DANIEL 12:3 - Ombibeli Iyapuki

³ Ndele ovanaendunge otava ka vilima ngaashi evalelwa leulu, naava tava twala vahapu kouyuki, ngaashi eenyofi alushe fiyo alushe.

DANIEL 12:3 ပူးပေါင်းရင်းမြစ်များ

EXODUS 34:35

ovana vaIsrael va mona oshipala shaMoses nokutya, oshipa shoshipala shaMoses tashi vema. Opo nee Moses okwa uvika vali oshipala shaye noshiuviko, fiyo ta i a ka popye vali naKalunga.

OMAYELETUMBULO 11:30

Oshiimati shomuyuki osho omuti womwenyo, ndele ou ta likola eemwenyo oye omunongo.

OMAYELETUMBULO 3:35

Ovanongo tava ka fyuulula efimano, ndelenee oshipewa shomalai osho ohoni.

OMAYELETUMBULO 4:18

Fimbo elila lovayuki li li ngaashi eluwa tali tende, lo tali eta ouyelele tau hapupala fiyo omutenya tau tu,

OMUUDIFI 12:9

Ndele ponho younongo Omuudifi, ye okwa longa ovanhu okushiiva, nokwa diladila ndele a konakona nokwa tunga omayeletumbulo mahapu.

JESAJA 53:11

Molwoudjuu womwenyo waye ote ke shi mona ndele ta kuta; nomolweshiivo laye Omupiya wange omuyuki ota ka ninga vahapu ovayuki, ndele Ye ota humbata omatimba avo.

JEREMIA 23:22

Ndelenee ngeno ova li po peenghundafana detu, ngeno va udifila ovanhu vange eendjovo dange nove va alula keendjila davo dii nokowii woilonga yavo.

DANIEL 11:33

Ndele ovanaendunge mokati kovanhu otava ka pukulula vahapu, ndele vo otava hepekwa keongamukonda nokomundilo nokwiidililwa modolongo nokunyekwa omafiku mahapu.

DANIEL 11:35

Ndelenee vamwe ovanaendunge otava punduka, opo ongudu yavo i talwe, i yelwe noi yelifwe fiyo okefimbo lexulilo, osheshi olo oli nokukala natango fiyo okefimbo la tokolwa.

DANIEL 12:10

Vahapu tava ka yelifwa, tava ka vemifwa, ndele tava ka yelekwa. Ndele ovadinikalunga tava ka kolokosha, ndele kape na nande umwe womovadinikalunga ta ka uda ko. Ndelenee ovanaendunge otava ka uda ko.

MATEUS 13:43

Opo nee ovayuki otava ka vilima ngaashi etango mouhamba waXe. Ou e nomatwi, na ude ko.

MATEUS 19:28

Jesus ta ti kuvo: “Oshili handi mu lombwele: medalululo olo Omona wOmunhu eshi ta ka kala omutumba kolukalwapangelo loshinge shaye, nanye yo ava mwa shikula nge, tamu ka kala omutumba komalukalwa omulongo naavali, ndele tamu ka tokola omapata aIsrael omulongo naavali.

MATEUS 24:45

“Olyelye hano omupiya omudiinini nomunaendunge, omwene waye e mu tula kombada yovapiya vaye, e va pe oikulya pefimbo lavo?

JOHANNES 4:36

Ndele paife omutei ta mono ondjabi, noiimati te i ongelele omwenyo waalushe, opo omukuni a hafe pamwe nomutei.

JOHANNES 5:35

Winya okwa li oshela ya xwama ndele ya minikila, ndelenee nye omwa hala okunyakukwa okafimbo kaxupi mouyelele waye.

OILONGA YOVAYAPOSTOLI 13:1

Ndele meongalo lomuAntiokia omwa li ovaxunganeki novalongindjovo Barnabas naSimeon a lukwa Nigeri naLukius Omukireni, naManahen, ou a tekulilwa pamwe naHerodes, omupangeli woshitine, naSaulus.

1 OVAKORINTO 3:10

Pafilonghenda eli laKalunga nde li pewa, ngaashi omutungingulu onghulungu onda tunga ekanghameno, ndele umwe e lili ta tungile mo, ndele keshe tuu na tale nhumbi ta tungile mo.

OVAEFESO 4:11

Ndele Ye okwa yandja vamwe va ninge ovayapostoli navamwe ovaxunganeki navamwe ovaevaengeliste navamwe ovafita navamwe ovalongindjovo

OVAHEBERI 5:12

Osheshi nye mokutala efimbo eli leni mOukriste, ngeno omwa wana okuninga ovalongindjovo, otamu pumbwa vali mu longwe omahovelo otete eendjovo daKalunga, notamu pumbwa natango omashini, haendja da pama.

2 PETRUS 3:15

nonhalanheni yOmwene wetu i taleni oyo exupifo leni, ongaashi omumwatate omuholike, Paulus, e mu shangela yo mounongondunge e u pewa,

EHOLOLO 1:20

Oshiholekwa sheenyofi odo heyali we di tala meke lange lokolulyo, noshoixwekelwashela ei iheyali yoshingoldo otashi ti ngaha: Eenyofi odo heyali odo ovaengeli vomaongalo aheyali noixwekelwashela ei iheyali oyo omaongalo aheyali.

OVATOKOLIPANGELI 5:31

“Ovatondadi voye aveshe, Omwene, osho ve nokukombwa po! Ndelenee ava ve mu hole, ove li ngaashi etango tali piti meenghono dalo.” Noshilongo sha tulumukwa omido omilongo nhee.