DANIEL 2:2 - Ombibeli Iyapuki

² Opo nee ohamba ya lombwela ovanongo, eendudu, eemhule nOvakaldea va ifanwe va fatulule ondjodi yohamba ei ya twa, opo vo ve uya tava kala ofika koshipala shohamba.

DANIEL 2:2 ပူးပေါင်းရင်းမြစ်များ

GENESIS 41:8

Ongula omwenyo waye owa li uhe na ombili ndele okwa tuma ko nokwa ifana ovamonikokule aveshe novanongo vomishangwa, vaye aveshe vomuEgipiti. Ndele Farao okwe va hepaululila ondjodi yaye, ndele kapa li nande umwe a shiiva oku i fatululila Farao.

ESTER 1:13

Nohamba ya popya novalumenhu ovanongo, ovashiivi vomafimbo, osheshi onghedi yohamba ya li okukonga omayele kovanongo aveshe vomhango novouyuki.

EXODUS 7:11

Opo nee Farao okwa ifana ovanongo neemhule. Ndele vo, eemhule dOvaegipiti ode shi ninga yo noupule wavo:

JESAJA 19:3

Omhepo yOvaegipiti otai ka laipala monhulo yavo, neemhangela davo ohandi ke di halakanifa; opo nee vo otava ka ama koikalunga nokeemhule deemhepo nokeemhepo doonakufya nokeemhepo dokumonakokule.

JESAJA 8:19

Nongeenge tamu lombwelwa kutya, puleni eemhepo doonakufya neemhule hadi sheketa nohadi ngungutula mokanya, oshiwana itashi pula ngeno Kalunga kasho? Ovanamwenyo otava pulilwa sha mbela koonakufya?

DANIEL 1:20

Ndele ohamba oye va pula moinima aishe yeendunge noyounongo nokwa koneka, ovo ovanaendunge, ve dule lwomulongo ovanongo neemhule adishe da li mouhamba waye aushe.

DANIEL 1:4

ovanyasha ovamati ava vehe noshipo shasha komalutu, ndelenee vawa okutala novanaendunge mounongo aushe, ndele ve neshiivo nomayele nomitwe dipu okutambula omalongo naava va wana okulonga mouhamba wohamba, ndele ye okwa li e noku va longa okushanga nokupopya elaka lOvakaldea.

DANIEL 2:10

Ovakaldea ova nyamukula koshipala shohamba tava ti: “Kombada yedu kaku nomunhu ta dulu okushiiva oshinima eshi sha tongwa kohamba. Onghee hano kaku na nokuli ohamba inene i neenghono tai pula omukoneki nondudu ile Omukaldea oshinima shi li ngaha.

DANIEL 2:27

Daniel okwa nyamukula koshipala shohamba, ta ti: “Oshiholekwa eshi tashi pulwa kohamba sha nyenga ovanongo, eendudu, ovatei voipo novakoneki veenyofi oku shi fatululila ohamba.

DANIEL 3:8

Opo tuu opo pe uya ovalumenhu vamwe Ovakaldea okupopya ko Ovajuda.

DANIEL 4:3

Omadidiliko aye aa manene ngahelipi noikumwifa yaye i neenghono di fike peni? Ouhamba waye waalushe, nepangelo laye otali kala fiyo okoludalo noludalo.

DANIEL 4:6

Opo nee ame onda lombwela ovanongo aveshe vomuBabilon va shivwe ve uye koshipala shange, opo va tomonene nge ondjodi ei.

DANIEL 5:7

Ndele ohamba oya ingida mokule, eendudu nOvakaldea veenyofi va etwe mo. Opo nee ohamba oya lombwela ovanongo vomuBabilon ndele tai ti: “Keshe ou ta dulu okulesha eshangelo eli ndele te li tomonene nge, oye ta ka dikwa oshikutu shiwa shitilyana nelyenge loshingoldo mofingo yaye, ndele ta lengwa elenga etitatu moshilongo.”

1 SAMUEL 6:2

Ovafilisti va ifana ovapristeli novamonikokule ndele tava ti: “Fye otu nokuninga ngahelipi noshikefa shOmwene? Tu shiivifileni nhumbi hatu dulu oku shi shunifa konhele yasho.”