DANIEL 11:31 - Ombibeli Iyapuki

³¹ Ndele omatanga ovakwaita otaa ka shivwa kuye, taa ka fikama nokuyapululula otembeli nohotengulu, ndele vo otava ka xulifa eyambo lomafiku aeshe, ndele tava dikile po oixuna yehanauno.

DANIEL 11:31 ပူးပေါင်းရင်းမြစ်များ

JEREMIA 19:4

osheshi vo ova efa nge nova lundulula onhele ei nova xwikila omayambo oikalunga, inai shiivika kuvo, voovene nooxekulu neehamba daJuda, ndele va yadifa onhele ei nohonde ihe netimba,

JEREMIA 7:30

Osheshi ovana vaJuda ova ninga osho shii koshipala shange, Omwene osho ta ti. Ova tula oinima yoixuna mongulu yange ya lukilwa nge, ndele ve i nyateka.

OMAIMBILOKEMO 1:10

Omunaita okwa nanena oupuna washo aushe eke laye. Heeno, osho sha li sha tala nhumbi ovapaani ve uya motembeli yasho, oyo ove we i tongele nokutya, vo vehe uye meongalo loye.

OMAIMBILOKEMO 2:7

Omwene okwa ekelashi oaltari yaye notembeli yaye e i dinifa. Ye okwa yandja momake ovatondadi omakuma eengulu doupuna. Ovo va kalukila pombada motembeli yOmwene nokukuwilila ngaashi mefiku loshivilo.

HESEKIEL 9:7

Ndele Ye okwe va lombwela: “Nyatekeni otembeli nomikala di yadifeni novadipawa. Indeni!” Ndele ova ya ndele va dipaa moshilando.

DANIEL 12:11

Okudja kefimbo tuu olo eyambo lomafiku aeshe tali kukifwa, noixuna yehanauno tai dikilwa ko, otapa kala omafiku eyovi nomafele avali nomilongo omugoi.

DANIEL 8:24

Ndelenee eenghono daye otadi ka ninga dinene, ndelenee hakeenghono daye mwene. Ndele ta ka hanauna po nai tashi kumwifa. Mwaashi te shi longo ta kala e nelao, ndele ta ka nyonauna po ovanaenghono, nosho yo oshiwana shovayapuki.

DANIEL 8:26

Ndele emoniko eli la tongwa leenguloshi noleengula olo loshili. Ndele ove emoniko li mwenenena, osheshi tali xunganeke efimbo lokomesho kokule.”

DANIEL 9:27

Ndele ye ota ka ninga eudafano la pama navahapu, li kale oule woshivike shimwe, ndele pokati koshivike ye ota ka xulifa etomenoyambo neendjayambo. Ndele omuhanauni ote ke uya nomavava oixuna. Eshi itashi xulu po fimbo etokolo la nunwa tali tililwa kombada yomuhanauni.”

HOSEA 3:4

Osheshi ovana vaIsrael otava ka kala efimbo lile, vehe nohamba, vehe nomukulunhu, vehe netomenoyambo, vehe nongudi yemanya, vehe noshikutu shelongelokalunga novehe noikalunga yomomaumbo.

MATEUS 24:15

“Hano ngeenge tamu mono oixuna yehanauno, ya popiwa komuxunganeki Daniel, i li ofika ponhele iyapuki (omuleshi ne shi didilike)

MARKUS 13:14

“Ndele eshi tamu mono oixuna yehanauno tai kala poima inai fewa po (omuleshi ne shi didilike), opo nee ava tava hangika muJudea, nava fadukile keemhunda,

LUKAS 21:20

“Ndele ngeenge tamu mono Jerusalem sha kondekwa komatanga ovakwaita, opo nee shiiveni ehanauno laJerusalem ola fika popepi;

EHOLOLO 17:12

Neembinga odo omulongo we di mona, odo eehamba omulongo, inadi nangala natango oilongo, ndele do otadi ka mona eenghono ngaashi eehamba, di kale efimbo limwe pamwe noshilyani.