DANIEL 10:19 - Ombibeli Iyapuki

¹⁹ Ndele ye okwa tya: “Kala nomwenyo muwa, oove omulumenhu muwa.” Ombili nai kale naave. Kala wa pama, heeno, lipameka! Ndele fimbo ta popifa nge, ame ondi udite eenghono mwaame, ndele handi ti: “Omwene wange, popya, osheshi Ove wa pameka nge.”

DANIEL 10:19 ပူးပေါင်းရင်းမြစ်များ

OMAPSALOME 138:3

Eshi nda li nde ku ifana owa uda nge owa dika nge, onyati, omwenyo wange wa mona eenghono.

JESAJA 35:4

Lombweleni ava ve nomitima di noumbada: “Inamu tila, lipamekeni,” Kalunga keni Oye ou. Tala, Kalunga keni ote uya nehandu, onghone yaKalunga tai uya, Oye mwene ote ke uya, ndele te mu xupifa.

JESAJA 41:10

Ino tila, osheshi Ame ondi li pamwe naave. Ino tala wa limbililwa, osheshi Aame Kalunga koye. Ame ohandi ku pameke ndele handi ku kwafa yo, Ame ohandi ku yambidida yo neke lolulyo louyuki wange.

JESAJA 41:14

Ino tila, einyo o ove, Jakob, okamhunga o ove Israel: “Ame ohandi ku kwafa, Omwene osho ta ti, nOmukulili woye Oye Omuyapuki waIsrael.

DANIEL 10:18

Opo nee winya a fomunhu okwa kuma nge vali, ndele ta pamekulula nge.

DANIEL 9:23

Pehovelo lokwiindila kwoye, okwa dja ondjovo ndele ame onde uya ndi i holole, osheshi oove muwa unene. Didilika hano ondjovo ei, ove u shiive emoniko olo.

HAGGAI 2:4

Serubbabel, kala wa pama, Omwene osho ta ti, naave yo Josua yaJosadak, omupristeli omukulunhu, lipameka, novanhu aveshe vomoshilongo, lipamekeni, nye mu longe, Omwene ta ti. Osheshi Ame ndi li pamwe nanye, Omwene womatanga ovakwaita ta ti.

SAKARIA 8:13

Heeno, onye eumbo laJuda nolaIsrael ngaashi mwa li efingo mokati koiwana, osho nge handi mu xupifa, otamu ka ninga enangeko noupuna. Inamu tila. Pamekeni omake eni.”

SAKARIA 8:9

“Omwene womatanga ovakwaita osho ta ti: Pamekeni omaoko eni, onye mwa uda pomafiku aa eendjovo odo komakanya ovaxunganeki, mefiku tuu olo, ekanghameno longulu yOmwene womatanga ovakwaita eshi la fikikwa, otembeli i tungwe.

JOHANNES 11:3

Opo ovamwaina ovakainhu ova tuma kuJesus ondaka ei: “Omwene, tala, ou u mu hole, ota vele.”

JOHANNES 11:36

Opo Ovajuda ova tya: “Taleni, nhumbi kwa li e mu hole.”

JOHANNES 11:5

Ndele Jesus okwa li e hole Marta nomumwaina naLasarus.

JOHANNES 14:27

“Ombili ohandi i mu fiile, ombili yange ohandi i mu pe. Itandi mu pe ngaashi ounyuni tau yandje. Omitima deni inadi nyika oluhodi, nye inamu tila.

JOHANNES 16:33

Oinima ei onde i mu lombwela, mu kale mu nombili mwaame. Mounyuni omu li mo mu noudjuu, ndelenee kaleni nomwenyo muwa, Ame onda finda ounyuni.”

JOHANNES 19:26

Ndele Jesus eshi a mona ina nomulongwa ou a li e holike kuye, ve li ofika opo, okwa tya kuina: “Omukainhu, tala omona woye.”

JOHANNES 21:20

Opo nee Petrus okwa punguluka ndele ta mono omulongwa ou, Jesus a li e mu hole, te mu shikula, oye ou a li e liyaameka ponhulo yaye pouvalelo, ndele a tile: “Omwene, olyelye ou te ku kengelele?”

1 OVAKORINTO 16:13

Kaleni oupafi, mwa pama meitavelo, ovalumenhwelela, mwa pamenena.

2 OVAKORINTO 12:9

Ndelenee Oye okwa lombwela nge: “Efilonghenda lange ole ku wanena, osheshi eenghono dange otadi wanenene pombada omoungone.” Osho hano ohandi litangele oungone wange nehafo, eenghono daKristus opo di kale mwaame.

OVAEFESO 6:10

Ndele natango, ovamwatate, lipamekeni mOmwene nomeenghono domepangelonghono laye.

2 TIMOTEUS 2:1

Oove hano, omumwange, likolelela mefilonghenda eli li li muKristus Jesus;

JOSUA 1:9

Ame inandi shi ku lombwela hamba: kala wa pama ndele nyatipala? Ino tila ndele ino haluka, osheshi Omwene Kalunga koye oku li naave keshe apa to i.”

EHOLOLO 1:17

Ndelenee eshi nde mu mona, onda wila keemhadi daye nda fa nda fya. Ndele Ye a tenheka nge eke laye lokolulyo ndele ta ti: “Ino tila, Aame ou, omutete nomuxuuninwa,

OVATOKOLIPANGELI 6:23

Ndelenee Omwene okwe mu lombwela: “Ombili nai kale naave! Ino tila! Ito fi!”