DANIEL 12:13 - Ombibeli Iyapuki

¹³ Ndele ove, inda ashike fiyo exulilo tali uya, ove u tulumukwe, ndele u nyumukile oshipewa shoye pexulilo lomafiku.”

DANIEL 12:13 ပူးပေါင်းရင်းမြစ်များ

OMAPSALOME 1:5

Onghee ovahenakalunga metokolo itava ka kanghama mo, novalunde itava kala mo meongalo lovayuki.

OMAPSALOME 16:5

Omwene Oye oshitukulwa shefyuululo lange noshoneka yange. Ove ho diinine oshihoololifo shange.

OMAPSALOME 16:9

Onghee tuu omutima wange u nehafo, nomwenyo wange tau nyakukwa, nolutu lange tali tulumukwa mombili.

EXODUS 33:14

Ndele Ye okwa nyamukula ta ti: “Oshipala shange shi nokweenda naave noku ku twala konhele yetulumuko.”

DANIEL 12:3

Ndele ovanaendunge otava ka vilima ngaashi evalelwa leulu, naava tava twala vahapu kouyuki, ngaashi eenyofi alushe fiyo alushe.

DANIEL 12:4

Ndele ove Daniel mwenenena eendjovo edi, ndele hakifa omushangwa noshihakifo fiyo okefimbo lexulilo. Vahapu tave ke u konakona, neendunge tadi ka hapupala.”

SAKARIA 3:7

Omwene womatanga ovakwaita osho ta ti: “Ove ngeenge to ende nondjila yange ndele to diinine onghedimhango yange, opo nee ove to ka pangela eumbo lange, nosho yo okukelela omaluumbo ange, ndele ame ohandi ke ku itavelela okukala mokati kaava hava kala ofika apa.

MATEUS 19:28

Jesus ta ti kuvo: “Oshili handi mu lombwele: medalululo olo Omona wOmunhu eshi ta ka kala omutumba kolukalwapangelo loshinge shaye, nanye yo ava mwa shikula nge, tamu ka kala omutumba komalukalwa omulongo naavali, ndele tamu ka tokola omapata aIsrael omulongo naavali.

LUKAS 21:36

Pashukeni hano omafiku aeshe nokwiilikana, mu mone eenghono okuya onhapo ei aishe tai ka ningwa, nokukala ofika koshipala shOmona wOmunhu.”

2 OVAKORINTO 5:1

Osheshi otu shi shii, olutu letu, etwali eli lopedu, ngeenge tali hanaunwa po, fye otu netungaumbo kuKalunga, eumbo laalushe meulu, inali tungwa nomake.

2 OVATESSALONIKI 1:7

noku mu pa, onye tuu ava mwa hepekwa, etulumuko pamwe nafye omokuholoka kwOmwene Jesus, fiku ta di meulu pamwe novaengeli vaye ovanaenghono,

EHOLOLO 14:13

Ndele nda uda ondaka ya dja meulu, tai ti: “Shanga: Ovanelao oonakufya ovo tava file mOmwene okudja nena fiyofiyo!” Heeno, Omhepo osho tai ti: “Ovo tava ka tulumukwa koudjuu wavo, osheshi oilonga yavo otai va shikula pamwe navo.”