DANIEL 12:6 - Ombibeli Iyapuki

⁶ Ndele umwe okwa lombwela omulumenhu ou, a djala oshikutu sholiina ndele ta kala ofika kombada yomeva omulonga, ndele ta ti: “Efimbo li fike peni fiyo okexulilo loikumwifa ei?”

DANIEL 12:6 ပူးပေါင်းရင်းမြစ်များ

OMAPSALOME 74:9

Oiulikilifo yetu iyapuki itatu i mono vali; kape na vali omuxunganeki, ndele mufye kamu na umwe ta shiiva nokutya, fiyo onaini.

HESEKIEL 9:2

Ndele tala, ovalumenhu vahamano ve uya nondjila okudja koshivelo shokombada, eshi sha ama koumbangalanhu, nakeshe umwe e noiti yokuhanauna meke laye. Mokati kavo mwa li omulumenhu umwe a djala oshikutu sholiina, e noishangifo moshiya shaye. Ndele vo ove uya ndele tava kala ofika popepi noaltari yoshikushu.

DANIEL 12:5

Ndele ame Daniel onda mona, ndele tala, vakwao vavali va kala ofika kwinya, umwe okomunghulo langhele oku, ndele mukwao okomunghulo womulonga langhele kwinya.

DANIEL 12:8

Ndele ame onde shi uda, ndelenee nghi shi udite ko, onghee nda tya: “Omwene wange! Exulilo loinima ei otali kala la tya ngahelipi?”

DANIEL 8:13

Opo nee nda uda omuyapuki umwe ta popi, nomuyapuki mukwao okwa lombwela winya ta popi, ndele ta ti: “Emoniko eli tali ka hanga efimbo li fike peni, nokutya emoniko eli tali tongo eyambo lefiku keshe nowii woukolokoshi, otembeli netanga eshi tai yandjelwa okulyataulwa?”

DANIEL 8:16

Ndele ame onda uda ondaka yomunhu ya dja pokati komulonga waUlai, oya ingida ndele tai ti: “Gabriel, emoniko eli li tomonena ou e li po.”

MATEUS 24:3

Ndele eshi e li omutumba kOmhunda yEemono, ovalongwa vaye ove uya kuye, eshi ve li po aveshe, tava ti: “Tu lombwela: onaini hano eshi tashi ka ningwa, nedidiliko lokuuya kwoye nolexulilo lefimbo lounyuni olilipi?”

MARKUS 13:4

“Tu lombwela, onaini tashi ka ningwa nedidiliko olashike tali holola okuwanifwa kwoinima aishe?”

OVAEFESO 3:10

opo omapangelo neenghonopangelo eenghwaulu di shiivifilwe keongalo ounongo uhapu waKalunga,

1 PETRUS 1:12

Nashaashi inave liyakula voovene, ndelenee ove tu yakula, ova hololelwa osho mwe shi shiivifilwa paife kwaava ve mu udifila evaengeli omOmhepo Iyapuki a tumwa a dja meulu, nomo tuu omo novaengeli hava djuulukwa okuvandamena mo.

EHOLOLO 15:6

novaengeli venya vaheyali, va li ve nomahepeko aa aheyali, ova dja motembeli va djala oikutu itoka ya vilima, nokeenhulo ova mangwa nomakwamo oshingoldo.

EHOLOLO 19:14

Nomatanga ovakwaita vomeulu e mu shikula, va londa eenghambe ditoka, va djala oikutu yoliina itoka ya yela.

EHOLOLO 6:10

Ndele vo ova ingida nondaka inene tava ti: “Omwene Oove omuyapuki nomunashili, fiyo onaini ito tokola, Ove u handukilile ohonde yetu ovakali kombada yedu?”