DANIEL 12:7 - Ombibeli Iyapuki

⁷ Opo nda uda omulumenhu ou, a djala oshikutu sholiina ndele ta kala ofika kombada yomeva omulonga, ndele a yelula eke laye lokolulyo neke laye lokolumosho keulu ndele ta anene ou e nomwenyo fiyo alushe, nokutya: “Ope nefimbo limwe nomafimbo avali nefimbo letatakati. Nehanauno loshitukulwa shimwe shoshiwana shiyapuki ngeenge la xula po, opo oinima ei aishe otai ka wanifwa.”

DANIEL 12:7 ပူးပေါင်းရင်းမြစ်များ

JOB 27:2

“Oshili, ngaashi Kalunga e nomwenyo, ou a kufa nge eyukifo, nOmunaenghono adishe ou a nyikifa omwenyo wange oluhodi;

JESAJA 62:12

Ndele otava ka lukwa Oshiwana shiyapuki, Ovakulilwa vOmwene; naave Jerusalem, oto ka lukwa Omuhoololwa, oshilando sha kala itashi efiwa.

JEREMIA 4:2

Opo nee ove to ka ana moshili nomouyuki nomouyapuki, to ti: “Oshili, ngaashi Omwene e nomwenyo!” Noiwana aishe otai linangeke noupuna muye, ndele tai lifimanekele muye.

HESEKIEL 20:5

u tye kuvo: Omwene Kalunga osho ta ti: Mefiku linya Ame nda hoolola Israel, onda yelulilile oludalo leumbo laJakob eke lange, ndele Ame nde liholola kuvo medu laEgipiti. Heeno, nde va yelulilile eke lange, ndele handi ti: Aame Omwene Kalunga keni.

DANIEL 10:5

ame onda yelula omesho ange, ndele onda mona ko omulumenhu umwe a djala oikutu yoliina nomwiya woshingoldo shaUfas moshiya shaye.

DANIEL 11:13

Opo ohamba yokoumbangalanhu tai ka shivulula engafifi linene li dule linya lotete, ndele efimbo, nokutya omido dimwe ngeenge da pita, yo otai ke uya shili netanga linene ndele tai kala i nelao.

DANIEL 12:6

Ndele umwe okwa lombwela omulumenhu ou, a djala oshikutu sholiina ndele ta kala ofika kombada yomeva omulonga, ndele ta ti: “Efimbo li fike peni fiyo okexulilo loikumwifa ei?”

DANIEL 12:8

Ndele ame onde shi uda, ndelenee nghi shi udite ko, onghee nda tya: “Omwene wange! Exulilo loinima ei otali kala la tya ngahelipi?”

DANIEL 4:31

Ohamba manga inai mana okupopya eendjovo odo, ondaka oya dja meulu tai ti: “Ove, ohamba Nebukadnesar, oto lombwelwa: oshilongo we shi kufwa.

DANIEL 4:34

“Ndele efimbo eli eshi la xula po, ame Nebukadnesar, onda yelula omesho ange keulu, ndele eendunge dange oda alukila nge, ndele nda pandula ou wOkombadambada, ndele nda hambelela nokufimaneka ou ta kala fiyo alushe, ou e nepangelo tali kala fiyo alushe, noshilongo shaye tashi kala fiyo okoludalo noludalo.

DANIEL 7:21

Ame onda mona, nokutya oluvinga eli ola lwifa ovayapuki ndele le va taataa,

DANIEL 7:25

Ndele yo otai sheke ou wOkombadambada ndele yo tai hanauna po ovayapuki vaau wOkombadambada. Ndele yo otai kendabala okulundulula omafimbo nomhango, ndele vo otava ka yandjwa momake ayo efimbo nomafimbo avali netatakati lefimbo.

DANIEL 8:14

Ndele ye okwa lombwela nge: “Eengula neenguloshi omayovi avali nomafele atatu, opo nee otembeli tai ka wapekwa.”

DANIEL 8:24

Ndelenee eenghono daye otadi ka ninga dinene, ndelenee hakeenghono daye mwene. Ndele ta ka hanauna po nai tashi kumwifa. Mwaashi te shi longo ta kala e nelao, ndele ta ka nyonauna po ovanaenghono, nosho yo oshiwana shovayapuki.

LUKAS 21:14

Omitima deni nadi kale hano dihe noshisho nhumbi mu nokulipopila.

LUKAS 21:24

ndele vo ove nokufya keememo deongamukonda, notava twalwa moupika koiwana aishe, ndele Jerusalem tashi ka lyataulwa kovapaani fiyo omafimbo ovapaani taa wana.

DEUTERONOMION 26:19

ndele Ye ote ke ku tula po kombada yoiwana aishe ei Ye e i shita, u mu pe ehambelelo nepandulo nefimano, ndele ove u ninge oshiwana shiyapuki kOmwene Kalunga koye, Ye ngaashi a udaneka.”

DEUTERONOMION 32:36

Osheshi Omwene ota ka yukifa oshiwana shaye, ndele ta ka kenukila ovapiya vaye, Ye eshi ta mono nokutya, eenghono davo da pwa, ndele inapa fyaala sha.

DEUTERONOMION 32:40

Osheshi Ame ohandi ka yelula eke lange keulu ndele handi ti, Oshili, ngaashi Ame handi kala ndi nomwenyo fiyo alushe,

DEUTERONOMION 7:6

Osheshi ove oshiwana sha yapulilwa Omwene Kalunga koye. Omwene Kalunga koye e ku hoolola mo moiwana aishe yokombada yedu, opo u kale oshiwana shaye mwene.

1 PETRUS 2:9

Ndelenee nye epata la hoololwa nongudu youpristeli pauhamba noshiwana shiyapuki novana vaye mwene, mu hepaulule oilonga ya fimana yaau e mu ifana mo momulaulu, mu ye mouyelele waye tau kumwifa.

EHOLOLO 12:14

Omukainhu okwa pewa omavava avali onhwa inya inene, a ka tukile kombuwa konhele yaye, oko ta ka palulwa efimbo limwe nomafimbo netatafimbo, a kale kokule noshipala sheyoka.

EHOLOLO 12:6

Nomwalikadi okwa ya onhapo mombuwa, oku Kalunga e mu longela onhele, opo a palulilwe ko omafiku eyovi nomafele avali nomilongo hamano.

EHOLOLO 13:5

Osho sha pewa okanya shi popye oinima inene nomasheko, osha pewa eenghono doku shi ninga eehani omilongo nhee nambali.

EHOLOLO 4:10

opo ovakulunhu ovo omilongo mbali navane otave linyongamene poshi koshipala shaau e li omutumba kolukalwapangelo, ndele tava fimaneke ou Omunamwenyo alushe fiyo alushe, ndele tava ekele poshi oikoroni yavo komesho yolukalwapangelo ndele tava ti:

EHOLOLO 4:9

Ndele fiku tuu oinamwenyo tai yandje efimano nefimaneko nepandulo kwaau e li omutumba kolukalwapangelo ndele ta kala e nomwenyo alushelushe,