DANIEL 10:12 - Ombibeli Iyapuki

¹² Opo ye a tya kwaame: “Ino kala wa tila, Daniel, osheshi okudja kefiku lotete eshi omutima woye we u endekela okushiiva nokulininipika koshipala shaKalunga koye, eendjovo doye oda udika. Nomolweendjovo doye ame onde uya.

DANIEL 10:12 ပူးပေါင်းရင်းမြစ်များ

OMAPSALOME 69:10

Ame, omwenyo wange owa kwena nokulidilika eendja, ndele osha monifa nge ashike omatukano.

JESAJA 35:4

Lombweleni ava ve nomitima di noumbada: “Inamu tila, lipamekeni,” Kalunga keni Oye ou. Tala, Kalunga keni ote uya nehandu, onghone yaKalunga tai uya, Oye mwene ote ke uya, ndele te mu xupifa.

JESAJA 41:10

Ino tila, osheshi Ame ondi li pamwe naave. Ino tala wa limbililwa, osheshi Aame Kalunga koye. Ame ohandi ku pameke ndele handi ku kwafa yo, Ame ohandi ku yambidida yo neke lolulyo louyuki wange.

JESAJA 41:14

Ino tila, einyo o ove, Jakob, okamhunga o ove Israel: “Ame ohandi ku kwafa, Omwene osho ta ti, nOmukulili woye Oye Omuyapuki waIsrael.

JESAJA 58:9

Efiku olo ove to ka ifana ndele Omwene ote ke ku nyamukula, ove noto mu kuwile onghuwo, ndele Ye ota ka tya: Aame ou, ndi li apa! Ngeenge ove to taataa efininiko munye, ndele ito aneke vali nomunwe woye nokupopya omalundilo,

JESAJA 65:24

Ndele fimbo inava ifana nge, Ame ohandi ke va itavela, nomanga tava popi, Ame onda uda ko.

DANIEL 10:11

Ndele ye okwa lombwela nge ta ti: “Daniel, omulumenhu muwa, uda eendjovo edi handi ku lombwele, ndele fikama po kala ofika, osheshi paife ame onde ku tuminwa.” Ndele fimbo ta popi naame ondjovo ei, ame onda yambuka nda kala ofika nohandi kakama.

DANIEL 10:19

Ndele ye okwa tya: “Kala nomwenyo muwa, oove omulumenhu muwa.” Ombili nai kale naave. Kala wa pama, heeno, lipameka! Ndele fimbo ta popifa nge, ame ondi udite eenghono mwaame, ndele handi ti: “Omwene wange, popya, osheshi Ove wa pameka nge.”

LEVITIKUS 16:29

“Ndele oyo nai ninge kunye onghedimhango yaalushe nokutya: mohani onhiheyali mefiku etimulongo lohani, mu nokunyika oluhodi, ihamu longo oilonga yeni, ngee omudalelwamo moshilongo ile omunailongo ha kala mokati keni.

LEVITIKUS 16:31

Olo nali ninge kunye efiku letulumuko la wana, ndele nye mu nokunyika oluhodi. Onghedimhango ei oyaalushe.

NUMERI 29:7

“Ndele mefiku etimulongo lohani tuu ei onhiheyali mu nokwoongala moshiongalele sheni shiyapuki, ndele nye mu nokunyika oluhodi. Inamu longa sha.

MATEUS 28:10

Ndele opo nee Jesus okwa tya kuvo: “Inamu tila, indeni mu ka lombwele ovamwatate, va ye kuGalilea, oko tava ka mona nge.”

MATEUS 28:5

Ndele omweengeli okwa popifa ovakainhu ndele okwa tya: “Nye inamu tila; osheshi ndi shi shii, onye tamu kongo Jesus, omuvalelwa komushiyakano.

MARKUS 16:6

Ye okwa tya kuvo: “Inamu tila. Otamu kongo Jesus Omunasareti, omuvalelwa komushiyakano. Ye okwa nyumuka, ke mo omu. Taleni onhele ei apa va li ve mu nangeka.

LUKAS 1:13

Ndelenee omweengeli okwa tya kuye: “Sakaria, ino tila, osheshi eilikano loye ola udika, nomukainhu woye Elisabet ote ku dalele okamati, ndele to ka luku Johannes.

LUKAS 1:30

Ndele opo omweengeli okwa tya kuye: “Maria, ino tila, osheshi ove owa mona onghenda kuKalunga.

LUKAS 2:10

Ndele omweengeli wOmwene okwa tya kuvo: “Inamu tila, taleni ame ohandi mu udifile ehafo linene tali ningi lovanhu aveshe.

LUKAS 24:38

Ye okwe va lombwela: “Oshike mwa tila ngaha, noshike omadiladilo a tya ngaha a penduka momitima deni?

OILONGA YOVAYAPOSTOLI 27:24

Ye okwa tya: ‘Paulus ino tila, ove ou nokuya koshipala shomukesari, ndele tala, Kalunga e ku pa aveshe ava tava ende pamwe naave.’

EHOLOLO 1:17

Ndelenee eshi nde mu mona, onda wila keemhadi daye nda fa nda fya. Ndele Ye a tenheka nge eke laye lokolulyo ndele ta ti: “Ino tila, Aame ou, omutete nomuxuuninwa,