DANIEL 1:15 - Ombibeli Iyapuki

¹⁵ Ndele eshi pa pita omafiku omulongo, vo ova monika ve nomalutu a ondoka nove li nawa, ve dule ovamati aveshe ovo va lya eendja dohamba.

DANIEL 1:15 ပူးပေါင်းရင်းမြစ်များ

OMAPSALOME 37:16

Okaxupinima komuyuki okawa, ke dule oupuna wovahenakonasha naKalunga vahapu.

EXODUS 23:25

Ndele nye mu nokulongela Omwene Kalunga keni. Opo nee Ye ota ka nangeka noupuna omungome weni nomeva eni, nomaudu ohandi ke a kandula mo mokati keni.

OMAYELETUMBULO 10:22

Enangeko noupuna lOmwene, olo tali likolifa, noshilonga shidjuu itashi wedele ko sha.

DANIEL 1:14

Moshinima eshi okwe va uda ndele te va yeleke omafiku omulongo.

HAGGAI 1:6

Nye omwa kuna mo shihapu, ndelenee mwa teya shinini. Nye mwa lya, ndelenee inamu kuta. Mwa nwa, ndelenee inamu kumwa. Nye mwa djala, ndelenee inamu dja outalala. Naau ta longele ondjabi te i tula mokandjato ka pombauka.

HAGGAI 1:9

Onye mwa teelela shihapu, ndelenee kwa dja shinini. Ndele nye mwe shi eta mo momaumbo eni, ndelenee Ame nde shi fudila po. Omolwashike? Omwene womatanga ovakwaita osho ta ti. Omolwongulu yange, osheshi ya kala ya ngumauka, fimbo keshe umwe womunye ta lotokele eumbo laye mwene.

MALAKIA 2:2

Nye eshi itamu udu ndele itamu tambula momitima deni mu fimanekife edina lange, Omwene womatanga ovakwaita ta ti, onghee ohandi ka tuma efingo mokati keni ndele handi lundulula omanangeko noupuna eni, ndele taa ningi efingo. Heeno, Ame onde a finga nokuli, shaashi nye inamu tambula sha momitima.

MATEUS 4:4

Ndelenee Ye okwa nyamukula ndele ta ti: “Okwa shangwa: ‘Hakomungome auke omunhu ta kala e nomwenyo, ndelenee okondjovo keshe tai di mokanya kaKalunga.’ ”