AMOS 8:3 - Ombibeli Iyapuki

³ Ndele mefiku tuu olo omaimbilo omotembeli otaa shituka oupongo. Omwene Kalunga ta ti: Oimhu oi li po ihapu, ye lihanena meenhele adishe. Filu!”

AMOS 8:3 ပူးပေါင်းရင်းမြစ်များ

OMAPSALOME 39:9

Onda ponga, itandi makula okanya kange, osheshi Oove ou, we shi ninga.

JESAJA 37:36

Opo nee omweengeli wOmwene okwa ya ko ndele ta dipaele meenhanda daAsiria ovalumenhu omayovi efele nomafele omilongo hetatu naatano. Nongula eshi kwa sha, aveshe ova li oimhu ihe na omwenyo.

JEREMIA 22:18

Onghee Omwene ota popi Jehoiakim yaJosia, ohamba yaJuda, ndele ta ti: “Ye ita lilwa eenghali ngaashi tapa ingidwa: ‘Woo, omumwatate omulumenhu! Woo, omumwameme omukainhu!’ Ye ita lilwa nokukwena: ‘Woo, omwene, woo, oshingepangelo shaye!’

OMAIMBILOKEMO 2:10

Ovakulunhu vomona okakadona kaSion va kala omutumba poshi, va mwena. Komitwe davo ove lifundila ondwi yedu, vo ova djala eeshako. Oukadona vomuJerusalem ova nyongameka omitwe davo pedu.

JOEL 1:11

Ovanamapya va fifwa ohoni, ovanamiviinyu hava kemene oilyavala nomahangu, osheshi oilya yomomapya kai po.

JOEL 1:13

Djaleni, ndelenee kemeni, nye ovapristeli! Kuweni, nye ovayakuli vopomayambelo! Ileni, nye ovapiya vaKalunga mu nangale oufiku mwa djala eeshako. Osheshi eendjayambo noikunwayambo ya xula mo mongulu yaKalunga keni.

JOEL 1:5

Pendukeni, nye eengholwe, nye mu lile. Ndele nyikeni oluhodi, onye amushe oonakunwa omaviinyu omolwomaviinyu inaa pya, osheshi a kufwa mo momakanya eni.

LEVITIKUS 10:3

Opo nee Moses ta ti kuAron: “Eshi osho tuu osho Omwene e shi tile, eshi ta ti: ‘Mwaava ve li popepi naame, Ame nda hala okushiivifa ouyapuki wange nomoipafi yovanhu aveshe nda hala okulifimanekifa.’ ” Ndelenee Aron okwa mwena.

AMOS 4:10

“Ame nde mu tumina oudu wolutapo ngaashi muEgipiti. Ame nda dipaa ovamati veni neongamukonda, neenghambe deni da kwatwa. Ndele edimba lii lomeenhanda deni nde li fikifa fiyo okomayulu eni. Ndele nande ongaha, nye inamu alukila kwaame, Omwene ta ti.

AMOS 5:16

Onghee hano, Omwene Kalunga komatanga ovakwaita. Ye Omwene ta ti ngaha: “Meendabo adishe ope nekemo, momapandavanda tava ka tya: Woo, Woo! Ndele tava kala nokunyika oluhodi, novanongo vokulila nava ifanwe okwiimba omaimbilo eefya.

AMOS 5:23

Kufei po oshihomo shomaimbilo eni! Ame inandi hala okupwilikina ondaka yonyalilo yoye.

AMOS 6:4

Onye ava hamu nangala meembete domayoo eendjaba nokwaalangata moipundi yetulumukilo, ndele hamu kala nokulya oudjona noukombwena neenhana domoshuunda sheni.

AMOS 6:5

Onye ava hamu imbi omaimbilo pakwafo leshiko lonyalilo, ndele hamu uku ngaashi David mu tote ouxumbafeta.

AMOS 6:8

Omwene Kalunga okwa ana muye mwene, Omwene Kalunga komatanga ovakwaita ta ti: “Ame handi nyonyodola elinenepeko laJakob, ndele handi tondo eengulu daye doupuna. Onghee hano handi efa oshilando nakeshe eshi shi li mo.”

AMOS 8:10

Oivilo yeni ohandi i lundululila moluhodi nomaimbilo eni aeshe omaimbilo oupongo, ndele Ame ohandi tula moiya aishe oshako nokomitwe adishe ongwala. Ndele ame ohandi shi ningi ngaashi okulilwa kwomona ewifa, ndele tashi ka xula ngaashi efiku lilula.

NAHUM 3:3

Eenghambe dovalondi da yakalala! Nomaongamukonda taa taima, nomaonga taa vema! Ongudu inene yoonakudipawa, neenduba dovafi. Oimhu ihapu kai shii kuvalwa. Ovanhu tava pandaulwa koimhu yavo.

SEFANIA 1:7

Limweneneneni koshipala shOmwene Kalunga! Osheshi efiku lOmwene li li popepi. Osheshi Omwene okwa longekida etomenoyambo ndele a yapula ovashivwa vaye.