DANIEL 2:20 - Ombibeli Iyapuki

²⁰ Opo nee Daniel a popya ndele ta ti: “Edina laKalunga nali hambelelwe alushe fiyo alushe, osheshi ounongo neenghono odaye.

DANIEL 2:20 ပူးပေါင်းရင်းမြစ်များ

GENESIS 14:20

ndele Kalunga wOkombadambada na hambelelwe, ou a yandja ovatondadi voye momake oye.” Ndele Abram okwe mu pa oshitimulongo shomwaaishe.

1 EEHAMBA 8:56

“Omwene na pandulwe, eshi a yandja etulumuko kovanhu vaye Ovaisraeli, ngaashi a tile. Omaudaneko aeshe, e a pa omupiya waye Moses, a wanifwa, inapa kala nande limwe inali wanifwa.

1 OMAFIMBO 29:20

Opo nee David a lombwela oshiongalele ashishe: “Paife hambeleleni Omwene, Kalunga keni.” Opo nee oshiongalele ashishe sha hambelela Omwene, Kalunga kooxe. Ndele ve linyongamena ndele tava wile eombe koshipala shOmwene nokoshipala shohamba.

2 OMAFIMBO 20:21

Ndele ye okwa kundafana novanhu nokwa tula ovaimbi okuhambelela Omwene, va djala omidjalo diyapuki ndele tava piti komesho yovakwaita tava imbi tava ti: “Hambeleleni Omwene, osheshi onghenda yaye tai kalelele fiyo alushe!”

NEHEMIA 9:5

NOvalevi Josua naKadmiel, Bani, Hasabneja, Serebja, Hodia, Sebanja, Petahja tava ti: “Kaleni ofika! Hambeleleni Omwene Kalunga keni alushe fiyo omoukwaalushe! Edina loye la fimana nali hambelelwe, lo ola yeluka kombada omapandulo nomahambelelo aeshe!”

JOB 12:13

PuKalunga ope nounongo neenghonopangelo. Ye e nepukululo neendunge.

OMAPSALOME 113:1

Halleluya! Ovapiya vOmwene nye, tangeni, tangeni edina lOmwene!

OMAPSALOME 113:2

Edina lOmwene nali fimanekwe onena fiyo omoukwaalushe.

OMAPSALOME 115:18

ndelenee fye, fye twa hala okutanga Omwene okudja apa fiyo alushe. Halleluya!

OMAPSALOME 147:5

Omwene wetu, Oye omunene nomunaenghono unene. Omayele aye kae na oshiyelekifo.

OMAPSALOME 41:13

Omwene, Kalunga kaIsrael, na hambelelwe alushe fiyo alushe! Amen, heeno, Amen.

OMAPSALOME 50:23

Ou ta yambe olupandu, oye tuu omufimaneki wange, naau ehe na oshipo mokweenda kwaye, oye tuu ou handi monifile exupifo laKalunga.”

OMAPSALOME 62:11

Kalunga okwa popya lumwe nde shi uda luvali; nokutya, eenghono odaKalunga.

OMAYELETUMBULO 8:14

Ame ndi nepukululo nomayele. Aame eendunge. Eenghono odange!

JEREMIA 32:19

omunene momayele, nomunaenghono moilonga; omesho oye a tala eendjila adishe dovana vovanhu, u va pe keshe umwe shi fike peendjila daye nopoiimati yoilonga yaye.

HESEKIEL 28:3

Tala, ove u dule Daniel mounongo, ashishe eshi sha holekwa, inashi ku holekwa!

MATEUS 6:13

ndele ino tu twala momayeleko, ndelenee tu xupifa mowii.’

JUDAS 1:24

Ndelenee Oye ou ta dulu oku mu amena, muha punduke note mu kaleke mehafo koshipala shoshinge shaye, muhe noshipo,

EHOLOLO 5:12

vo va ingida mokule tava ti: “Odjona ei ya dipawa, oyo ya wana okutambula epangelo noupuna nounongo neenghono nefimaneko nefimano nehambelelo.”