DANIEL 2:12 - Ombibeli Iyapuki

¹² Omolwaashi ohamba oya handuka nokuhandukilila, ndele oya yandja elombwelo nokutya, ovanongo aveshe vomuBabilon nava dipawe.

DANIEL 2:12 ပူးပေါင်းရင်းမြစ်များ

JOB 5:2

Osheshi elai tali dipawa kehandu, ndele ou ehe neendunge ta dipawa kouladi.

OMAPSALOME 76:10

Osheshi onyanya yovanhu otai ku shitukifile efimaneko, poxuuninwa eshi to lidike omitemo dehandu.

OMAYELETUMBULO 16:14

Oupyuhandu wohamba u li ngaashi ovatumwa vefyo, ndelenee omulumenhu omuyuki ote u lotifa.

OMAYELETUMBULO 19:12

Oupyuhandu wohamba u li ngaashi okukumba kwonghoshi yonyasha, ndelenee ohokwe yayo ngaashi omume kombada yoimeno.

OMAYELETUMBULO 20:2

Etilifo lohamba, olo la fa okukumba kwonghoshi yonyasha, ou te i handukifa, ota nyono po omwenyo waye.

OMAYELETUMBULO 29:22

Omuhandunhu ota pendula eemhata, naau e nonya e nomatauluko mahapu.

DANIEL 2:24

Opo nee Daniel a ya kuAriok, ou a tulwa po kohamba a ka dipae ovanongo vomuBabilon. Oye okwa ya ko kuye ndele te mu lombwele ngaha: “Ino dipaa ovanongo vomuBabilon; twale nge koshipala shohamba, opo ndi ke i tomonene ondjodi yayo.”

DANIEL 2:5

Ohamba oya nyamukula Ovakaldea ndele tai ti: “Eendjovo dange edi dihe shii okulundululwa: ngeenge inamu tomonena nge ondjodi ei nefatululo layo, ohandi ke mu tetaula oinhimbu nomaumbo eni otaa ka ninga oyuumbo.

DANIEL 3:13

Opo Nebukadnesar okwa handuka nomehandu la xwama okwa yandja ondaka, ve uye, ava Sadrak, Mesak naAbednego. Opo nee ovalumenhu ova etwa koshipala shohamba.

DANIEL 3:19

Opo nee Nebukadnesar okwa handuka unene noshipala shaye sha didivalela Sadrak, Mesak naAbednego. Oye a yandja elombwelo ndele ta ti, ediko nali hanyekwe li kale la hanya oupyu u dule luheyali oupyu wonale.

DANIEL 5:19

Ndele molweenghono odo, Ye e di mu pele, oiwana aishe nomapata aeshe nomalaka aeshe okwa kakama nokwa tila koshipala shaye. Ndele ye okwa dipaa ou a hala, nokwa xupifa ou a hala, ndele okwa lenga ou a hala nokwa xutula ou a hala.

MATEUS 2:16

Opo nee Herodes eshi a mona ovanongo ve mu henuka, okwa handuka a handukilila, ta tumu kuBetlehem nokomikunda dasho adishe, ndele ta dipaifa ounona aveshe ava ve nomido mbali naava vehe di kwete, ngaashi a yeleka omafiku enya e a pula kovanongo.

MATEUS 5:22

Ndelenee Ame ohandi mu lombwele: keshe ou ta handukile omumwaina, oye okwe lilongela ehandu letokolo, okeshe tuu ou ta handukile omumwaina ndele ta ti: ‘Oshinhu ove,’ ye okwe lilongela ehandu loshiongalele shovakulunhu; naau ta ti: ‘Elai ove,’ oye okwe lilongela omundilo woheli.