DANIEL 11:6 - Ombibeli Iyapuki

⁶ Ndele ngeenge pa pita omido, otava ka panga eume (ninga ehangano), ndele omona okakadona kohamba yokoumbuwanhu otake ke uya kohamba yokoumbangalanhu va udafane. Ndelenee eenghono dokwooko kwako tadi mu fii po. Ohamba yokoumbangalanhu itai kala po nosho yo eenghonopangelo dayo. Nomona okakadona ye mwene otaka yandjwa pamwe naava ve mu eta ko, naxe naau e mu pameka mefimbo linya.

DANIEL 11:6 ပူးပေါင်းရင်းမြစ်များ

JOB 38:15

Ovahenakalunga tava kufwa ouyelele wavo, nokwooko kwa yeluka taku teyaulwa.

OMAPSALOME 10:5

Meendjila daye efimbo alishe ota mono ouwa; nomatokolo oye a fa e li kokule naye ngaashi eulu, ovakondjifi vaye aveshe ote va tauluka.

HESEKIEL 30:21

“Kaana komunhu, Ame onda teyaula po okwooko kwaFarao, ohamba yaEgipiti, ndele tala, ko inaku mangelwa sha, opo ku pamekwe okukwata eongamukonda.

DANIEL 11:13

Opo ohamba yokoumbangalanhu tai ka shivulula engafifi linene li dule linya lotete, ndele efimbo, nokutya omido dimwe ngeenge da pita, yo otai ke uya shili netanga linene ndele tai kala i nelao.

DANIEL 11:15

Osho ngaha ohamba yokoumbangalanhu otai ke uya ndele tai umbu omangholo oita, ndele tai totele oshilando sha pama, ndele tai shi te. Ndele omatanga okoumbuwanhu itaa dulu okulipopila, novakwaita vaye ava va hoololwa, ova nyengwa, osho ngaha inapa kala eenghono dokulipopila.

DANIEL 11:40

“Ndelenee mefimbo laxuuninwa ohamba yokoumbuwanhu otai ka lwa nayo. Nohamba ei yokoumbangalanhu otai ka fikama ndele tai ka totela ko i nomatemba oita novalondi veenghambe nomawato mahapu, ndele yo otai ke uya moshilongo, ndele tai shi yelula ngaashi eyelu.

DANIEL 11:7

Opo nee moitutumine yomidi daye otamu holoka umwe ponhele yaye, ta shakeneke etanga loita, ndele ye ota ka pumina mo mohotengulu yohamba yokoumbangalanhu, ndele te va ningile eshi a hala, ndele ta kala e neenghono,

SAKARIA 11:16

Osheshi tala, ame ohandi ka pendulila oshilongo omufita. Ye ita ka kala noshisho naai ya kana; naadi de lihanifwa, ite di kongo. Naadi da teka, ite di velula, naadi tadi kala ofika, ite di yakula. Ndelenee ye ta ka lya ombelela ya nyina, ndele ta xukaula omakondo ado.