DANIEL 10:8 - Ombibeli Iyapuki

⁸ Opo nee aame andike nda kala po, ndele nda mona emoniko eli linene, ndele eenghono da fiya nge po filu, nolutu lange la shituka la shila, ndele kanda li ndi neenghono vali.

DANIEL 10:8 ပူးပေါင်းရင်းမြစ်များ

GENESIS 32:31

Hano ye eshi a pitilila puPenuel, etango ola pita. Ndele ye okwa shongola monho.

EXODUS 3:3

Ndele Moses ta ti: “Onda hala ndi ehene ko popepi ndi tale emoniko eli linene, omolwashike oshixwa sheno itashi lungwina po.”

DANIEL 10:16

Ndele tala, umwe a fomunhu okwa kuma nge komilungu dange. Opo ame nda makula okanya kange, ndele handi popi handi lombwele ou, a kala ofika koshipala shange, handi ti: “Mwene wange, omolwemoniko nda kwatwa koudjuu, ndele kandi neenghono vali.

DANIEL 10:17

Ndele omupiya munini a tya ngaha womwene wange, ota shiiva ngahelipi okupopya nomwene wange u fike opo? Osheshi mwaame kamu neenghono, ndele mwaame kamu na vali omufudo nande.”

DANIEL 7:28

“Oshinima eshi sha xulila apa. Ame, Daniel, onda halukifwa unene komadiladilo ange, noshipala shange osha shituka, ndelenee oshinima eshi onde shi tuvikila momutima wange.”

DANIEL 8:27

Ndele ame Daniel, nda li nda tyololoka nonda vela omafiku. Opo nee ame nda penduka po, ndele handi yakula ohamba. Ndele emoniko eli la halula nge, neendunge dalo oda nyenga nge.

DANIEL 8:7

Ndele ame nde shi mona nhumbi tashi uya kodi oyo yondume, nomoupyu wehandu osha twa odi oyo ndele tashi teyaula po eembinga dayo mbali. Ndele modi oyo yondume kamwa li eenghono oku shi dula, ndele osho she i nata po noshe i lyataula. Ndele kapa li nande umwe a xupifa odi meenghono dasho.

HABAKUK 3:16

Onda uda eshi nolutu lange talu kakama. Onghuwo eshi tai kuu, omilungu dange tadi dedema. Otwila tai shiti momakipa ange. Ame nda kala ofika ponhele imwe nokukakama, osheshi ondi nokumwena nokuteelela efiku loudjuu, mulo oshiwana shange tashi ka totelwa.

MATEUS 17:6

Ndele ovalongwa eshi ve shi uda, ova wilika oipala yavo poshi ndele ova tila unene.

MARKUS 9:6

Ndele kakwa li e shii eshi ta ti, osheshi ova haluka.

JOHANNES 16:32

Taleni, efimbo otali uya, heeno, ole uya nokuli, onye otamu ka halakanifwa keshe tuu te liyukile, ndele tamu fii nge po andike; ndele Ame kandi li po andike, osheshi Tate oku li naame.

2 OVAKORINTO 12:7

Ndele opo ndihe linenepekele omamoniko manene, onda pewa ekiya mombelela yange, omweengeli waSatana okuhepeka nge neenghono, opo ndihe linenepeke.

EHOLOLO 1:17

Ndelenee eshi nde mu mona, onda wila keemhadi daye nda fa nda fya. Ndele Ye a tenheka nge eke laye lokolulyo ndele ta ti: “Ino tila, Aame ou, omutete nomuxuuninwa,