DANIEL 1:4 - Ombibeli Iyapuki

⁴ ovanyasha ovamati ava vehe noshipo shasha komalutu, ndelenee vawa okutala novanaendunge mounongo aushe, ndele ve neshiivo nomayele nomitwe dipu okutambula omalongo naava va wana okulonga mouhamba wohamba, ndele ye okwa li e noku va longa okushanga nokupopya elaka lOvakaldea.

DANIEL 1:4 ပူးပေါင်းရင်းမြစ်များ

GENESIS 41:46

Ndele omido daJosef oda li omilongo nhatu eshi a kala ofika koshipala shaFarao, ohamba yaEgipiti. Ndele Josef okwa dja po puFarao nokwa endaenda oshilongo ashishe shaEgipiti.

2 SAMUEL 14:25

Ndele muIsrael ashishe inamu kala omulumenhu nande umwe e nondjelo iwa nomutangwa ngaashi Absalom. Okudja koshififinwa fiyo opokati komutwe waye kamu nombudi yasha.

OMAYELETUMBULO 22:29

Ngeenge to mono omulumenhu e nomayele mokulonga kwaye; ye ota dulu okukala ofika moipafi yeehamba, hamokulongela ovafyoona.

OMUUDIFI 7:19

Ounongo tau kwafa omunongo nekwafo linene li dule ovapangeli omulongo vomoshilando.

JESAJA 36:11

Opo nee Eliakim, Sebna naJoah ova lombwela Rabsake, ndele tava ti: “Popya novanhu voye Oshiaramea, osheshi otu shi udite, ove ino tu popifa mOshiheberi moipafi yovanhu aveshe ve li kombada yohotekuma.”

JEREMIA 5:15

Akutu, onye eumbo laIsrael! Taleni, Ame ohandi mu tumine oshiwana shokokule, Omwene osho ta ti, oshiwana sha pama, oshiwana sha kala nokuli nale, oshiwana elaka lasho ove uhe li shii, ndele ku udite ko eshi hava popi.

DANIEL 2:10

Ovakaldea ova nyamukula koshipala shohamba tava ti: “Kombada yedu kaku nomunhu ta dulu okushiiva oshinima eshi sha tongwa kohamba. Onghee hano kaku na nokuli ohamba inene i neenghono tai pula omukoneki nondudu ile Omukaldea oshinima shi li ngaha.

DANIEL 2:2

Opo nee ohamba ya lombwela ovanongo, eendudu, eemhule nOvakaldea va ifanwe va fatulule ondjodi yohamba ei ya twa, opo vo ve uya tava kala ofika koshipala shohamba.

DANIEL 3:8

Opo tuu opo pe uya ovalumenhu vamwe Ovakaldea okupopya ko Ovajuda.

DANIEL 4:7

Ndele ovanongo, eendudu, Ovakaldea novakoneki veenyofi ve uya, ndele ame onde va hepaululila ondjodi ei, ndelenee vo ova nyengwa oku i tomonena nge.

DANIEL 5:11

Moshilongo shoye omu nomulumenhu e nomhepo yookalunga vayapuki. Pomafiku axo ye okwa monika e nomayele neendunge nounongo, ngaashi ounongo wookalunga. Onghee hano xo, Nebukadnesar okwe mu ninga elenga lakula lovanongo vomishangwa, leendudu, lOvakaldea nolovakoneki veenyofi; ohamba xo, osho ya ninga,

DANIEL 5:7

Ndele ohamba oya ingida mokule, eendudu nOvakaldea veenyofi va etwe mo. Opo nee ohamba oya lombwela ovanongo vomuBabilon ndele tai ti: “Keshe ou ta dulu okulesha eshangelo eli ndele te li tomonene nge, oye ta ka dikwa oshikutu shiwa shitilyana nelyenge loshingoldo mofingo yaye, ndele ta lengwa elenga etitatu moshilongo.”

DANIEL 9:1

Momudo wotete waDarius yaAhasveros womoludi laMedia, ou a ninga ohamba yoshilongo shOvakaldea,

SAKARIA 2:4

Ye okwe mu lombwela, ndele ta ti: “Tondoka, lombwela omumati winya u tye: ‘Oshilando Jerusalem tashi ka kala shihe nohotekuma molwouhapu wovanhu nomolwouhapu woimuna i li musho.

OILONGA YOVAYAPOSTOLI 7:20

Mefimbo linya Moses omo a dalwa, ndele okwa li okaana kawa unene ka wapalela Kalunga, ko ka li ka diininwa meumbo laxe eehani nhatu.

OILONGA YOVAYAPOSTOLI 7:22

Ndele Moses okwa longwa ounongo aushe wOvaegipiti, nokwa li omuladi meendjovo nomoilonga.

OVAEFESO 5:27

opo a dule okukaleka ofika moipafi yaye mwene eongalo la yelifwa lihe nedilo ile eengonyoto ile oinima inai wapala, ndelenee li kale liyapuki nolihe noshipo.

OVATOKOLIPANGELI 8:18

Ndele okwa pula kuSeba nokuSalmunna: “Ovalumenhu venya mwe va dipaa puTabor ovakwashike?” Ndele vo va nyamukula: “Ngaashi ove, osho va li: olupe lakeshe la fa olupe lovana vohamba.”