DANIEL 10:3 - Ombibeli Iyapuki

³ Eendja dinyenye inandi di lya, ombelela nomaviinyu inaa ya mo mokanya kange, ndele ame inandi vava fimbo oivike itatu inai xula.

DANIEL 10:3 ပူးပေါင်းရင်းမြစ်များ

2 SAMUEL 19:24

Mefiboset omutekulu waSaul, e uya yo okushakeneka ohamba, ndele ina wapeka eemhadi daye ndele ina kosha oikutu yaye okudja efiku linya ohamba ya dja ko fiyo yo ya aluka nombili.

JOB 33:20

onghee nomwenyo waye tau nyonyodola omungome, nomutima waye eendja dinyenye.

DANIEL 10:12

Opo ye a tya kwaame: “Ino kala wa tila, Daniel, osheshi okudja kefiku lotete eshi omutima woye we u endekela okushiiva nokulininipika koshipala shaKalunga koye, eendjovo doye oda udika. Nomolweendjovo doye ame onde uya.

DANIEL 11:8

heeno, oikalunga yavo noitelekwafano yavo pamwe noiyuma yavo i nondilo, noshingoldo noshisiliveli ye ote i twala kuEgipiti oixuulwa. Ndele tapa piti omido dimwe, ye e limwenenena a efa ohamba yokoumbangalanhu.

DANIEL 6:18

Ohamba oya shuna mouhamba wayo, yo inai lya sha ndele inai hala i etelwe oikumbu, ndele eemhofi de i londoka.

AMOS 5:11

Onghee hano eshi tamu lyataula omukwanaluhepo ndele tamu kufa kuye oilya yefendelo, nye ava hava tungu eengulu nomamanya a hongwa, ndelenee nye itamu ka kala mudo. Nye omwa twika oikokola iwa yomiviinyu, ndelenee itamu ka nwa omaviinyu ayo.

NAHUM 2:9

Nyekeni oshisiliveli! Tinheni oshingoldo! Emona lihapu li li mo, itali pu mo. Oupuna woinima iwa i lili noi lili.

MATEUS 6:17

Ndelenee ove ngeenge to lidilike oikulya, vaeka omutwe woye ndele kosha oshipala shoye,

LUKAS 7:46

Ove ino vaeka omutwe wange nomaadi, ndele ou okwa vaeka eemhadi dange nomaadi.

1 OVAKORINTO 9:27

ndele ohandi denge olutu lange nohandi li dulikifa, opo ndiha ninge aame ou handi udifile vamwe, ame mwene ngeno ndi ekelweshi.