunga kooxo, Kalunga kaAbraham naKalunga kaIsak naKalunga kaJakob okwa tuma nge kunye.’ Olo edina lange fiyo alushe nalo Ame handi ifanwa kepupi fiyo okepupi.

OMAYELETUMBULO 21:22

Omunongo ota totele oshilando shovanaenghono ndele ta hanauna po ohote ya li eameno lasho.

OMAYELETUMBULO 24:5

Omulumenhu omunongo e neenghono, nomulumenhu e neshiivo ota hapupalifa eenghono.

OMAYELETUMBULO 8:14

Ame ndi nepukululo nomayele. Aame eendunge. Eenghono odange!

OMUUDIFI 7:19

Ounongo tau kwafa omunongo nekwafo linene li dule ovapangeli omulongo vomoshilando.

OMUUDIFI 9:16

Opo nee ame nda tya: Ounongo u dule eenghono dovakwanyati. Ndelenee ounongo wohepele tau dinwa, ndele kaku na umwe a pwilikina eendjovo dayo.

OMUUDIFI 9:18

Ounongo u dule oilwifo yomoita, ndelenee omulunde ta nyono po oinima ihapu iwa.

JESAJA 12:1

Ndele mefiku tuu olo ove oto ka tya: “Ohandi ku pandula Omwene, shaashi owa li wa handukila nge, ndelenee ehandu loye ola lota, Ove nowa hekeleka nge.

JEREMIA 33:3

Ifane nge, handi ku nyamukula nohandi ku hololele oinima inene, tai nyenge eendunge, uhe i shii.

DANIEL 1:17

Ndele ovanyasha ovamati ava vane, Kalunga okwe va pa omayele okukoneka omishangwa adishe nounongo keshe. Daniel okwa li e neendunge dokushiiva omamoniko neendjodi.

DANIEL 2:18

opo va ilikane Kalunga komeulu e va file onghenda omolwoshinima eshi oshiholekwa, vo, Daniel navakwao vaha dipawe pamwe novanongo vomuBabilon.

AMOS 3:7

Osheshi Omwene Kalunga ita ningi sha fimbo ina hololela ovapiya vaye ovaxunganeki omhangela yaye.

MATEUS 11:25

Opomafiku enya Jesus okwa popya ndele ta ti: “Ohandi ku hambelele, Tate, Omwene weulu nowedu, osheshi oinima ei Ove we i holeka ovanongo novanaendunge, ndele we i hololela eehanana.

LUKAS 10:21

Mokafimbo tuu oko Jesus okwa hafela pombada mOmhepo Iyapuki ta ti: “Ohandi ku hambelele Tate, Omwene weulu nowedu, osheshi oinima ei owe i holeka ovanaendunge novanongo ndele owe i hololela ava va fa ouhanana. Heeno, Tate, osheshi osho she ku wapalela.

JOHANNES 11:41

Opo vo ova kufa ko emanya. Ndele Jesus okwa lyaamena pombada ndele ta ti: “Tate, ohandi ku pandula, shaashi wa uda nge.

JOHANNES 15:15

Itandi mu ifana ovapiya, osheshi omupiya ke shii eshi omwene waye ta ningi; ndelenee onde mu ifana ookaume, osheshi ashishe eshi nde shi uda muTate, onde shi mu shiivifila.

EHOLOLO 1:1

Ehololo laJesus Kristus, eli Kalunga e li mu pa okuulikila ovapiya vaye ei i nokuningwa diva. Jesus okwe i shiivifila Johannes, omupiya waye nokutuma omweengeli waye kuye.

EHOLOLO 5:5

Ndelenee umwe womovakulunhu okwa lombwela nge: “Ino lila, tala, onghoshi yomepata laJuda, oshitutumine shaDavid, Oye a findana, onghee a wana okutonyununa omushangwatonywa ou nokumatula oipatifo yao iheyali.”