DANIEL 12:4 - Ombibeli Iyapuki

⁴ Ndele ove Daniel mwenenena eendjovo edi, ndele hakifa omushangwa noshihakifo fiyo okefimbo lexulilo. Vahapu tave ke u konakona, neendunge tadi ka hapupala.”

DANIEL 12:4 ပူးပေါင်းရင်းမြစ်များ

JESAJA 11:9

Ndele vo itava ka ninga owii ile okunyona sha komhunda yange aishe iyapuki; osheshi edu alishe otali ka kala li yadi eshiivo lokushiiva Omwene, ngaashi omeva a tuvikila efuta.

JESAJA 29:11

Hano osho ehololo alishe la ninga kunye ngaashi eendjovo domushangwa wa patwa noshipatifo; ngeenge tau pewa ou a shiiva okulesha, ndele tapa tiwa: U lesha, ndele ye ota nyamukula: Itandi shi dulu, osheshi owa patwa noipatifo,

JESAJA 30:26

Ndele ouyelele wohani otau ka kala ngaashi ouyelele wetango, nouyelele wetango otau hapupala luheyali, ngaashi ouyelele womafiku aheyali, mefiku tuu olo Omwene eshi ta mange omadidimika oshiwana shaye, ndele ta velula oipute yasho.

JESAJA 32:3

Opo nee omesho ovanamesho ihaa kala vali a twika, nomatwi aava ve na omatwi otaa udu ko;

JESAJA 8:16

Manga oundobwedi u u diinine, omhango i pamekela noshididilikifo momitima dovalongwa vange.

JEREMIA 5:1

Indeni momapandavanda aJerusalem, mu tale nye mu kundane nokupulapula momapandavanda avo, ngeenge tamu mono mo umwe, ngeenge mu na nando umwe ta wanifa ouyuki ndele ta kongo oshili, opo nee ohandi shi file onghenda.

DANIEL 10:1

Momudo omutitatu waKores, ohamba yaPersia, Daniel, ou a lukwa Beltesasar, okwa hololelwa ondjovo. Nondjovo ei oyo oshili ndele otai popi omahepeko manene. Ndele ye okwa uda ondjovo ndele a shiiva emoniko olo.

DANIEL 10:14

Ame onde uya ndi ku shiivifile oshiwana shoye eshi tashi ka ningwa momafiku axuuninwa, osheshi emoniko yo eli tali xunganeke efimbo li li komesho kokule.”

DANIEL 10:21

Ndele ohandi ke ku shiivifila eshi shi li mo, sha shangelwa membo loshili. Ndele kape na ou a ama kwaame moinima ei, Mikael aeke, omweengeli omukulunhu weni.”

DANIEL 11:33

Ndele ovanaendunge mokati kovanhu otava ka pukulula vahapu, ndele vo otava hepekwa keongamukonda nokomundilo nokwiidililwa modolongo nokunyekwa omafiku mahapu.

DANIEL 11:40

“Ndelenee mefimbo laxuuninwa ohamba yokoumbuwanhu otai ka lwa nayo. Nohamba ei yokoumbangalanhu otai ka fikama ndele tai ka totela ko i nomatemba oita novalondi veenghambe nomawato mahapu, ndele yo otai ke uya moshilongo, ndele tai shi yelula ngaashi eyelu.

DANIEL 12:13

Ndele ove, inda ashike fiyo exulilo tali uya, ove u tulumukwe, ndele u nyumukile oshipewa shoye pexulilo lomafiku.”

DANIEL 12:5

Ndele ame Daniel onda mona, ndele tala, vakwao vavali va kala ofika kwinya, umwe okomunghulo langhele oku, ndele mukwao okomunghulo womulonga langhele kwinya.

DANIEL 12:9

Ndele ye okwa tya: “Inda ashike, Daniel! Osheshi eendjovo odo tadi kala da holekwa noda hakifwa noshihakifo fiyo okexulilo lefimbo.

DANIEL 8:17

Opo ye e uya popepi nonhele apa ndi li. Ndele ye eshi e uya, ame nda haluka, ndele nde lifidimika poshi. Ndele ye okwa lombwela nge ta ti: “Omona womunhu, didilika, osheshi emoniko eli otali xunganeke efimbo laxuuninwa.”

DANIEL 8:19

Ndele ye ta ti: “Tala, ohandi ku shiivifile eshi tashi ka ningwa pexulilo lefimbo lehandu. Osheshi exulilo tali ka kala mefimbo la nuninwa.

DANIEL 8:26

Ndele emoniko eli la tongwa leenguloshi noleengula olo loshili. Ndele ove emoniko li mwenenena, osheshi tali xunganeke efimbo lokomesho kokule.”

MATEUS 24:14

Ndele evaengeli eli louhamba otali udifilwa ounyuni aushe li ningile oiwana aishe ondobwedi, opo nee taku uya exulilo.

OVAROMA 10:18

Ndele ohandi pula: “Inava uda mbela? Heeno, ondaka yavo oya ya nedu alishe, neendjovo davo ofiyo okominghulo dounyuni.”

EHOLOLO 10:4

Ndele eshi omangungumo oo aheyali a popya, hanga ame onda shanga; ndelenee onda uda ondaka ya dja meulu tai ti: “Tula oshipatifo kwaadi da popiwa komangungumo oo aheyali ndele ino a shanga.”

EHOLOLO 22:10

Ndele okwa tya kwaame: “Eendjovo douxunganeki domomushangwa ou ino di tuvika oshipatifo, osheshi efimbo oli li popepi.

EHOLOLO 5:1

Ndele ame onda mona meke lokolulyo lomukalimutumba kolukalwapangelo omushangwatonywa wa shangwa meni nokombada nowa patifwa oipatifo iheyali.